Isaia 66:19 - ÎVUKU RÎA ÛVORO MWARO

¹⁹ na nîngaamonia rûûri rwa vinya wakwa gatagatîrî kao. “Nwatî arîa magaatigara nîngaamatûma mathiî mavûrûrirî ma kûraca; namo nî: Tarishishi, Lîbia, na Lîdia (kûrîa kûrî andû maicîkene na gûtûmîra ûta na mîguî mûno.) Wana nîngaamatûma mathiî mavûrûrirî ma Tubali na Ngiriki, wana mavûrûrirî ma kûraca marîa marî vakuvî na îria, marîa matanegua ngumo ya rîîtwa rîakwa wana kana moona riiri wakwa. Andû acio akwa nîmakaanîrîra ûvoro wa riiri wakwa mavûrûrirî mau monthe.

Isaia 66:19 ပူးပေါင်းရင်းမြစ်များ

Kîam 10:13

Misiri nîke watuîkire îthe wa andû a Ludi, Anamimu na Lehabi, Nafutuhi,

Kîam 10:2

Ariû a Jafethi maarî: Gomeri, Magogu, Madai, Javani, Tubali, Mîsheki na Tirasi.

Kîam 10:22

Ariû a Shemu maarî; Elamu, Ashuri, Aripakishadi, Ludi na Aramu.

Kîam 10:4

Nao anake a Javani maarî: Elisha, Sipania, Kuporo, na Rodo.

Kîam 9:27

Ngai arotûma njiarwa cia Jafethi ciîngîve! Njiarwa ciake irotûûranîra na ciana cia Shemu! Kanaani arotuîka ngombo ya Jafethi.”

1Maû 1:11

Anake a Misiri maarî: Ludimu, Anamimu, Lehabimu, Nafutuhi,

1Maû 1:7

Anake a Javani maarî: Elisha, Tarishishi, Kitimu, na Rodanimu.

1Maû 16:24

Anîrîrani ûvoro wa riiri wake kûrî ndûrîrî cionthe, andû onthe nîmerwe maûndû make ma magegania!

Thaburi 72:10

Athamaki a Tarishishi na a icîgîrîra nîmakaaruta gooti kûrî ke, athamaki a Sheba na a Seba nîmakaamûvirîra iveo.

Isaia 11:12

Nîagaaûkîrîria vendera ya kwonia mavûrûri, atî nîakaaûngania andû a Isiraeli arîa matarî kîene, nîakaaûngania andû a Juda arîa manyaganîtie mîthiiarî îna ya nthî.

Isaia 18:3

Mue arîa mûtûûraga mavûrûrirî monthe ma nthî, namue mûtûûraga nthî, rîrîa kîmenyithia gîkoonanua îgûrû rîa kîrîma, mûkaaroria! Rîrîa karumbeta gakaavuvwa, mûkaathikîrîria!

Isaia 18:7

Vîndî îo, Ngai-Mûnene mwene vinya wonthe nîakaavirîrwa iveo kuuma vûrûrirî ûyû ûgaanîtue nî nyûnjî, ûrî andû araca na marî ngothi nyoroku. Andû acio nîmetigîrîtwe nthî yonthe. Magaaûka Kîrîmarî gîa Zayuni, varîa Ngai-Mûnene Mwene Vinya wonthe agoocagîrwa.

Isaia 2:16

Nîagaacûkangia meri cia Tarishishi, na acûkangie matarû monthe mathaka.

Isaia 29:24

Andû arîa ariitu nîmakaagîa na ûmenyo, nao arîa manugunaga nîmagetîkîra kûthomithua.”

Isaia 42:12

Arîa onthe matûûraga ndeererî cia îria, nîmakumie Ngai-Mûnene na mamûgooce.

Isaia 42:4

Ndagaakua ngoro kana athirwe nî vinya, nginya rîrîa agaatûma kîvooto kîîvande gûkû nthî, andû arîa matûûraga icîgîrîrarî na ndeere cia îria metagîrîra watho wake.”

