Isaia 53:4 - ÎVUKU RÎA ÛVORO MWARO

⁴ “Kûnarî ûguo ke nîwocire ruuo rwetû, na agîkuua kîeva gîetû. Nwatî tue twamwonire takwa aarî mûvooteku, arî mûrive na akanyarirwa nî Ngai.

Isaia 53:4 ပူးပေါင်းရင်းမြစ်များ

Thaburi 69:26

Nîûndû nîmanyariraga arîa ûverithîtie, na arîa ûgurarîtie nîmamongagîrîra mînyamaaro.

Thaburi 69:27

Maverithie nîûndû wa mevia mao monthe; ndûkamarekere wanarî vanini.

Thaburi 69:8

Nduîkîte ta mûgeni kûrî andû etû, andû a mûciî wakwa matiramenya.

Isaia 53:10

Ngai-Mûnene nîke wonire arî waro amûtivie, na atûme egue kîeva. Nîwarutire mwoyo ûtuîke îgongoona rîa kûtheria mevia, nîakoona rûciaro rwake, nîagaatûûra ûtûûro mûraca, na nîke ûkaavingia wendi wa Ngai-Mûnene.

Alawi 16:10

Nayo mbûri îrîa îkaagwîrwa nî mûtî îrî ya Azazeli, nîkaavirîrwa Ngai-Mûnene îrî mwoyo nîguo îtherie mevia ma andû, îcoke îrekererue îthiî na kûu werûrî kûrî Azazeli.

Zakaria 13:7

Ngai-Mûnene mwene vinya wonthe augîte atîrî, “We rûviû rwa njûra, ûkîra ûtharîkîre mûrîthi wakwa, ûtharîkîre mûndû ûrîa ûndungatagîra. Ûraga mûrîthi nacio ng'ondu nîikûnyagania; na nîngûtharîkîra irîa nini.

Ndari 7:15

ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua,

Ndari 7:45

ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua,

Mathaayo 26:37

Nake Jesû nîwetire Petero na ariû aîrî a Zebedii na makîthiî vamwe nao. Jesû nîwambîrîrie kûnyitwa nî kîeva, akîthînîka mûno ngororî yake,

Mathaayo 8:17

Ke eekire ûguo nîguo maûndû mavingue marîa maarirue nî mûrathi Isaia rîrîa aaugire atîrî, “Ke nîwocire wonje wetû na agîkuua mîrimû yetû.”

Johana 19:7

Nao Ayahudi nîmaamûcokerie atîrî, “Watho wetû ugaga atî ke aagîrîrwe nî kûûragwa nîûndû nîwîtuîte Mûriû wa Ngai.”

Aroma 4:25

Ke nî waûragirwe nîûndû wa mevia metû na agîcoka akîriûka nîguo tûtuîke athingu.

Agal 3:13

Nwatî Kristû nîwatuîkire kîrumi nîûndû wetû nîguo atûkûûre kuuma kûrî kîrumi kîrîa kîretagwa nî watho. Nîûndû Mandîko matheru maugîte atîrî “Mûndû wa wonthe mwambe mûtharavarî nî mûrume nî Ngai.”

Ahib 9:28

Na njîra wata îo Kristû nîwerutire rita rîmwe arî kîgongoona, nîguo athengutie mevia ma andû eengî. Ke nîagaaûka rita rîa kaîrî na vîndî îo ndagaaûka gûtûma andû moverwe mevia, nwatî agaaûka kûvonokia andû arîa matûûraga mamwetererete.

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,

1Joh 2:2

Kristû ke mwene nîke ûtûmaga twoverwe mevia metû, na twa mevie metû tu, nwatî nî wana mevia ma andû onthe.