Isaia 66:18 - ÎVUKU RÎA ÛVORO MWARO

¹⁸ Nîmbicî ciîko ciao na meciria mao. Ngaaûka gûcokanîrîria andû a ndûrîrî cionthe na nthiomi cionthe; magaaûka na meyonere riiri wakwa

Isaia 66:18 ပူးပေါင်းရင်းမြစ်များ

Ayubu 42:2

“Nîmbicî atî ûrî na ûvoti wa gwîka maûndû monthe, na gûtirî mûndû ûngîregana na wendi waku.

Thaburi 139:2

Nîûmenyaga rîrîa ngwîkara nthî na rîrîa ngûkîra, nîûmenyaga meciria makwa ûrî kûraca.

Thaburi 67:2

nîguo andû a nthî yonthe mamenye wendi waku; na mavûrûri monthe mamenye ûvonokio waku.

Thaburi 72:11

Athamaki onthe nî makenamîrîria mothiû mbere yake; mavûrûri monthe nî makaamûtungatîra.

Thaburi 72:17

Rîîtwa rîa mûthamaki rîrotûûra rîririkanagwa tene na tene, ngumo yake îrotûûra vîndî rîrîa riûa rîgûtûûra rîaraga. Mavûrûri monthe marovoyaga Ngai amarathime, ta ûrîa arathimîte mûthamaki.

Thaburi 82:8

We Ngai, ûka ûtuîrîre nthî ciira; nîûndû mavûrûri monthe ma nthî nî maku.

Thaburi 86:9

Ndûrîrî cionthe irîa waûmbire nîigaaûka ikûgooce, we Mwathani; na nîikaanîrîra ûnene wa rîîtwa rîaku.

Thaburi 94:11

Ngai-Mûnene nîaicî meciria ma andû, nîaicî atî nî ma mana.

Thaburi 97:6

Îgûrû nî rîanagîrîra ûthingu wake, nao andû onthe nî monaga riiri wake.

Isaia 11:9

Kîrîmarî kîrîa kîtheru Kîam Ngai, gûtigativanua kana gwîkwa maûndû macûku. Nîûndû nthî îkethîrwa îcûrîte ûmenyo wa Ngai-Mûnene, ta ûrîa manjî methagîrwa mecûrîte îriarî.

Isaia 2:2

Mavinda nî magaakinya rîrîa kîrîma kîrîa hekarû ya Ngai-Mûnene îtumîtwe, gîgaatuwa kîrîma kîraca gûkîra irîma cionthe, na gîtûgîrue gûkîra tûrîma tuonthe. Mavûrûri monthe nîmakaathiî kuo.

Isaia 37:28

“Nie nîmbîcî mîthiîre yaku, nîngwicî ûkiumagara na ûgîcoka, nîmbîcî rîrîa ûndakarîrîte.

Isaia 40:5

Naguo riiri wa Ngai-Mûnene nîûkonanua, nao andû onthe nîmakawona, nîûndû Ngai-Mûnene nîke ugîte ûguo.”

Isaia 45:22

“Njokererani nîguo mûvonokue, andû a nthî yonthe! Nîûndû nie nînie Ngai na gûtirî wîngî.

Isaia 52:10

Ngai-Mûnene nîonanîtie vinya wake mûtheru kûrî andû a mavûrûri monthe, nayo mîthiia yonthe ya nthî nîîkona ûvonokio wa Ngai wetû.

Isaia 55:8

Nîûndû Ngai-Mûnene arauga atîrî, “Meciria makwa tîmo meciria menyu, na njîra ciakwa tîcio njîra cienyu.

Isaia 56:8

Nie Mwathani Ngai mwene vinya wonthe, nînie nacokanîrîrie andû akwa, Aisiraeli kuuma îthamîriorî. Nîngaacokanîrîria andû arîa engî mathiî maûngane vamwe nao.

Isaia 57:12

Nie nîngaaumbûrîra andû ûvoro wa ûthingu wenyu na mawîra menyu, nwatî mîvuanano yenyu ndîkaamûguna.

Isaia 59:7

Mûvinyûragîra gwîka waganu, na mûkevîka kûûraga arîa matarî na mavîtia. Mwîciragia maûndû ma waganu, kûrîa kuonthe mwavîtûkîrîra mûtigaga mwacûkangia na mwomomora.

Isaia 65:2

Natambûrûkagîria andû acio aremi njara ciakwa mûthenya mûgima, acio mathiîcaga na njîra itarî nûngîrîru, na marûmagîrîra mîvango yao o ene.

Isaia 66:10

Kenanîrani na îtûûra rîa Jerusalemu; na mûcanjamûke nîûndû wa rîo, mue arîa onthe mûrîendete! Kenanîrani narîo, mue muonthe mûrîcakayagîra!

Jeremia 16:17

Nie nîmonaga maûndû monthe marîa mekaga; gûtirî ûndû mangînthitha. Nîmonaga mevia mao monthe.

Jeremia 3:17

Vîndî îo îtûûra rîa Jerusalemu rîgetwa, ‘Gîtî Kîam ûthamaki Kîam Ngai-Mûnene,’ na mavûrûri monthe nîmakaagomana na mangooce. Matigatongorua rîngî nî maûndû macûku ma ngoro ciao.

