Isaia 52:14 - ÎVUKU RÎA ÛVORO MWARO

¹⁴ Wata ûrîa andû eengî maamakire rîrîa maamîonire, nîûndû ûthiû wayo warî mûcûkangie mûno na ndîekariî ta mûndû, na mûvuano wake ndwavuana ta wa mûndû;

Isaia 52:14 ပူးပေါင်းရင်းမြစ်များ

Thaburi 22:15

Mûmero wakwa ûnyarîte ta rûkûngû, na rûrîmî rwakwa rûnyitanîte na nthîa. Nî ûndiganîrîtie nthiî kwa arîa akuû.

Thaburi 22:17

Ndigarîte mavîndî matheri, nthû ciakwa indoragia ingûrîrîte metho.

Thaburi 71:7

Ûtûûro wakwa ûtuîkîte kîonereria varî andû eengî, nîûndû we wî mûgitîri wakwa ûrî vinya.

Isaia 50:6

Nînavecanire mûkurukuthu wakwa kûrî arîa maandivire, nao arîa maangûûrire nderu ciakwa ngîmavûgûrîra makai makwa, ndiathitha ûthiû wakwa atî nîguo ndigaconorithue kana nduîrwa mata.

Mathaayo 26:67

Nao andû amwe nîmaatuîrîre Jesû mata ûthiû na makîmûriva. Engî nao nîmaamûcamûrire na mvî

Mathaayo 27:14

Nwatî Jesû nîwaregire gûcokia wanarî ûndû. Kwoguo Pilato nîwamakire mûno.

Mathaayo 7:28

Rîrîa Jesû aarîkirie kuga maûndû mau, andû eengî nîmaamakirue nî mûthomithanîrie wake.

Maariko 10:26

Nao arutwa megua ûguo nîmaamakire mûno na makîûrania atîrî, “Nî ûrîkû vi, ûngîvonoka?”

Maariko 10:32

Rîrîa Jesû na arutwa ake maambatîte mathiîte Jerusalemu, Jesû aarî mbere yao. Kwoguo arutwa ake nîmaamakîte mûno, nao andû arîa maamaumîte vuva magetigîra. Na wa rîngî Jesû nîwetire arutwa arîa îkûmi na aîrî ndundu na akîmeera maûndû marîa ageerie kwona.

Maariko 5:42

Nako kerîtu kau nîkaarûngamire wa rîmwe na gakîîthiîra. (Kerîtu kau kaarî na ûkûrû wa mîaka îkûmi na îîrî.) Na rîrîa andû moonire ûguo nîmaamakire mûno.

Maariko 6:51

Nake Jesû nîwacokire agîtwa îtarûrî rîrîa maarî, naruo rûkûngi rûgîtiga kûvurutana. Nao arutwa nîmaamakire mûno,

Maariko 7:37

Nao andû onthe arîa meeguire ûvoro ûcio, nîmaamakire mûno, makiugaga atîrî, “Na kaî mûndû ûyû nîwîkaga maûndû monthe waro-î! Ke wana nîatûmaga andû arîa mategucaga megue, na arîa mataragia marie.”

Luka 2:47

Nao andû onthe arîa meegwire ciugo ciake nîmaamakire mûno nîûndû wa ûrîa aacokagia ciûria arî na ûûgî mwîngî.

Luka 22:64

Nîmaacokire makîmûmika metho na makîmûria atîrî, “Mûrathi ûyû, ta îcirîrie nû wakûringa!”

Luka 4:36

Nao andû onthe nîmaamakire na makîrana atîrî, “Mûndû ûyû angîvota kwaria ûguo atîa? Nîûndû arî na vinya na ûvoti wa kwatha ngoma ciume kûrî mûndû.”

Luka 5:26

Nao andû onthe nîmaamakire mûno, makîgua guoya na makîambîrîria gûkumia Ngai makiugaga atîrî, “Na kaî ûmûnthî ûyû nîtwona maûndû ma magegania-î!”