Isaia 66:1 - ÎVUKU RÎA ÛVORO MWARO

¹ Ngai-Mûnene arauga atîrî, “Îgûrû nî gîtî gîakwa Kîam ûnene, nayo nthî nî njûng'wa ya kwigîrîra magûrû makwa. Nî nyomba ya mûthemba ûrîkû mûngîndumîra, na nî vandû vekariî atîa nîngîvota gûtûûra?

Isaia 66:1 ပူးပေါင်းရင်းမြစ်များ

1Atha 8:27

“Nwatî we Ngai nama nwa ûtûûre gûkû nthî? Taroria, kûu îgûrû wana îgûrû mûno ndûngîganîra; ûngîganîra hekarûrî îno ngûtumîrîte atîa?

1Maû 28:2

Mûthamaki Daudi nîwamerire atîrî, “Tanthikîrîriani andû etû. Nînîrendete gûtuma nyomba ya kwigwa îthandûkû rîa kîrîkanîro Kîam Ngai-Mûnene, Ngai wetû na va kwigwa gaturwa ka magûrû make, na nînavarîrîrie gûtuma.

2Maû 2:5

Hekarû îrîa ngaatuma îkethîrwa îrî nene nîûndû Ngai wetû nî mûnene gûkîra ngai cionthe.

2Maû 6:18

“Nwatî we Ngai, nama nwa ûtûûre gûkû nthî na andû? Taroria, îgûrû, wana îgûrû mûno matuurî ndûngîganîra kuo, kwoguo ûngîvota kwîganîra atîa hekarû îno ndumîte?

Thaburi 11:4

Ngai-Mûnene arî hekarûrî yake ntheru, gîtî gîake Kîam ûthamaki kîrî kûu îgûrû, aroragia andû onthe kûrîa marî na nîamenyaga maûndû monthe marîa mekaga.

Thaburi 132:7

Nîtwaugire atîrî, “Nîtûthiî nyombarî ya Ngai, tûkamûgooce tûrî mbere ya gîtî gîake Kîam ûthamaki.”

Thaburi 99:9

Kumiani Ngai-Mûnene Ngai wetû, mûgooceni mûrî kîrîmarî gîake kîtheru! Nîûndû Ngai-Mûnene Ngai wetû nî mûtheru!

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Isaia 60:13

Nîûkaareterwe riiri wonthe wa Lebanon: mîthithinda, mîcindanûgû na mîkarakava yonthe nîîkaretwe nîguo îgemie hekarû yakwa, nanie nîngaacoka nthakarie varîa mbîkaraga.

Jeremia 23:24

Kûrî mûndû ûngîîthitha kûndû ndangîvota kûmwona? Nîkwa mûtaicî atî nie Ngai-Mûnene ndûraga kûndû kuonthe, îgûrû wana gûkû nthî?

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

Mathaayo 12:6

Nie nîramwîra atî, ava varî na ûndû mûnene gûkîra hekarû.

Mathaayo 24:2

Nake Jesû nîwamacokerie atîrî, “Nîmûrona mîako îno yonthe? Nîramwîra na ma atî gûtirî îthiga wana rîmwe rîrî ava rîgaatigwa rî îgûrû rîa rîrîa rîngî; mathiga monthe nîmakoomomorwa.”

Ciîko 17:24

Ngai ûrîa waûmbire nthî na indo cionthe irîa irî kuo, nî Mwathani wa îgûrû na nthî, na ndatûûraga hekarûrî îrîa ithondeketwe nî andû.