Isaia 6:11 - ÎVUKU RÎA ÛVORO MWARO

¹¹ Nînacokire ngîûria atîrî, “Mwathani, nîkwîthîrwa gwîkariî ûguo nginya rî?” Nake nîwanjokerie atîrî, “Nginya rîrîa matûûra magaacûkangua gûtigwe gûtarî wanarî mûndû; nginya rîrîa nyomba igaatigwa itarî na andû a gûtûûra kuo, na vûrûri ûrî mûcûkangu viû.

Isaia 6:11 ပူးပေါင်းရင်းမြစ်များ

Thaburi 74:10

We Ngai, nthû ciaku nîitûthekerera nginya rî? Nîmatûûra marumaga rîîtwa rîaku tene na tene?

Thaburi 79:5

We Ngai-Mûnene, nîûrakara nî tue nginya rî? Marakara maku nî mathiî na mbere gwakana ta mwaki nginya rî?

Thaburi 90:13

We Ngai-Mûnene, nîwîkara ûrakarîte nîtue nginya rî? Coka na ûtwîguîre ntha, tue ndungata ciaku.

Thaburi 94:3

We Ngai-Mûnene, nî nginya rî, nî nginya rî andû arîa aganu magûtûûra metîîaga?

Isaia 1:7

Vûrûri wenyu nî mûcûkangie, namo matûûra menyu makavîvua na mwaki. Ageni maregwatîra vûrûri wenyu wa mûkîonaga, na magacûkangia indo cionthe.

Isaia 13:12

Nîngaatûma andû matigare anini gûkîra thaavu îrîa mbaro mûno; nao andû makethîrwa marî anini gûkîra thaavu ya Ofiri.

Isaia 3:26

Ivingo cia îtûûra rîa Zayuni nîikaarîra na icakae, narîo îtûûra rîkethîrwa rîkariî ta mûndûmûka acunîtwe indo cionthe, ekarîte nthî mûtheturî.

Isaia 3:8

Andû a Jerusalemu nîavîngîku! Andû a Juda nîagwîu; nîûndû mîario yao na maûndû marîa mekaga nîmareganîte na Ngai-Mûnene, makîreganaga na riiri wake gatagatîrî kao.

Isaia 32:14

Nîûndû nyomba ya mûthamaki nîkaathamwa, na îtûûra rîrî îgweta ûguo rîtiganîrue. Irîma na nyomba ndaca na îgûrû cia arangîri igaatuîka maganjo tene na tene, nyûmbû nîigaakenaga irî kuo, na ng'ondu irîcage kuo.

Isaia 35:1

Kûndû kûrîa gûtakûraga irio na kûndû kûrîa kûnyaru nîgûgaacanjamûka, werû nîûgaakena na kûmere maûa.

Isaia 5:9

Nîmbîguîte Ngai-Mûnene mwene vinya wonthe akiuga atîrî, “Nama nyomba nyîngî igaatigwa irî ntheri, nyomba nene na mbaro itarî na andû a gwîkara kuo.

Isaia 60:15

Wana ethîrwa nîwatiganîrîtue na ûkamenwa, na andû onthe makaûraga nîwe, vandû va ûguo nîngaagûtua ûgîe na riiri tene na tene, kûndû kwa gûkenagîrwa nî njiarwa cionthe.

Isaia 64:10

Matûûra maku marîa matheru matuîkîte werû; Zayuni gûtuîkîte werû, Jerusalemu gûtuîkîte maganjo.

Jeremia 22:6

Nîûndû ûvoro wîgiî nyomba ya mûthamaki wa Juda Ngai-Mûnene arauga atîrî, “We wîkariî ta vûrûri wa Gileadi kûrî nie, na ta tûthûrûmûndû twa Lebanoni; nwatî nama nîngatûma ûtuîke werû, îtûûra rîtatûûragwa nî andû.

Jeremia 4:7

Ta ûrîa mûnyambû umagîra kîthakarî, mûcûkangia wa vûrûri nîweyumîria; nîwauma kûrîa ekaraga, athiî gûcûkangia vûrûri wenyu, matûûra menyu nîmomorwa viû, matigwe marî maganjo.

Jeremia 44:2

“Ngai-Mûnene, mwene vinya wonthe, Ngai wa Isiraeli arauga atî: We nîwonete maûndû monthe macûku marîa mbîkîte îtûûrarî rîa Jerusalemu na matûûra monthe ma Juda. Taroria, nginya ûmûnthî matûûra mau nî maganjo, na gûtirî mûndû ûtûûraga kuo.

Jeremia 52:27

Nake Nebukadinezarû mûthamaki wa Babuloni nîwamarivire na akîmaûragîra îtûûrarî rîa Ribula vûrûrirî wa Hamathi. Ûguo nîguo andû a Juda maatavirwe na makîthamua kuuma vûrûrirî wao.

Ezek 6:6

Matûûra menyu monthe nîmagaacûkangua na kûndû kwenyu kûrîa gûtûgîru kwomomorwe, nîguo metha cienyu cia magongoona itiganîrue na icûkangue. Na ngai cia mîvuanano ciunangwe ithire viû. Metha irîa mûvîvagîria ûbani nîkaunangwa wana indo cionthe irîa marûthîte ithire viû.

Danieli 8:13

Nînacokire ngîgua ûrîa mûtheru akîaria, nake wîngî mûtheru akîmûcokeria atîrî, ‘Maûndû mau monekete na njîra ya kîoneki gîkî mageekîka kavinda kegana atîa? Maûndû marîa macûku nîmatûûra mekagwa kavinda kegana atîa vandûrî va magongoona ma wa mûthenya? Mbûtû ya îgûrû na hekarû nîitûûra ikinyangagwa nginya rî?’

Alawi 26:31

Nîngaacûkangia matûûra menyu viû, njûkangie viû kûndû kûrîa mûgoocagîra na ndikaamûkîra magongoona menyu.

Alawi 26:33

Nîngaatûma mûrûe mbaara na nîmûnyaganie mavûrûrirî marîa mengî. Vûrûri wenyu nîûgaatiganîrua, na matûûra menyu matigwe marî momokangu.

Mika 2:4

Kavinda kau gakinya andû nîmakaainaga makîmûthekerera, makaarîra na macakae makiugaga atîrî, ‘Nîtûcûkangîtue viû; Ngai-Mûnene nîwocete vûrûri wetû, nîatûcunîte guo kuuma njararî cietû, mîgûnda yetû nîamîgaîrîte andû arîa maatûtavire.’ ”

Mika 5:11

Nîngaacûkangia matûûra ma vûrûri wenyu, na nyomomore kûndû kwenyu gwa kwîgitîra.

Mika 6:13

Kwoguo mue nîmwîvîtie na nîngwambîrîria kûmûverithia na nîmûthirie.

Mika 7:13

Nwatî nthî nî îgaatuîka werû, nîûndû wa waganu wa andû arîa matûûraga kuo.

Gûco 28:62

Wana ethîrwa mwîngîvîte ta njata cia îgûrû mûgaatigara andû anini, nîûndû nîmwaregire kwathîkîra Ngai-Mûnene Ngai wenyu.

Gûco 28:63

Wata ûrîa Ngai-Mûnene akenirue na akîmwîka maûndû maro na agîtûma mwîngîve mûno, nwa ta guo agaakena akîmûretithîria mathîna na akîmûthiria. Nîmûkaarutwa vûrûrirî ûrîa mûthiîte kwîgwatîra.