Isaia 43:6

Nîngera mwena wa rûgûrû, ‘Marekererie mathiî,’ naguo mwena wa îveti nîwîre, ‘Ndûkamavingîrîrie.’ Cokiani andû akwa kuuma mavûrûri ma kûraca, na mûrete erîtu akwa kuuma mîthiia ya nthî.

Isaia 49:1

Tanthikîrîriani mue mavûrûri ma kûraca, tegani matû mue andû arîa mûtûûraga kûndû kûraca! Ngai-Mûnene aambîtire mbere ya njiarwe, aanthuurire nduîke ndungata yake nîrî îvurî rîa nyanya.

Isaia 49:12

Andû akwa nîmakaauma kûndû kûraca, nao engî maume mwena wa rûgûrû na engî mwena wa îthûîro, na arîa engî maume mwena wa îveti.”

Isaia 49:22

Mwathani Ngai arauga atîrî, “Nîngambararîria andû a ndûrîrî njara yakwa, na mbûkîrîrie vendera yonwe nî andû; nao nîmakaarete anake enyu mamakuuîte na njara ciao, nao erîtu enyu mamakuuîte na ituro ciao.

Isaia 51:5

Gûkûûrana gwakwa kûrî vakuvî, naguo ûvonokio wakwa nî mwambîrîriu kwoneka. Nie mwene nînie ngaatha mavûrûri; andû arîa matûûraga mavûrûrirî ma kûraca nîmambetererete, na mevokete nîmavonokie.

Isaia 52:10

Ngai-Mûnene nîonanîtie vinya wake mûtheru kûrî andû a mavûrûri monthe, nayo mîthiia yonthe ya nthî nîîkona ûvonokio wa Ngai wetû.

Isaia 52:15

nwaguo îkaamakia ndûrîrî nyîngî, nao athamaki magaakira ki, magegete nîûndû wake, nîûndû nîmakoona maûndû marîa matanerwa, na nîmageciria maûndû marîa mateguîte ûvoro wamo.”

Isaia 55:5

Nama nîmûgeta ndûrîrî irîa mûtaicî, na andû a ndûrîrî irîa itagwîcî nîmagaaûka kûrî we mavinyûrîte! Nie Ngai-Mûnene Ngai wenyu Ûrîa Mûtheru wa Isiraeli, nînie ndûmîte maûndû mau monthe mekîke, nînie ndûmîte ûvewe riiri.”

Isaia 60:9

Nî meri ciumîte mavûrûrirî ma kûraca, itongoreretue nî meri cia Tarishishi. Iretete andû aku kuuma kûndû kûraca, marî na sîlûva na thaavu ciao, nîûndû wa rîîtwa rîa Ngai-Mûnene Ngai wenyu, na nîûndû wa Ûrîa Mûtheru wa Isiraeli, nîûndû nîatûmîte mûgîe riiri.

Isaia 62:10

Andû a Jerusalemu umagarani mûthiî na kûu nja ya îtûûra, thondekerani andû enyu njîra arîa macokete! Thondekani varavara na mûthengutie mathiga monthe kuo, vandani ivaû nîguo andû a ndûrîrî mone.

Isaia 65:1

Ngai-Mûnene arauga atîrî, “Nethagîrwa nîîvarîrîtie gûcokia mavoya ma andû akwa, nwatî matiamvoya. Nethagîrwa nîîvarîrîtie kwonwa nî arîa mataanjaragia, nwatî wana matiageria kûnjaria. Nie nerire rûrîrî rûrîa rûtamvoyaga atî: ‘Nîrî ava! Nîrî ava.’

Jeremia 46:9

Thiîni na mbere mue mbarathi, tharîkîrani mue ikaari cia mbarathi! Athigari a mbaara nîmaumagare, arûme a Ethiopia na Puti arîa makuuaga ngo, arûme a Ludi arîa maicî kûratha na ûta.”

