Isaia 59:2 - ÎVUKU RÎA ÛVORO MWARO

² Nwatî mevia menyu nîmamwamûranîtie na Ngai wenyu. Nî mevia menyu matûmîte amwîthithîre nîguo ndakamwîgue mwamûvoya.

Isaia 59:2 ပူးပေါင်းရင်းမြစ်များ

Nthi 15:29

Ngai-Mûnene nîwîgucaga mavoya ma andû arîa athingu, nwatî ndathikagîrîria andû arîa aganu.

Isaia 1:15

“Rîrîa mûkaambararagia njara mûkîvoya, ngaamûvuvatagîra ndikamwone. Wana mwavoya mavoya meengî atîa ndikaamûthikîrîria, nîûndû njara cienyu ciîcûrîte nthakame.

Isaia 50:1

Ngai-Mûnene arauga atîrî, “Maarûa îrîa yonanagia atî nîndete nyûkwe-î, îrî kû? Kana nî mûndû ûrîkû wa arîa nîrî na thirî wao nakwenderie? Ririkanani mevia menyu nîmo maatûmire mwendue, na waganu wenyu nîguo watûmire nyûkwe atewe.

Isaia 57:17

“Narakarire nîo nîûndû wa mevia mao na ûkoroku wao, nînamaverithirie, ngîmatiganîria na ngîtûmbwa nî marakara. Nwatî nîmaûmirie kîongo na makîthiî na mbere kûrûmîrîra njîra ciao o ene.

Isaia 58:4

Taroriani, mwînyerekagia nîguo mûtetanie na mûrûe mûkîringanaga na ngundi. Kwînyerekia kwa mûthemba ta ûyû wenyu gûtigaatûma nîmûthikîrîrie mûkîmvoya.

Jeremia 5:25

Mevia menyu nîmatûmîte mûrege kûgwata irathimo icio, mevia magatûma mûrega kûgwata maûndû maro.

Maca 1:8

Jerusalemu nîyevirie mûno, kwoguo nîyagîre gîko, arîa onthe maarîtîîaga nîmaarînyararire, nîûndû nîmoonire njaga yarîo, Jerusalemu îcaaga na îkenamia ûthiû nîûndû wa nthoni.

Ezek 39:29

Nîngetîrîria andû a Isiraeli roho wakwa, na ndikaamatiganîria rîngî. Nînie Mwathani Ngai-Mûnene mbugîte ûguo.”

Mika 3:4

Îvinda nîrîgakinya rîrîa mûkaarîrîra Ngai-Mûnene, nwatî ndakaamûcokeria. Ndakeegua mavoya menyu nîûndû nîmwîkîte maûndû macûku.

Josh 7:11

Aisiraeli nîmevîtie! Nîmaregete kwathîkîra kîrîkanîro gîakwa kîrîa namaathire mavingie. Nîmocete indo imwe cia irîa nameerire macûkangie magaciîa, makaveenania na magîciiga vamwe na indo ciao.

1Sam 4:3

Na rîrîa andû arîa maatigarire maacokire varîa maambîte magema mao, athuuri a Isiraeli nîmaaûranirie atîrî, “Nî ndûî gîatûma Ngai-Mûnene atûrekereria tûvootwe nî Afilisiti ûmûnthî? Tûthiîni tûoce îthandûkû rîa kîrîkanîro rîa Ngai-Mûnene kuuma Shilo tûke narîo gûkû, nîguo tûthiî nake agatûvonokie kuuma kûrî nthû cietû.”