Isaia 61:8 - ÎVUKU RÎA ÛVORO MWARO

⁸ Ngai-Mûnene arauga atîrî, “Nie mendete waragania, na nînthûrîte ûcunani na ûkinyanîrîria. Nîngaatuga andû akwa na wîvokeku, na ndûthe kîrîkanîro gîa gûtûûra tene na tene nao.

Isaia 61:8 ပူးပေါင်းရင်းမြစ်များ

Kîam 17:7

“Nîngavingia kîrîkanîro gîakwa nawe wana kûrî njiarwa ciaku irîa igaaûka. Kîrîkanîro kîu gîgaatûûra tene na tene. Nîngaatuîka Ngai waku na nduîke Ngai wa njiarwa ciaku.

2Sam 23:5

Ûguo nîguo Ngai akaarathima njiarwa ciakwa, nîûndû nîwathondekire kîrîkanîro Kîam gûtûûra tene na tene nanie, kîrîkanîro kîu nî kîrûmu na gîtingîcenjekia. Ûndû ûcio nîguo nîîriragîria; nîûndû nîguo ûgaatuîka ûvootani wakwa, Ngai nîagaatûma ûndû ûcio ûvinge.

Thaburi 105:10

Ngai-Mûnene nîwathondekire kîrîkanîro na Jakovu, Kîam gûtûûra tene na tene.

Thaburi 11:7

Ngai-Mûnene nî mûthingu na nîendete ciîko cia ûthingu, andû arîa mekaga ciîko cia ûthingu nî magaatûûrania nake.

Thaburi 32:8

Ngai-Mûnene augîte atîrî, “Nîngûkwonia njîra îrîa wagîrîrwe nî kûrûmîrîra, nî ngûthomithia na ngûmenyerere.

Thaburi 33:5

Ngai-Mûnene nîendete maûndû ma ûthingu na ma kîvooto, wendo wake ûtathiraga wîcûrîte nthî yonthe.

Thaburi 37:28

nîûndû Ngai-Mûnene endaga maûndû marîa magîrîru, na ndatiganagîria andû ake arîa evokeku. Agitagîra andû arîa athingu tene na tene, nwatî nîakaathiria njiarwa cia andû arîa aganu.

Thaburi 45:7

nîwendete ûthingu na ûkamena waganu. Kwoguo Ngai, Ngai waku nîakûthuurîte, na nîakûvete gîkeno gûkîra athamaki arîa engî onthe.

Thaburi 50:5

Arauga atîrî, “Nyûnganîria andû arîa evokeku maûke kûrî nie, arîa naarûthire kîrîkanîro nao na njîra ya kîgongoona.”

Thaburi 62:10

Mûtikaige mwîvoko wenyu varî kûvinyanînîria; mûtikevoke kûgîa na indo na njîra ya gûcuunana na vinya; wana ûtonga wongerereka mûtikaige ngoro cienyu varî guo.

Thaburi 99:4

We mûthamaki mwene Vinya Wonthe, mwendi ûthingu; Nîwonanîtie kîvooto Isiraeli; nîwonanîtie ûthingu na waragania.

Nthi 3:6

Ririkanaga Ngai-Mûnene maûndûrî maku monthe, nake nîakaarûngaria njîra ciaku.

Nthi 8:20

Ndûûraga na njîra ya ûthingu, nûmagîrîra njîra cia kîvooto.

Isaia 28:17

Ngaatûmîra kîvooto kîrî kîthimi gîakwa, naguo ûthingu ûrî ta kavirû.” Mbura ya mbembe nîkaavata maveeni monthe, namo manjî macûkangie ûgitîri wenyu.

Isaia 30:18

Kûnarî ûguo, Ngai-Mûnene nwa wetererete kûmwîguîra ntha, kwoguo nîevarîrîtie kûmûtuga. Nîûndû Ngai-Mûnene nî Ngai wîkaga maûndû ma kîvooto, kûrathimwa nî arîa onthe mamwetagîrîra.

Isaia 5:16

Nwatî Ngai-Mûnene mwene vinya wonthe onanagia ûnene wake na njîra ya gûtuîra andû ciira na kîvooto, na akonania ûtheru wake na njîra ya ûthingu wake.

Isaia 54:10

Irîma nwa ithengute vo, na tûrîma tûkarutwa vo, nwatî wendo wakwa ûtathiraga ûrîa ngwendete naguo ndûkaathenguta kûrî we, na kîrîkanîro gîakwa Kîam thayû gîtikaathengutua.” Ûguo nîguo Ngai-Mûnene ûrîa ûkwîgucagîra ntha arauga.

Isaia 55:3

“Tegani matû menyu, na mûke kûrî nie; nthikîrîriani na nî mûgûtûûra mwoyo! Nîngûrûtha namue kîrîkanîro gîa gûtûûra tene na tene, na nîngaamûva wendo wakwa ûtathiraga ûrîa nerîîre Daudi.

Isaia 56:1

Ngai-Mûnene arauga atîrî, “Rûmagîrîrani kîvooto na mwîkage maûndû ma ûthingu, nîûndû nîrî vakuvî gûka kûmûvonokia, ûthingu wakwa ûrî vakuvî kûguûranîrua.

Isaia 66:22

“Wata ûrîa îgûrû rîcerû na nthî njerû irîa ngaaûmba igaatûûra na vinya wakwa, nwaguo njiarwa cienyu na rîîtwa rîenyu igaatûûra.

Jeremia 32:40

Nîngarûtha kîrîkanîro gîa tene na tene nao atî, ndigatiga kûmeka maûndû maro na nîngatûma manîtigîre na ngoro ciao cionthe, nîguo matikandiganîrie rîngî.

Jeremia 9:24

“Nwatî mûndû ûngîenda kwîgatha nîegathe na ûndû ûyû, atî nîambîcî na atî nie Ngai-Mûnene nîmbîkaga maûndû maro, ma kîvooto na maûndû ma ûthingu gûkû nthî. Maûndû mama nîmo mangenagia. Ûguo nîguo nie Ngai-Mûnene nîrauga.”

Ezek 16:60

Kûnarî ûguo, nîngaaririkana kîrîkanîro kîrîa twarîkanîre nawe rîrîa warî mwîthî, na nîngaarûtha kîrîkanîro nawe gîa gûtûûra tene na tene.

Ezek 34:25

Nîngaarûtha kîrîkanîro Kîam thayû nacio. Nîngaaruta nyamû cia kîthaka kuuma vûrûrirî nîguo ng'ondu ciakwa itûûre irî ngitîre kûu werûrî na imamage mûtitûrî.

Malaki 1:13

Mugaga atîrî, ‘Maûndû mama nî mûrigo mûrito kûrî tue’ na nîmûnjonorithagia. Mûndutagîra magongoona ma indo irîa mûcunanîte na vinya, kana irîa monju, kana irîa ndwaru. Nie nwa nyamûkîre indo ta icio? Ûguo nîguo Ngai-Mûnene mwene vinya wonthe araûria.

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

2Ath 3:5

Mwathani aromûtongoria nîguo mûmenye mûno wendani wa Ngai na ûkirîrîria ûrîa ûvecanagwa nî Kristû.