Isaia 59:4 - ÎVUKU RÎA ÛVORO MWARO

⁴ Rîrîa mwathiî îgootirî, gûtirî mûndû ûrûmagîrîra kîvooto. Gûtirî mûndû ûthitanganaga arûmîrîrîte ûma. Mwîvokaga mîario îtarî kîene na mûkaveenania, mûtungaga maveeni na mûgatûma maûndû macûku mekîke.

Isaia 59:4 ပူးပေါင်းရင်းမြစ်များ

Ayubu 15:31

Ndakaige mwîvoko wake maûndûrî ma mana, na ndakeveenie nîûndû maûndû mau nîmo akaavewa.

Ayubu 15:35

Mathugundaga maûndû macûku ngororî magacoka magaciara mevia; ngoro ciao ivangaga maveeni.

Thaburi 12:3

Ngai-Mûnene ûrokiria mîromo îo înyûrûranagia, na ûkirie andû acio metîîaga,

Thaburi 62:10

Mûtikaige mwîvoko wenyu varî kûvinyanînîria; mûtikevoke kûgîa na indo na njîra ya gûcuunana na vinya; wana ûtonga wongerereka mûtikaige ngoro cienyu varî guo.

Thaburi 62:4

Mûvangîte kûnduta vandû va gîtîîo; mûkenaga rîrîa mûkwaria maveeni. Mwaragia ciugo mbaro cia kûrathimana, nwatî ngororî mwîthagîrwa mûkîrumana.

Thaburi 7:15

Menjaga marima nîguo andû arîa engî magwe kuo, nwatî o ene nîo magûcaga kuo.

Nthi 4:16

Nîûndû andû arîa aganu matingîmama matekîte naaî; matingîgwatwa nî toro matavîtithîtie mûndû.

Isaia 10:1

Andû arîa matungaga mawatho matarî ma kîvooto kaî marî na thîna-î, mavîtûkagia mawatho ma kûvinyanîrîria.

Isaia 26:18

Tue twarî na ûrûrû wa gûciara kaana, nwatî twaciarire rûkûngi. Gûtirî ûndû twekire nîûndû wa kûvonokia nthî, tûtiavota kwongerera andû gûkû nthî.

Isaia 28:15

Nîûndû mugîte atîrî, “Tue tûrî arûthu kîrîkanîro na gîkuû, na tûrîetîkanîriu na kwa arîa akuû! Rîrîa mûthiro ûkaavîtûkîrîra gûkû ndûgaatûvutia, nîûndû tûtuîte maveeni kûndû gwa kûrîra, na tûkethitha maûndûrî ma maveeni.”

Isaia 29:20

Andû arîa matarî ntha nîmagaacûkangua, na arîa mathekanagîrîra mathirue. Nao arîa onthe meciragia gwîka maûndû ma waganu nîmakaathirua.

Isaia 30:12

Kwoguo, Ûrîa Mûtheru wa Isiraeli arauga atîrî, “Nîûndû nîmûnyararîte ûrîa mbugîte, na mûkevoka maûndû ma kûvinyanîrîria na maveeni;

Isaia 30:9

Nîûndû andû aya nîaremi, ciana itaragia ûma, na itegucaga mataaro ma Ngai-Mûnene.

Isaia 33:11

Mûkaavangaga maûndû matarî na vata; mûgekaga maûndû matarî na umithio. Mîvevû yakwa nîta mwaki ûrîa ûvîvagia; mîvevû yakwa îkaamûcûkangia ta mwaki.

Isaia 44:20

Mûndû ûcio arîcaga mûu, nîûndû meciria make nîmo mamûveenetie, akaremwa nî kwîvonokia wana kana kuga atîrî, “Kinthî tî maveeni nyitîte na njara yakwa ya ûrîo?”

Isaia 47:10

“Ûtûûraga wîvokete waganu waku; weîraga atî gûtirî mûndû ûrakwona. Ûûgî waku na ûmenyo waku nîguo wakûvîtithirie, na weîraga na ngoro yaku atî: ‘Nie nînie tu na gûtirî wîngî tiga nie.’