Ezek 27:10

“Athigari kuuma Perisia, Ludi na Puti nîmaatungataga gîkundirî Kîam athigari aku a mbaara. Ngo ciao na ngovia cia kûgitîra ciongo maaicurîtie kûrîa athigari a mbaara mekaraga. Athigari acio nîmaatûmire ûgîa riiri.

Ezek 27:13

Andû kuuma Javani, Tubali na Mesheki nîmaarutithanagia nawe wîra wa kûgûra na kwendia indo. Nîmaakûviragîra ngombo na indo cia cuuma ya gîcango nîguo ûmakûrananîrie na indo ciaku.

Ezek 30:5

“Athigari a mbaara arîa maanyitanîre na andû a Misiri: athigari kuuma Ethiopia, Puti, Ludi na andû onthe kuuma Arabia, Lîbia nîmakaaûragwa marî vamwe mbaararî.”

Ezek 32:26

“Mesheki na Tubabli marî vo, marigicîrîtue nî mbîrîra cia athigari ao a mbaara. Onthe matiarî aruu na maaûragîrwe mbaararî. Kûnarî ûguo nîmaamakagia arîa marî mwoyo.

Ezek 39:1

Mwathani Ngai-Mûnene nîwambîrire atîrî, “We mûndû, rathîra Gogu mûtongoria mûnene wa vûrûri wa Mesheki na wa Tubali, na ûmwîre atî, nie Ngai-Mûnene nîndeganîte nake.

Ezek 39:6

Nîngaatûma vûrûri wa Magogu kûgîe mwaki na ûgîe kûrî andû arîa matûûraga na thayû rûtererî rwa îria. Nao nîmakaamenya atî, nînie Ngai-Mûnene.

Danieli 11:18

Vuva wa ûguo, nî akaatharîkîra mavûrûri marîa marî rûtere rwa îria na avoote meengî ma mo. Nwatî mûtongoria mûgeni nî akaamûvoota na amûverithie nîûndû wa ûng'endu wake; nama nîakaaverithia mûthamaki wa Sîria nîûndû wa ûng'endu wake.

Zefania 2:11

Ngai-Mûnene akethîrwa arî wa kûmakania kûrî o, agaatua ngai cia nthî ta îtarî kîndû. Mavûrûri monthe ma nthî nîmakaamûtîîa, wa vûrûri ûrî vandû va guo.

Zefania 3:10

Kuuma mûringo wa nyûnjî cia Ethiopia, andû akwa arîa manyaganîtie kûndû na kûndû, nîmakaandetere maruta.

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

Mathaayo 28:19

Kwoguo thiîni kûrî andû onthe arîa marî nthî yonthe mûkamatue arutwa akwa. Mavatithagieni na rîîtwa rîa Îthe, na rîa Mûriû na rîa Roho Mûtheru.

Maariko 16:15

Nake Jesû nîwamerire atîrî, “Thiîni nthî yonthe mûkavunjîrie andû onthe ûvoro mwaro.

Luka 2:34

Simioni nîwamarathimire, agîcoka akîîra Mariamu ng'ina wa Jesû atîrî, “Ngai athuurîte mwana ûyû nîguo acûkangie na avonokie andû eengî arîa marî vûrûrirî wa Isiraeli. Mwana ûyû akeethîrwa arî kîmenyithia kîrîa andû eengî makaaria maûndû macûku make,

Aroma 15:21

Nîûndû mandîkorî matheru kwandîkîtwe atîrî, “Arîa mataanerwa ûvoro wake nîmakoona, na arîa mataanegua ûvoro wake, nîmagaataûkîrwa.”

Aefeso 3:8

Nîrî mûnini gûkîra andû onthe a Ngai, nwatî Ngai nîwamûvere kîveo kîu Kîam mwanya. Nakîo kîveo kîu nî gîa kûvunjia kûrî andû a Ndûrîrî ûvoro mwaro wîgiî ûtonga ûrîa ûtarî kîthimi wa Kristû.