Isaia 57:18 - ÎVUKU RÎA ÛVORO MWARO

¹⁸ “Nîmonete mîthiîre yao, nwatî nîngamavonia. Nîngamatongoria, na nîmaûmîrîrie; nîngavoreria andû arîa macakayaga.

Isaia 57:18 ပူးပေါင်းရင်းမြစ်များ

Thaburi 23:2

Nîatûmaga mvurûke kûrîa kûrî na nyaki mbîthî, na nîandongoragîria kûrîa kûrî na manjî matheru.

Thaburi 51:12

Njokeria gîkeno Kîam ûvovokio waku, na ûmbîkîre wendi wa gûkwathîkîra.

Thaburi 94:19

Rîrîa negua ngîtangîka mûno ngororî, We Ngai-Mûnene ûnyûmagîrîria na ûgatûma ngîa na gîkeno.

Mûvunjia 9:4

Nwatî mûndû wa wonthe wînyitithanîtie na andû arîa onthe marî mwoyo arî na kîîrîgîrîro, nîûndû nîkava ngui îrî mwoyo gûkîra mûnyambû mûkuû.

Isaia 1:18

Ngai-Mûnene arauga atîrî, “Ûkani rîu twarie. Wana ethîrwa mevia menyu mûtunîvîte ta ndûngûrû, makatherua macerûve ta îra. Wana ethîrwa matunîvîte ta nthakame, magacerûvua mekare ta guoya wa ng'ondu.

Isaia 12:1

Mûthenya nîûgaakinya rîrîa mûkaaina atîrî, “Nîngagûcokeria ngatho we Ngai-Mûnene, nîûndû warî mûrakaru nîtue, nwatî rîu marakara maku nî mathiru, na nîûtûmîrîrîtie.

Isaia 19:22

Ngai-Mûnene nîakaaverithia andû a Misiri, acoke amavonie; nao nîmakaamûcokerera nake nîakegua mathaithana mao na amavonie.

Isaia 30:18

Kûnarî ûguo, Ngai-Mûnene nwa wetererete kûmwîguîra ntha, kwoguo nîevarîrîtie kûmûtuga. Nîûndû Ngai-Mûnene nî Ngai wîkaga maûndû ma kîvooto, kûrathimwa nî arîa onthe mamwetagîrîra.

Isaia 30:26

Makîria ya ûguo, mweri nîûkaara ta riûa, naguo ûtheri wa riûa ûneneve maita mûgwanja ta ûtheri wa mîthenya mûgwanja warîte mûthenya ûmwe. Ûguo nîguo gûgekara mûthenya ûrîa Ngai-Mûnene akoova ngurara na avonie ironda cia andû ake kûrîa aamativangirie na rûthanju rwake.

Isaia 49:10

Matikavûûta kana manyonda. Riûa kana ûrugarî wa werûrî itikaamavîvia, nîûndû nîmagaatongorerua nî ûrîa ûmendete, na nîakaamavira kûrîa manjî matherûkaga.

Isaia 51:12

Ngai-Mûnene arauga atîrî, “Nie nînie ngûvoragîria. Wîtigagîra mûndû wa gûkua nîkî, ûgetigîra mûndû wa gûkû nthî ûrîa ûthiraga ta nyaki?

Isaia 52:12

Vîndî îno mûtikaauma kuo na îvenya, na mûtikaathiî mûvinyûrîte. Nîûndû Ngai-Mûnene nîke ûkaamûtongoreria, nake Ngai wa Isiraeli nîke ûkaamuma vuva amûgitîrîte.

Isaia 53:5

Nwatî aativirue nîûndû wa mevia metû, aathînirue nîûndû wa waganu wetû. Aaverithirue nîguo tûgîe na mwoyo, na tûkîvonua na njîra ya ivoko irîa aarivirwe.

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Isaia 58:11

Nie Ngai-Mûnene ngaamûtongoragia vîndî cionthe, na nîmûvingagîrie mavata menyu vîndî ya thîna. Ngaamwigaga mûrî na vinya na ûgima mwaro. Mûkaavana ta mûgûnda wî mwîtîrîrie manjî, ta kîthima Kîam manjî kîrîa gîtavûcaga.

Jeremia 13:17

Nwatî ethîrwa tîmûnthikîrîria, nîngûrîra nîîthithîte nîûndû wa mwîtîîo wenyu; nîndîra na ûrûrû mwîngî ngîtûrûraga methori nîûndû andû a Ngai-Mûnene nîatave.

Jeremia 3:22

Njokererani mue ciana ciakwa mûtarî evokeku nîngamûvonia na nîmûtue evokeku. Taroria nîtwaûka kûrî we; nîûndû we nîwe Ngai-Mûnene Ngai wetû.

Jeremia 30:17

“Nîngamûcokeria vinya wenyu, na nîmûvonie ironda cienyu, wana ethîrwa mamwîtaga, ‘Mûru.’ ‘Îtûûra rîa Zayuni rîtarî mûndû wa kûrîmenyerera!’ Nie Ngai-Mûnene nînie nauga ûguo.”

Jeremia 31:3

nie Ngai-Mûnene nînamaumîrîre nîrî kûraca. Nîmwendete na wendo ûtathiraga, kwoguo nîrî mwîvokeku kûrî mue vîndî cionthe.

Jeremia 33:6

Taroria, nîngavonia îtûûra rîîrî, na njokerie andû a rîo ûgima wa mwîrî. Nîngatûma mathatûkwe mûno na magîe na ûgitîri.

Zakaria 1:13

Nake Ngai-Mûnene nîwacokerie mûraika ûrîa twaragia nake na ciugo cia ntha na cia kûmanîrîria.

Luka 15:20

Kwoguo mwanake ûcio nîwaumire kûu na agîcoka kûrî îthe. “Na rîrîa mwanake ûcio aarî varaca na mûciî, îthe nîwamwonire na akîringwa nî ntha, agîcoka akîvinyûra, akîmûkumbatîria na akîmûmumunya.

Aroma 5:20

Watho wekîrirwe nîguo andû mevie mûno. Nwatî wa ûrîa mevia mongererekaga, wega wa Ngai nîwongererekaga makîria.

Kûguû 7:17

nîûndû Gatûrûme, karîa karî vau gatagatî ka gîtî Kîam ûthamaki nîgagaatuîka mûrîthi wao. Nake nîakaamatongoria amavire ithimarî cia manjî marîa mavecanaga mwoyo. Nake Ngai nîakagiria methori monthe kuuma methorî mao.”