Isaia 65:9 - ÎVUKU RÎA ÛVORO MWARO

⁹ Nîngaatûma kûgîe na njiarwa kuuma kûrî Jakovu, na ndûme Juda kuume andû arîa makaagaa vûrûri wakwa ûrîa ûrî irîma. Andû arîa nthuurîte nîo makaaûgaa, nao arîa mandungatagîra nîo magaatûûra kuo.

Isaia 65:9 ပူးပေါင်းရင်းမြစ်များ

Isaia 27:6

Vîndî nîgaakinya rîrîa njiarwa cia Jakovu ikaagîa na mîri, Isiraeli nîkaamera na îtheûke, na matunda mayo nîmagecûra nthî yonthe.

Isaia 30:19

Mue andû a Zayuni, arîa mûtûûraga Jerusalemu, mûtikaarîra rîngî. Nama nîakaamwîguîra ntha rîrîa akegua mûgambo wenyu mûkîmûrîrîra; rîrîa akegua mûgambo wa kîrîro kîenyu, nîakaamûthikîrîria.

Isaia 32:18

Andû akwa magaatûûraga kûndû kûrî na thayû, kûndû kûgitîre na kûndû gûtarî na thîna.

Isaia 45:19

Nie ndiaragia nîîthithîte kana nîrî vûrûrirî wa nduma. Nie ndiera njiarwa cia Jakovu inîîvoke mana. Nie nînie Ngai-Mûnene na mbaragia ûma; Nyumbûraga maûndû ma ma.”

Isaia 45:25

Nie Ngai-Mûnene nîngaatethûra njiarwa cionthe cia Isiraeli, na nîikaavootana.

Isaia 49:8

Ngai-Mûnene arauga atîrî, “Vîndî îrîa mbagîrîru, nînagûcokerie îvoya rîaku, mûthenya wa kûvonokania nînagûtethirie; nîngwigîte na ngarûtha kîrîkanîro na andû a mavûrûri monthe na njîra yaku. Nîngaatûma ûtûûre rîngî vûrûrirî ûrîa watiganîrue ûtarî kîndû, ûtuîke îgai rîenyu.

Isaia 57:13

Vîndî îrîa mûgaakaya mûgîtia ûtethio, mîvuanano îo yenyu nîîkamûvonokia! Rûkûngi nîrûkaamîvuruta îthiî kûndû kûraca. Nwatî arîa manîîvokete nîo makegwatîra vûrûri ûtuîke wao, na magae Kîrîma gîakwa kîrîa Kîammûre.”

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Isaia 65:15

Andû akwa arîa nthuurîte magaatûmagîra rîîtwa rîenyu rîrîa makwenda mûnyitwe nî kîrumi. Makaaugaga atî: ‘Nie Mwathani Ngai-Mûnene nîngûmûraga.’ Nwatî nîngaava ndungata ciakwa rîîtwa rîcerû.

Isaia 65:22

Matigaatuma nyomba itûûrwa nî andû engî; matikaavanda mîthavibu îrîwa nî andû engî. Andû akwa magaatûûraga ûtûûro mûraca ta mîtî; na andû akwa arîa amûre nîmagaakenagîra wîra ûrîa marutîte îvinda îraca.

Ezek 36:24

Nîngaamûruta gatagatî ka andû a ndûrîrî na nîmûrute mavûrûrirî monthe nîmûcokie vûrûrirî wenyu.

Zefania 3:20

Vîndî îo nîngaamûrete mûciî, vîndî îrîa ngamûngania vamwe; nîngaatûma mûmenyeke na mûkumue; gatagatîrî ka andû onthe a nthî, na ndûme mwîkare ta ûrîa mwekariî mbere.” Nînie Ngai-Mûnene nauga ûguo.

Mathaayo 24:22

Nwatî Ngai nîanyivanyivîtie mîthenya îo. Tiga nî ûguo, gûtirî mûndû ûngîgaatigara. Nwatî nîûndû wa andû ake arîa ethuurîrîte, Ngai nîakaanyivanyivia mîthenya îo.

Aroma 11:28

Ayahudi nîmaregete Ûvoro Mwaro. Kwoguo o nî nthû cia Ngai nîûndû wenyu mue andû a Ndûrîrî. Nwatî nîûndû Ayahudi nîathuure nî Ngai nî arata ake nîûndû wa methe mao ma tene.