Isaia 57:5 - ÎVUKU RÎA ÛVORO MWARO

⁵ Mue mûgoocagîra ngai cia maveeni rungu rwa mîvuru yonthe. Mûthînjagîra ciana cienyu irî magongoona mîatûkarî ya mathiga.

Isaia 57:5 ပူးပေါင်းရင်းမြစ်များ

1Atha 14:23

Nîmeerûthîrîte kûndû kûrîa kwagoocagîrwa ngai cia mîvunano, itugî na mîvuanano ya Ashera mîenarî yonthe ya irîma irîa ndaca na rungu rwa mîtî yonthe îrîa yarî na iruru.

2Atha 17:10

Nîmeerûthîre itugî cia mathiga na mîvuanano ya Ashera ngai ya nga, îgûrû rîa irîma cionthe na rungu rwa mîtî yonthe mîruru.

2Atha 17:7

Samaria yathirire vinya nîûndû andû a Isiraeli nîmeevîtie mbere ya Ngai-Mûnene Ngai wao, ûrîa wamarutire vûrûrirî wa Misiri na wamavonoketie kuuma kûrî Faraû mûthamaki wa Misiri, na makagooca ngai ciîngî.

2Atha 23:10

Mûthamaki Josia nîwagwatirie Tofethi mûgiro vandû varîa vaagoocagîrwa ngai cia maveeni Kîamndarî Kîam njiarwa cia Hinomu, nîguo mûndû wa wonthe ndakaarutîre Moleku îtega rîa kûvîvua kûrî mwana wake wa mwanake kana wa mwîrîtu.

2Maû 28:3

Nîwarutire magongoona ma kûvîvua ma ûbani Kîamndarî Kîam Hinomu na akîruta anake ake kûrî ngai cia mîvuanano marî matega ma kûvîvua. Aarûmîrîre mîtugo mîcûku ya ndûrîrî irîa Ngai-Mûnene eengatîte kuuma vûrûrirî ûcio vîndî îrîa andû a Isiraeli maatonyaga kuo.

Ntha 32:6

Kîraûko tene mûthenya ûcio wîngî andû nîmaarutire matega ma kûvîvua, na matega ma thayû. Nîmaacokire magîkara nthî makîrîa na makînyua. Nîmaarûngamire na makîambîrîria kwîinia makinaga nyîmbo cia waga nthoni.

Isaia 1:29

Nîmûkeguîra nthoni mîvuru îrîa mwakenagîra; na nîmûgaaconoka nîûndû wa mîgûnda îrîa mwethuurîre.

Jeremia 17:2

Andû enyu magoocagîra metharî cia kîgongoona, na mîvuanano ya ngai cia Ashera, îrîa iigîtwe mîtîrî îrîa mîruru na tûrîmarî,

Jeremia 2:20

Kwa îvinda îraca nîwaunangire îcoki rîaku, na ûgîtucanga nyororo ciaku; na ûkiuga atîrî, “Tîngûtungatîra.” Nama karîmarî wa konthe, rungu rwa mûtî wa wonthe watuîkire ta îraa, wînamagîrîre ngai cia mîvuanano.

Jeremia 3:13

Îtîkîrani tu mevia menyu, atî nîmwareganire na Ngai-Mûnene Ngai wenyu; na atî rungu rwa mîtî yonthe mîruru, nîwonanîtie wendo waku kûrî ngai ciîngî; na warega kwathîkîra mûgambo wakwa, ûguo nîguo Ngai-Mûnene arauga.”

Jeremia 3:6

Vîndî îrîa Josia aarî mûthamaki, Ngai-Mûnene nîwambîrire atîrî, “Wî mwonu ûrîa Isiraeli, ûcio ûtarî mwîvokeku ekîte? Ke nîathiîte tûrîmarî tuonthe na akathiî rungu rwa mîtî mîruru na akavûûrîra ûmaraa kuo.

Jeremia 32:35

Nîmatumîte metha cia kîgongoona cia Baali Kîamndarî Kîam Hinomu, nîguo marutîre ngai ya Moleku anake ao na erîtu ao marî magongoona. Tînie namaathire meke ûguo, na ûndû ûcio ndûngîatonyire meciriarî makwa, atî nwa meke ûndû ta ûcio ûrî mûgiro wa gûtûma andû a Juda mevia.”

