Isaia 57:16 - ÎVUKU RÎA ÛVORO MWARO

¹⁶ Nîûndû ndigûtûûra ngararanagia tene na tene, kana ndûûre ndakarîte nîo vîndî cionthe. Nîûndû nîngîka ûguo, andû onthe nwa makwire, andû arîa nie naveere mwoyo.

Isaia 57:16 ပူးပေါင်းရင်းမြစ်များ

Kîam 6:3

Nake Ngai-Mûnene nîwaugire atîrî, “Vinya wakwa wa kûvotithia mûndû gûtûûra tî wîkara ndaarî ya mûndû tene na tene; nîûndû mûndû nî kîûmbe gîa gûkua. Kuuma rîu gûtirî mûndû ûgatûûraga makîria ya mîaka îgana rîa mîrongo îrî (120).”

2Sam 24:16

Rîrîa mûraika wa Ngai-Mûnene aarî vakuvî gûcûkangia Jerusalemu Ngai-Mûnene nîwericûkirwe ûvororî wîgiî kûverithia andû ake na akîra mûraika ûcio waûraganaga atîrî, “Tiga rîu! Ûguo nî mwîganu!” Mûraika ûcio aarî vakuvî na varîa Arauna, ûrîa warî Mûjebusi aavûûragîra ngano.

Ayubu 12:10

Ûtûûro wa kîndû wa kîonthe kîrî mwoyo, na mwoyo wa mûndû wa wonthe ûrî njararî cia Ngai.

Thaburi 85:5

Nîkwa ûgûtûûra ûrakarîte nîtue tene na tene? Nîkwa ûgûtûûra ûrakarîrîte njiarwa cionthe?

Mûvunjia 12:7

Mwîrî ûgaacoka mûtheturî wa kûrîa waumire, naguo mwoyo ûcoke kûrî Ngai ûrîa waûvecanire.

Isaia 27:8

Aaverithirie andû ake na njîra ya kûmavira îthamîriorî. Rîrîa kwarî na rûkûngi rûnene rwa mwena wa îrathîro, nîwamavonokirie kuuma kûrî rûkûngi rûnene.

Isaia 30:18

Kûnarî ûguo, Ngai-Mûnene nwa wetererete kûmwîguîra ntha, kwoguo nîevarîrîtie kûmûtuga. Nîûndû Ngai-Mûnene nî Ngai wîkaga maûndû ma kîvooto, kûrathimwa nî arîa onthe mamwetagîrîra.

Isaia 42:5

Ûguo nîguo Ngai-Mûnene arauga, ûrîa waûmbire îgûrû na akîrîtambûrûkia, nîke waûmbire nthî na indo cionthe irîa irî kuo, nîke ûvecaga andû arîa matûûraga kuo mîvevû, na akava mwoyo arîa matûûraga kuo.

Isaia 64:8

Nwatî kûnarî ûguo, we Ngai-Mûnene, we nîwe Vava. Tue twîkariî ta yûmba, nawe wîkariî ta mûmbi wa nyûngû. We nîwe watûmbire tuonthe.

Jeremia 10:24

We Ngai-Mûnene, nûnga na njîra îrîa îmbagîrîrîte, ndûkamverithie ûrî na marakara nîûndû navota kûthira.

Jeremia 3:5

We nîûtûûra ûndakarîrîte tene na tene, nîûtûûra ûrî na mang'ûrîka tene tene? Isiraeli ûguo nîguo we ûraugire, nwatî nîwîkîte mevia monthe marîa ûngîavotire gwîka.”

Jeremia 38:16

Nake mûthamaki Zedekia nîwevîtire mbere ya Jeremia na nthitho akiugaga atîrî, “Wata ûrîa Ngai-Mûnene atûûraga mwoyo, Ngai ûrîa watûveere mwoyo, ndigaakûûraga, kana ngûrekereria kûrî andû aya marenda gûkûûraga.”

Ezek 18:4

Atîrî, mîoyo yonthe nî yakwa. Mwoyo wa îthe na wa mwana yoîrî nî yakwa. Mwoyo ûrîa ûvîtagia nîguo ûgaakua.’

Amosi 1:11

Ngai mûnene arauga atîrî, “Andû a îtûûra rîa Edomu matûûraga mevagia, kwoguo ndigaatiga kûmaverithia. Nîmaarûmîrîrie aa mûrwang'ina andû a Isiraeli na mviû, marî aa mûrwang'ina matiameguîra ntha, marakara mao kûrî o matiarî na kîthimi.

Mika 7:18

We Ngai, nîkûrî wîngî wîkariî ta we? We wovagîra andû aku mevia arîa maatigirwe marî mwoyo. Marakara maku matitûûraga tene na tene nîûndû nî ûtwonagia wendo ûtathiraga.

Zakaria 12:1

Îno nî ndûmîrîri ndito îgiî Isiraeli kuuma kûrî Ngai-Mûnene ûrîa waûmbire îgûrû, na akîûmba nthî na akîva mûndû mwoyo. Ke arauga atîrî,

Ndari 16:22

Nwatî Musa na Aroni nîmaaturumithirie mothiû mao nthî na makiuga atîrî, “We Ngai, nîwe kiumo gîa ûtûûro wa andû onthe. Mûndû ûmwe angîkûvîtîria ûrakaragua nî andû onthe?”

Ahib 12:9

Methe metû ma gûkû nthî nîmaatûverithirie na tûkîmava gîtîîo. Kwoguo nîtwagîrîrwe kwathîkîra Vava wa kîîroho mûno makîria nîguo tûtûûre!