Ezek 38:10

Mwathani Ngai-Mûnene arera Gogu atîrî, “Rîrîa kavinda kau gagaakinya, nîûkaambîrîria gwîciiria maûndû macûku na kûvanga mîvango mîcûku ngororî yaku,

Ezek 39:21

Ngai-Mûnene nîwambîrire atîrî, “Nîngoonia ndûrîrî riiri wakwa, na nîikoona ûrîa ndûmagîra vinya wakwa ngîtucanîra cira na kîvooto.

Joeli 3:2

Nîngaûngania mavûrûri monthe vamwe, na nîmavire Kîamndarî gîa îtuîro. Vau nîvo ngaamatuîra, nîûndû wa maûndû marîa mekîte andû akwa. Nîmanyaganîtie Isiraeli mavûrûrirî mageni, na makagaania Isiraeli, vûrûri wakwa.

Amosi 5:12

Nîmbîcî ûrîa mavîtia menyu marî meengî na ngamenya ûrîa mwîkîte maûndû meengî macûku. Mûnyariraga andû arîa aro, mûkamûkîra mavaki na mûkagirîrîria ngîa ituîrwa na kîvooto îgootirî.

Zakaria 14:16

Nao andû arîa magaatigara marî mwoyo a ndûrîrî irîa ciarûire na Jerusalemu nîikaathiîcaga mwaka wa mwaka kûgooca Ngai-Mûnene mwene vinya wonthe ûrîa mûthamaki, na gûkûngûîra kîrugo gîa tûnyomba.

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

Mathaayo 12:25

Nake Jesû nîwecî ûrîa meciragia, na kwoguo nîwamerire atîrî, “Ûthamaki wa wonthe ûngîgaûkana na andû a guo mambîrîrie kûrûa o ene, ûthamaki ûcio ndûngîvota kwîrûngamia. Narîo îtûûra wa rîonthe, kana nyomba îngîgaûkana, nao andû a îtûûra rîu kana nyomba îo mambîrîrie kûrûa o ene, nîkûvaragana mavaraganaga.

Mathaayo 9:4

Nwatî Jesû nîwamenyire maûndû marîa meciragia, nake nîwamaûririe atîrî, “Nîndûî gîtûmaga mwîcirie maûndû macûku ngororî cienyu?

Luka 5:22

Nake Jesû nîwamenyire meciria mao na akîmaûria atîrî,

Johana 17:24

“Vava! Nîrenda acio wamvere mekarage varîa nie nîrî, nîguo monage riiri wakwa ûrîa we wamvere, nîûndû we nîwamendire wana mbere ya nthî kûmbwa.

Johana 5:42

Nwatî nîmbîcî mûrî andû a mûthemba ûrîkû na nîmbîcî atî mue mûtiendete Ngai na ngoro cienyu.

Aroma 16:26

Na rîu, maûndû marîa mandîkîtwe nî arathi nîmatûmîte ûndû ûcio ûmenyeke. Ngai ûrîa ûtûûraga tene na tene nîwathanire atî ûvoro ûcio ûmenyithue andû onthe a nthî nîguo onthe metîkie na mathîkîre Ngai.

1Akor 3:20

Wana gîcunjîrî kîngî Kîam mandîko matheru nîkwandîkîtwe atîrî, “Mwathani nîaicî atî meciria ma andû arîa aûgî nî ma mana.”

Gûco 31:21

Nîmakaanyitwa nî mîthiro mîîngî na mathîna. Nwatî rwîmbo rûrû rûkaainagwa nî andû a Isiraeli rûrî ûira kûrî o, na njiarwa ciao itikaariganîrwa nî ruo. Nie nîmbicî meciria mao wana mbere ya nîmavira vûrûrirî ûrîa nameerîre na mwîvîtwa atî nîngaamava.”

Ahib 4:12

Kiugo Kîam Ngai kîrî mwoyo nîkîrutaga wîra na nî kîûgî gûkîra rûviû rûrîa rûnoore mîena îîrî. Nîgîtemaga nginya varîa ngoro na mwoyo inyitanîrîte, na gîgatema gatagatîrî ka marûngo wana gatagatî ka mavîndî. Na nîkîvotaga gûtuîria na kûmenya meciria na merirîria ma ngoro cietû.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 2:13

Nie nîmbîcî we ûtûûraga kûrîa Caitani arî na gîtî gîake Kîam ûthamaki. We ûrî mwîvokeku kûrî nie, na ndwatiganîria wîtîkio waku kûrî nie wa na vîndî îrîa Anitipa aaûragirwe. Anitipa aarî mûira wakwa ûrîa waûragirwe arî îtûûrarî rîu rîenyu kûrîa Caitani atûûraga.

Kûguû 2:2

Nie nîmbicî ciîko cienyu, nîmenyete ûrîa mûrutîte wîra na vinya na mûkaûmîrîria mûkirîrîtie. Nie nîmbicî atî mue nîmûreganaga na andû arîa acûku. Mue nîmûtuîrîtie arîa maugaga atî o nî atûmwa na tî o, na nîmwonete ûguo maugaga nî kûveenania maveenanagia.

Kûguû 2:9

Nie nîmbîcî mathîna maku na nîmbicî maûndû macûku marîa andû amwe maragia mamwîgiî. O maugaga nî Ayahudi nwatî tî Ayahudi a ma. O nî gîkundi Kîam andû a Caitani!