Jeremia 50:38

Vûrûri wa Babuloni nîûture mbura, na nyûnjî cia kuo ivwe. Babuloni nî vûrûri wa ngai cia mîvuanano, na itûmîte andû akuo mauma ngoma.

Jeremia 51:7

Babuloni yekariî ta gîkombe Kîam thaavu, kîrî njararî cia Ngai-Mûnene, gîatûmaga nthî yonthe îrîwe; mavûrûri maanyunyaga ndivei kuuma kûrî kîo makauma ngoma.

Jeremia 7:31

Nîmatumîte metha cia magongoona ciîtagwa ‘Tofethi’ kûu Kîamndarî Kîam Hinomu, nîguo marutîre ciana ciao cia anake na erîtu kuo irî matega ma kûvîvua. Nie ndiamatha meke ûguo, na ûndû ta ûcio ndwanagîa meciriarî makwa.

Ezek 16:20

“Makîria ma ûguo, nîwacokire ûkînyita anake na erîtu aku, acio wanjiarîre na ûkîmaruta marî îgongoona kûrî mîvuanano îo nîguo marîwe mathire. Anga ûndû ûcio waku wa ûmaraa warî ûndû mûnini,

Ezek 20:26

Nînamagwatirie mûgiro na njîra ya matega mao na ngîtûma maruta marikithathi mao marî magongoona ma kûvîvua. Nînatûmire macûkangue nîguo mamenye atî nînie Ngai-Mûnene.

Ezek 20:28

Namaretire vûrûrirî ûrîa namerîrîre na mwîvîtwa atî nîngaamava. Varîa vonthe moonaga varî tûrîma tûtûgîru kana mûtî mûruru, nîmaathiîcaga na makarutîra magongoona mao vo, na nîmandakaririe na magongoona mao ma kûvîvua matega ma ndivei marîa maarutire.

Ezek 20:31

Rîrîa mûkûruta iveo cienyu na mûkaruta ciana cienyu irî magongoona ma kûvîvua, nîmwîgwatagia gîko mue ene na mîvuanano yenyu yonthe nginya ûmûnthî. Mue andû a Isiraeli, nwa mûrie ûndû kuuma kûrî Nie? Ngai-Mûnene augîte atî wata ûrîa ke atûûraga mwoyo, ndangîtîkîra mûmûrie ûndû.

Ezek 6:13

Ciimba ikaanyagania kûrîa ngai ciao cia mîvuanano irî mîenarî yonthe ya metha ciao cia magongoona, tûrîmarî tuonthe na irîmarî cionthe; mîtîrî yonthe mînene na mîtî îrîa mîruru ya mîvuru kûrîa maarutagîra magongoona marîa maanungaga waro ma gûkenia ngai ciao cia mîvuanano.

Alawi 18:21

Mûtikanenganîre ciana cienyu ciamûrîrwe ngai îrîa îtagwa Moleku, na mwaki, nîûndû kûu nî gûconorithia rîîtwa rîa Ngai-Mûnene, Ngai.

Ndari 25:6

Mûisiraeli ûmwe nîwocire mûndûmûka ûmwe Mûmidiani na akîmûvira îgemarî rîake. Mûndû ûcio eekire ûguo Musa na andû onthe a Isiraeli makîonaga marî vau mûromorî wa îgema rîa Ngai-Mûnene magîcakaya.

Gûco 12:2

Nwanginya mûgaacûkangia viû kûndû kuonthe kûrîa andû a mavûrûri marîa mûkeegwatîra magoocagîra ngai ciao; îgûrû rîa irîma, kûndû kûrîa gûtûgîru, na rungu rwa mîtî îrîa mîruru.

Kûguû 18:3

Mavûrûri monthe matuîkîte mîrîu ya merirîria macûku ma mwîrî. Athamaki a nthî nîmatharîtie nake. Nao avûri a mbiacara, matuîkîte itonga kuumana na merirîria meengî mûcûku make ma mwîrî.”