Isaia 54:3 - ÎVUKU RÎA ÛVORO MWARO

³ Nîûndû nîûgaatamba mîena yonthe, nacio njiarwa ciaku nîikegwatîra ndûrîrî ituîke ciao, namo matûûra marîa matiganîrie rîu nîmagecûra andû.

Isaia 54:3 ပူးပေါင်းရင်းမြစ်များ

Kîam 26:22

Isaka nîwathaamire vandû vau na akîthiî akînja kîthima kîngî, na gîtiagîa na ngarari. Kwoguo Isaka nîwetire kîthima kîu Rehobothi (Wîyathi). Nîwaugire atîrî, “Rîu Ngai-Mûnene nî mûtûveu wîyathi tûtûûre gûkû, na nî tûkûthegeera kuo.”

Kîam 28:14

Njiarwa ciaku nîikengîva ta mûthetu wa nthî. Nîigaatamba mîena yonthe ya nthî. Na njîra ya njiarwa ciaku, nîngaarathima mavûrûri monthe nthî.

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

Isaia 14:1

Ngai-Mûnene nîakeguîra andû a Jakovu ntha na athuure andû a Isiraeli rîngî matuîke ake kîûmbe. Nîakaamacokia vûrûrirî wao o ene, na ageni nîmagaaûka na matûûranie nao.

Isaia 14:2

Andû a mavûrûri nîmagaatethereria andû a Isiraeli gûcoka vûrûrirî ûrîa maaverwe nî Ngai-Mûnene. Nao andû acio a mavûrûri nîmagaatungatagîra Aisiraeli marî ngombo. Arîa maatavîte Aisiraeli nîmagaatavwa nî Aisiraeli, na andû a Isiraeli nîmakaatha arîa maamavinyagîrîria.

Isaia 26:15

Nwatî we Ngai-Mûnene nîûtûmîte rûrîrî rwetû rûkûre, nîwaramîtie mîvaka yonthe ya vûrûri wetû, kwoguo we nîûtîîtwe.

Isaia 45:14

Ngai-Mûnene arera Isiraeli atîrî, “Ûtonga wa Misiri na indo cia Ethiopia ikethîrwa irî cienyu, nao andû arîa araca na îgûrû a Seba, nîmagaaûka kûrî we na methîrwe marî aku, na makûrûmîrîre. Nîmagaaûka kûrî we movetwe na mînyororo, na makwînamîrîrie mothiû mao makiugaga atî: ‘Ngai arî vamwe nawe, na gûtirî ngai îngî tiga ke.’ ”

Isaia 48:19

Njiarwa ciaku ingîengîvîte ta mûthanga, ciana ciaku ingîengîvîte ta tûthiga twa mûthanga, rîîtwa rîao rîtikaathengutua kana rîcûkangua.”

Isaia 49:12

Andû akwa nîmakaauma kûndû kûraca, nao engî maume mwena wa rûgûrû na engî mwena wa îthûîro, na arîa engî maume mwena wa îveti.”

Isaia 49:8

Ngai-Mûnene arauga atîrî, “Vîndî îrîa mbagîrîru, nînagûcokerie îvoya rîaku, mûthenya wa kûvonokania nînagûtethirie; nîngwigîte na ngarûtha kîrîkanîro na andû a mavûrûri monthe na njîra yaku. Nîngaatûma ûtûûre rîngî vûrûrirî ûrîa watiganîrue ûtarî kîndû, ûtuîke îgai rîenyu.

Isaia 52:9

Mue kûndû kûrîa gûcûkangu kwa Jerusalemu, ambîrîriani kwina vamwe mûkenete. Nîûndû Ngai-Mûnene nîavoreretie andû ake, nîakûûrîte Jerusalemu.

Isaia 53:10

Ngai-Mûnene nîke wonire arî waro amûtivie, na atûme egue kîeva. Nîwarutire mwoyo ûtuîke îgongoona rîa kûtheria mevia, nîakoona rûciaro rwake, nîagaatûûra ûtûûro mûraca, na nîke ûkaavingia wendi wa Ngai-Mûnene.

Isaia 55:5

Nama nîmûgeta ndûrîrî irîa mûtaicî, na andû a ndûrîrî irîa itagwîcî nîmagaaûka kûrî we mavinyûrîte! Nie Ngai-Mûnene Ngai wenyu Ûrîa Mûtheru wa Isiraeli, nînie ndûmîte maûndû mau monthe mekîke, nînie ndûmîte ûvewe riiri.”

Danieli 7:27

Naguo ûthamaki na wathani, na ûnene wa mothamaki monthe ma nthî ûkavewa andû a Ngai Ûrîa mûnene, na ûthamaki wao ndûkaathira, na athamaki onthe a nthî nîmakaamathîkîra na mamatungatagîre.’

Aroma 10:18

Nwatî nîmbûria atîrî: Nîma atî andû matirî megua ûvoro mwaro? Nîma nîmeguîte nîûndû Mandîko Matheru maugîte atîrî: “Mîgambo yao nîyathiîre nthî yonthe, na ciugo ciao igîkinya ituri cionthe cia nthî.”

Aroma 11:12

Mevia marîa meekirwe nî Ayahudi nîmaaretire irathimo nyîngî gûkû nthî, na ûthîni wao wa ngoro nîwaretire irathimo nyîngî kûrî andû a Ndûrîrî. Kwoguo nthî îkaagîa na irathimo ciîgana atîa vîndî îrîa Ayahudi onthe magatonyua ûvonokiorî!

Akol 1:23

Kwoguo nwanginya mûthiî na mbere gwîkara mwîkindîrîtie wîtîkiorî wenyu na mûrî na vinya. Mwîrîgîrîro ûrîa mwagîre naguo rîrîa mwegwire ûvoro mwaro, mûtikanetîkîre wenyenyue. Nie Paûlo nîrî ndungata ya ûvoro mwaro ûrîa wîthîrîtwe ûkîvunjîrua andû a nthî yonthe.