Isaia 56:1 - ÎVUKU RÎA ÛVORO MWARO

¹ Ngai-Mûnene arauga atîrî, “Rûmagîrîrani kîvooto na mwîkage maûndû ma ûthingu, nîûndû nîrî vakuvî gûka kûmûvonokia, ûthingu wakwa ûrî vakuvî kûguûranîrua.

Isaia 56:1 ပူးပေါင်းရင်းမြစ်များ

Thaburi 106:3

Kûrathimwa nî arîa marûmagîrîra kîvooto, arîa mekaga maûndû ma ûthingu vîndî cionthe.

Thaburi 50:23

Mûndû ûrîa ûnjokagîria ngatho rîrî îgongoona nîandîîaga, nama, nîngaavonokia andû onthe arîa mambathîkagîra.”

Thaburi 85:9

Nama nîevarîrîtie kûvonokia andû arîa mamwîtigîrîte, nîguo riiri wake ûtûûre vûrûrirî wetû.

Isaia 33:5

Ngai-Mûnene nî mûnene, ke atûûraga îgûrû; nîagecûria Zayuni na kîvooto na ûthingu.

Isaia 46:13

Nîngûrete mûthenya wakwa wa kûmûvonokia vakuvî, ndûrî varaca, mûthenya wa kûmûvonokia tîwîkara mûno. Nîngaavonokia Zayuni na monie Isiraeli riiri wakwa.”

Isaia 51:5

Gûkûûrana gwakwa kûrî vakuvî, naguo ûvonokio wakwa nî mwambîrîriu kwoneka. Nie mwene nînie ngaatha mavûrûri; andû arîa matûûraga mavûrûrirî ma kûraca nîmambetererete, na mevokete nîmavonokie.

Isaia 55:7

Andû arîa aganu nîmatigane na mîthiîre îo yao, nao andû arîa matarî athingu matigane na meciria mao macûku. Nîmacokerere Ngai-Mûnene nîguo ameguîre ntha, na macokerere Ngai wetû nîûndû nîakîragîrîria kwovanîra.

Isaia 61:8

Ngai-Mûnene arauga atîrî, “Nie mendete waragania, na nînthûrîte ûcunani na ûkinyanîrîria. Nîngaatuga andû akwa na wîvokeku, na ndûthe kîrîkanîro gîa gûtûûra tene na tene nao.

Isaia 64:5

We nîwamûkagîra andû arîa mekaga maûndû ma ûthingu makenete, arîa makûririkanaga na marûmagîrîra njîra ciaku. We nîwarakarire nîtue, nwatî nîtwathiîre na mbere kwîvia; wana ethîrwa nîwarakarire mûno nîtue, tûtwîre twîvagia kuuma tene.

Danieli 9:24

“ ‘Mîaka mûgwanja maita mîrongo mûgwanja, nî îvinda rîrîa Ngai amûrîte rîa kûthiria waganu, mevia; kwovera andû arîa mekîte maûndû macûku, kûrete thayû wa tene na tene, gwîtîkîra cioneki na ûrathi, na kûvaka vandû varîa vatheru Mûno maguta.

Hosea 12:7

Andû a Efiraumu mekariî ta avûri a mbiacara a maveeni arîa matûmagîra ithimo cia maveeni na mendete gûkinyîrîria andû.

Mika 6:8

Naarî, Ngai-Mûnene nî atwonetie ûndû ûrîa mwaro, ûndû ûrîa endaga kuuma kûrî tue nî: maûndû ma kîvooto, kwîgucanîra ntha, kûgîa na wendo ûtathiraga na gûtûûra wînyivîtie mbere ya Ngai waku.

Mika 7:9

Nîmvîtîrîtie Ngai-Mûnene, kwoguo nwanginya nyûmîrîrie marakara make, nginya rîrîa akanjirîrîra na onanie kîvooto gîakwa. Nîakaanduta nja kûrîa kûrî na ûtheri, nanie nîngoona akîmvonokia.

Malaki 4:4

Ririkanani watho, maathani na kîrîra naveere Musa ndungata yakwa kîrîmarî gîa Sinai.

Mathaayo 3:2

akiugaga atîrî, “Îîrireni mevia menyu nîûndû ûthamaki wa Îgûrû ûrî vakuvî!”

Mathaayo 4:17

Kuuma vîndî îo Jesû nîwambîrîrie kûvunjia, akaugaga atîrî, “Îîrireeni mevia menyu, nîûndû ûthamaki wa îgûrû ûrî vakuvî!”

Maariko 1:15

akiugaga atîrî, “Kavinda nîgakinyu, naguo ûthamaki wa Ngai nîûkuvîvîrîtie! Îrireni mevia menyu na mwîtîkie Ûvoro Mwaro!”

Johana 7:17

Mûndû wa wonthe wendaga kûvingia wendi wa Ngai nîamenyaga kana maûndû marîa nthomithanagia maumîte kûrî Ngai, kana mbaaragia na wathani wakwa.

Aroma 1:17

Nîûndû Ûvoro Mwaro ûguûragia ûrîa Ngai atûmaga andû matuîke athingu; na njîra ya gwîtîkia kuuma Kîammbîrîria nginya mûthiia. Wata ûrîa kwandîkîtwe mandîkorî matheru atîrî, “Mûndû ûrîa mûthingu nîagaatûûra mwoyo nîûndû wa gwîtîkia.”