Isaia 65:4 - ÎVUKU RÎA ÛVORO MWARO

⁴ Mekaraga mbîîrîrarî na makararaga methithîte. Marîcaga nyama cia ngûrwe na makanyunyaga mûthûri wa nyama irîa irî mûgiro.

Isaia 65:4 ပူးပေါင်းရင်းမြစ်များ

Ntha 23:19

“Retageni nyombarî ya Ngai-Mûnene, Ngai wenyu maketha marîa maro ma mbere ma irio cia mîgûnda yenyu. “Ndûkaruge koori ka mbûri kana ka ng'ondu na îriia rîa ng'ina.

Ntha 34:26

“Mwaka wa mwaka mûretage nyombarî ya Ngai-Mûnene irio cia mbere cia maketha ma mîgûnda. “Mûtikaaruge koori ka mbûri kana kagondu na îria rîa ng'ina.”

Isaia 66:17

Ngai-Mûnene arauga atîrî, “Andû arîa metheragia na makethambia makathiî marûmanîrîrîte na mûruti magongoona mathiîte mîgûndarî kûrîa mîvuanano îrutagîrwa magongoona, arîa marîcaga nyama cia ngûrwe na cia mbîa, na irio irîa irî mûgiro, makaathiranîrua vamwe onthe.

Isaia 66:3

“Andû arîa marutaga ndegwa îgongoona monaga arî ûndû ûmwe na kûruta mûndû îgongoona; arîa marutaga ng'ondu îgongoona monaga arî ûndû ûmwe na kuna ngui ngingo; arîa marutaga matega ma irio cia mûgûnda monaga arî ûndû ûmwe na kûruta îtega rîa nthakame ya ngûrwe; arîa marutaga îtega rîa ûbani monaga arî ûndû ûmwe na kûgooca mûvuanano. Andû acio methuurîrîte njîra ciao o ene, na makenaga rîrîa makûgooca Ngai na njîra itarî mbagîrîru.

Ezek 4:14

Nînacokire ngiuga atîrî, “We Ngai-Mûnene! Nie ndianegwatia mûgiro; kuuma nîrî mûnini ndiarîa nyama cia nyamû îkuîte mûvûvû kana yûragîtwe nî nyamû ya kîthaka, wana kana ndîa nyama cia nyamû îrî mûgiro.”

Alawi 11:7

Mûtikarîe ngûrwe, nîûndû mavûngû mayo nîmatûkanu, nwatî ndîcokagîra îrî mûgiro.

Zakaria 9:7

Nîngamagiria kûrîa nyama irî na nthakame, kana marîa indo irîa irî mûgiro. Andû arîa magaatigara magaatuîka andû a Ngai, na matuîke ta mbarî îmwe ya mûvîrîga wa Juda. Andû a Ekironi nîmagaatuîka ta andû a Jebusi.

Ndari 19:11

Mûndû wa wonthe ûkaavutia kimba Kîam mûndû akethagîrwa atarî mûtheru îvinda rîa mîthenya mûgwanja.

Mathaayo 8:28

Rîrîa Jesû aakinyire vûrûrirî wa Agadarenesi mûringo ûcio wîngî wa îria, nîwatûngirwe nî andû aîrî maarî na ndaimono maumîte mbîrîrarî. Andû acio maarî aganu mûno, na kwoguo gûtirî mûndû ûngîetîkîrire kûvîtûkîrîra njîrarî îo.

Luka 8:27

Rîrîa Jesû aaumire îtarûrî na agîkinya nthî nyûmû, nîwatûngirwe nî mûndû warî na ngoma wa kuuma îtûûrarî rîu. Mûndû ûcio eekaraga arî njaga na ndaatûûraga mûciî, nwatî aatûûraga kûrîa mbîrîra ciarî.

Gûco 14:21

“Mûtikarîe nyamû wa yonthe îkuîte mûvûvû. Nwatî nwa mûmîve ageni arîa matûûraga matûûrarî menyu mamîrîe, kana ageni arîa mavîtûkîte, nîûndû mue mûrî andû amûre a Ngai-Mûnene Ngai wenyu. “Mûtikaruge koori na îriia rîa ng'ina.

Gûco 14:3

“Mûtikarîe kîndû kîrîa Ngai-Mûnene augîte atî kîrî mûgiro.

Gûco 14:8

Mûtikarîe ngûrwe, nîûndû îrî mavûngû matûkanu nwatî ndîcokagîra. Mûtikarîe nyamû icio kana mûvutie ciimba ciacio.

Gûco 18:11

kana mûrogi, kana mûndû ûrîa waragia na maroho ma andû arîa akuû.