Isaia 61:11 - ÎVUKU RÎA ÛVORO MWARO

¹¹ Nîûndû wata ûrîa mûthetu ûtûmaga mbegû îmere, na wata ûrîa mûgûnda ûtûmaga kîrîa kîvande kuo gîkûre, ûguo nwaguo Mwathani Ngai-Mûnene agaatûma ûthingu na ûkumio, cionekane ndûrîrîrî cionthe.

Isaia 61:11 ပူးပေါင်းရင်းမြစ်များ

Kîam 1:11

Ngai nîwacokire akiuga atîrî, “Nthî nîîrute mîmera ya mîthemba yonthe; mîmera îrîa îciaraga mvîndî na mîmera îrîa îciaraga matunda marî na mvîndî, na mîthemba yonthe ya mîmera.” Na gûgîtuîka wa guo.

Thaburi 72:16

Vûrûrirî kûrogîa na irio nyîngî; irîmarî kûrogîa na irio nyîngî, ta irîa ikûraga Lebanoni. Nao andû maroîcûra matûûrarî, ta nyaki îrî mûgûndarî.

Thaburi 72:3

Vûrûri ûrogîa na ûthiî wa na mbere, na ûgîe na maûndû ma ûthingu.

Thaburi 85:11

Wîvokeku wa mûndû nî ûkaauma nthî, naguo ûthingu wa Ngai ûnyûrûrûke kuuma îgûrû.

Rwîmbo rwa Nyîmbo 4:16

We rûkûngi rwa mwena wa rûgûrû vurutana, we rûkûngi rwa mwena wa îveti ûka. Vurutana mûgûndarî wakwa, mûnungo mwaro wîcûre kûndû kuonthe. Tiga mwendwa wakwa aûke mûgûndarî wake, arîe matunda maguo marîa maro.

Isaia 4:2

Mûthenya ûcio, rûvûa rûrîa Ngai-Mûnene agaatûma rûmere rûkethîrwa rûrî rûthaka na rûrî na riiri. Namo maciaro ma nthî nîmakaaguna na makenagie andû a Isiraeli arîa matigarîte.

Isaia 45:23

Nie nînîvîtîte ngîgwetaga rîîtwa rîakwa, maûndû marîa nîraria nî ma ma, na ndingîgarûrûkwa. Andû onthe nîmagaaturia maru mbere yakwa, na onthe mevîte atî makaanîvokaga.

Isaia 45:24

“Vîndî îo nîgûkeerwa îgûrû rîakwa atî: Ûthingu na vinya cionekaga kûrî Ngai-Mûnene; andû arîa onthe maamûrakarîrîte, nîmagaaûka kûrî ke na maconoke.”

Isaia 45:8

Mbura nîyure kuuma îgûrû, namo matu nîmaurithie ûthingu nthî, nthî nîyatûke nîguo îciare ûvonokio, na îtûme kûgîe na ûthingu wanaguo. Nie Ngai-Mûnene nînie mbîkîte maûndû mau.”

Isaia 46:13

Nîngûrete mûthenya wakwa wa kûmûvonokia vakuvî, ndûrî varaca, mûthenya wa kûmûvonokia tîwîkara mûno. Nîngaavonokia Zayuni na monie Isiraeli riiri wakwa.”

Isaia 48:18

“Naarî kethîrwa nîweguîte maathani makwa! Thayû ûngîakûnyûrûrûkîre ta rûnjî, ûngîagîre na ûthingu mwîngî ta makûmbî ma manjî.

Isaia 58:11

Nie Ngai-Mûnene ngaamûtongoragia vîndî cionthe, na nîmûvingagîrie mavata menyu vîndî ya thîna. Ngaamwigaga mûrî na vinya na ûgima mwaro. Mûkaavana ta mûgûnda wî mwîtîrîrie manjî, ta kîthima Kîam manjî kîrîa gîtavûcaga.

Isaia 60:18

Gûtigaacoka kwîguîka thîna rîngî vûrûrirî waku, yûra kana kwanangîka gûtikegwîka rîngî mîvakarî yaku. Nîngaakûgitagîra na ngûmenyagîrîre ta rûthingo, nawe nîûkaangoocaga nîûndû nîngûvonoketie.

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Isaia 62:1

Nîûndû wa Zayuni ndigaakira, na nîûndû wa Jerusalemu ndikaanogoka, nginya rîrîa ûthingu ûkaara kuo ta ûtheri, na ûvonokanio wakanîte kuo ta kîmûrî.

Isaia 62:2

Ndûrîrî nîikoona ûthingu waku, nao athamaki onthe moone riiri waku. Nawe nîûgetwa rîîtwa rîngî rîcerû, rîîtwa rîrîa Ngai-Mûnene ke mwene agaakûva.

Isaia 62:7

Mûtikamûve kanya ga kûnogoka nginya acokanîrîrie îtûûra rîa Jerusalemu, na arîtue îtûûra rîa gûkumagua nî nthî ng'ima.

Mathaayo 13:23

Nacio mbeû irîa ciagwîre mûtheturî ûrîa warî mûnoru, ivananîtue na andû arîa megucaga ndûmîrîri îo na magataûkîrwa nîyo. Kûrî andû amwe nîiciaraga maita îgana rîmwe, kûrî engî maita mîrongo îtandatû na kûrî engî maita mîrongo îthatû.”

Mathaayo 13:3

Nake nîwamerire maûndû mengî agîtûmagîra ngerekano. Nîwamerire atîrî, “Vîndî îmwe kwarî na mûrîmi wathiîre kûminja mbeû.

Mathaayo 13:8

Nwatî mbeû ciîngî nîciagwîre mûtheturî ûrîa warî mûnoru na igîciara mûno; imwe nîciaciarire maita îgana, ciîngî igîciara maita mîrongo îtandatû, na ciîngî igîciara maita mîrongo îthatû.”

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.