Isaia 5:18

Kaî marî na thîna-î! Arîa mekaraga makururîtie mevia, arîa maguucagia mevia na mîkanda ta mûkokoteni.

Isaia 5:7

Nîûndû mûgûnda wa Ngai-Mûnene mwene vinya wonthe nî nyomba ya Isiraeli. Andû a Juda nîo mîthavibu mîaro îrîa aavandire; eevokaga nîmagwîka ûrîa kwagîrîrîte, nwatî vandû va ûguo, nîmaûraganîte; eevokaga nîmakwîthîrwa marî athingu, nwatî vandû va ûguo nîmaatûmire kûgîe na kîrîro.

Isaia 59:15

Ûvoro wa ma ndwîthagîrwa kuo, na mûndû wa wonthe ûtiganaga na maûndû macûku nîkwa averithagua. Ngai-Mûnene nîwonire maûndû mau, na nîwarakarire nîûndû gûtiarî na kîvooto.

Isaia 59:16

Ke nîwonire atî gûtiarî na mûndû ûngîtethia arîa akinyîrîrie. Kwoguo ke nîatûmîra vinya wake amavonokie na amave ûvootani.

Isaia 59:3

Nîûndû njara cienyu nîinyitîtwe nî mûgiro nîûndû wa kûragana, ciara cienyu igeka ciîko njûku, mîromo yenyu nîyarîtie maveeni, natuo tûrîmî twenyu tûkaaria waganu.

Isaia 64:7

Gûtirî wanarî mûndû ûkûvoyaga; gûtirî mûndû ûkûvoyaga ûtethio. We nîûtwîthithîrîte na ûgatûtiganîria nîûndû wa mevia metû.

Isaia 9:15

Athuuri na andû arîa ave gîtîîo nîo ciongo, nao arathi arîa mathomithanagia maûndû ma maveeni nîo mîkia.

Jeremia 48:7

We Moabu nîwevokire ûvoti waku na ûtonga waku, nwatî rîu wanawe nîûgatavwa; ngai yaku Kemoshi nîîkavirwa îthamîriorî, vamwe na athînjîri-Ngai na ndungata ciake.

Jeremia 5:1

Vinyûrani kûndû na kûndû varavararî cia Jerusalemu, mûrorie na mwîyonere! Mûtuîrie na kûu thokorî, mwone kana kûrî wanarî ûmwe, ûrûmagîrîra kîvooto na ûcaragia ûma. Mwamwona, nie Ngai-Mûnene nîngûrekera Jerusalemu.

Jeremia 7:4

Mûtikevoke ciugo ino cia maveeni: ‘Îno nî hekarû ya Ngai-Mûnene, îno nî hekarû ya Ngai-Mûnene, îno nî hekarû ya Ngai-Mûnene.’

Jeremia 7:8

“Taroriani, mûtûûraga mwîtîkîtie ciugo cia maveeni.

Hosea 4:1

Ta thikîrîriani kiugo Kîam Ngai-Mûnene mue andû a Isiraeli, nîûndû Ngai-Mûnene nîarathitanga atûûri a vûrûri ûyû. “Gûtirî na wîvokeku kana ntha vûrûrirî ûyû, gûtirî mûndû ûmenyete Ngai-Mûnene vûrûrirî ûyû.

Mika 2:1

Andû arîa mavangaga maûndû macûku kaî marî na thîna-î, mararaga matarî toro magîciria maûndû macûku! Gwakîa kîraûko mathiîcaga gwîka ûndû ûcio, nîûndû marî na vinya.

Ciîko 24:9

Ayahudi acio engî wa nao nîmaathitangire Paûlo na makiuga atî maûndû mau monthe maarî ma ma.

Jakuvu 1:15

Merirîria mau macûku nîmagîcaga îvu na magaciara mevia, namo mevia mau makûra maciaraga gîkuû.