Isaia 52:11 - ÎVUKU RÎA ÛVORO MWARO

¹¹ Thiîni, thiîni, mume kûu Babuloni, mûtikavutie kîndû wa kîonthe kîrî mûgiro! Îîtherieni mue mûkuuaga indo cia Ngai-Mûnene.

Isaia 52:11 ပူးပေါင်းရင်းမြစ်များ

1Maû 15:12

Nake nîwamerire atîrî, “Mue mûrî anene a mbarî cia Alawi. Îtherieni na mûtherie andû enyu nîguo mûvote kûreta îthandûkû rîa kîrîkanîro Kîam Ngai-Mûnene, Ngai wa Isiraeli rîvirwe vandû varîa nîrîvarîrîtie.

Ntha 30:19

Aroni na avîcî ake nîmakaavûthîra manjî mau kwîthambia njara na magûrû.

Isaia 1:16

Îîthambieni, îîtherieni; tigani gwîka maûndû macûku marîa monaga mûgîka. Tigani gwîka maûndû macûku,

Isaia 48:20

Umani Babuloni, ûrani mume kûrî Akalidei! Anîrîrani ûndû ûyû mûkenete, ûmenyithanieni mîthiiarî yonthe ya nthî: ugani atîrî, “Ngai-Mûnene nîavonoketie ndungata yake Jakovu!”

Isaia 66:20

Nîmakaaûngania andû onthe a rûrîrî rwenyu kuuma ndûrîrîrî cionthe mamarete kûrî nie Ngai-Mûnene marî îtega. Makaamarete makuuîtwe na mbarathi, ikaari cia mbarathi, mataratî, nyûmbû, na ngamîîra kîrîmarî gîakwa kîrîa kîtheru kûu Jerusalemu, wata ûrîa Aisiraeli maretage irio ciao cia mîgûnda nyombarî ya Ngai-Mûnene maciîkîrîte ciondorî ino ntheru.

Jeremia 31:21

“Îkîra marûûri njîrarî ciaku, îrûthîre itugî cia gûkwonereria njîra, ririkana waro njîra îrîa nene, varavara îrîa wavîtûkîrîre. Cokani mûciî matûûrarî menyu.

Jeremia 50:8

“Andû a Isiraeli, îthareni mume Babuloni! Umani vûrûrirî ûcio wa Akalidei, na mwîkare ta nthenge irî mbere ya mbûri.

Jeremia 51:45

“Andû akwa umani vakuvî nake! Wa mûndû athare mwoyo wake kuuma kûrî marakara manene ma Ngai-Mûnene.

Jeremia 51:6

Ûrani mume Babuloni mûvonokie mîoyo yenyu! Babuloni îraverithua nîûndû wa mavîtia mayo, nîûndû gaka nîko kavinda ka Ngai-Mûnene ga kwîrîvîrîria, araverithia Babuloni kûringana na mavîtia mayo.

Ezek 44:23

“Athînjîri-Ngai makathomithagia andû ngûrani ya indo irîa ntheru na irîa itarî ntheru, na gûkûrana indo irîa irî mûgiro na irîa itarî mûgiro.

Alawi 10:3

Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.

Alawi 11:45

Nînie Ngai-Mûnene ûrîa wamûrutire vûrûrirî wa Misiri nîguo nduîke Ngai wenyu. Kwoguo nwanginya mwîthîrwe mûrî atheru nîûndû Nie nîrî mûtheru.”

Alawi 11:47

Nwanginya mwîkîre ngûrani gatagatî ka indo irîa irî mûgiro na irîa itarî, gatagatî ka nyamû irîa ingîrîwa na irîa itangîrîwa.

Alawi 21:6

Nwanginya methagîrwe marî atheru na nwanginya matîîage rîîtwa rîakwa, nîûndû nîo mandutagîra matega ma kûvîvua, kwoguo na nwanginya methagîrwe marî atheru.

Zakaria 2:10

Ngai-Mûnene augîte atîrî, “Mue andû a Zayuni inai na mûkene, nîûndû nîngûka na ndûûranie namue!”

Zakaria 2:11

Îvinda rîu ndûrîrî nyîngî nîigaacokerera Ngai-Mûnene, na nîigaatuîka andû ake, na atûûranie nao. Namue nîmûkaamenya atî nî Ngai-Mûnene mwene vinya wonthe ûndûmîte kûrî mue.

Ndari 16:26

Musa nîwerire andû atîrî, “Umani magemarî ma andû aya evia mûrûngame varaca nao, na mûtikavutie kîndû wanarî kîmwe Kîamo, kana mûthiranîrue vamwe nao nîûndû wa mevia mao.”

Ndari 19:11

Mûndû wa wonthe ûkaavutia kimba Kîam mûndû akethagîrwa atarî mûtheru îvinda rîa mîthenya mûgwanja.

Ndari 19:16

Mûndû angîvutia kimba Kîam mûndû aûragîtwe kana akuîte, kana mûndû angîvutia îvîndî rîa mûndû mûkuû, kana mbîrîra, mûndû ûcio akethagîrwa atarî mûtheru îvinda rîa mîthenya mûgwanja.

Ndari 8:6

“Thuura Alawi kuuma gatagatîrî ka andû a Isiraeli na ûmatherie

Ciîko 10:14

Nwatî Petero nîwaugire atîrî, “Naarî Mwathani! Nie ndianarîa kîndû kîrî na mûgiro kana gîtarî kîtheru.”

Ciîko 10:28

Nîwamerire atîrî, “Mue andû aya nîmwîcî waro atî Ayahudi tî etîkîrie nî ndini yao matukane kana maceranîre na Andû a Ndûrîrî. Nwatî Ngai nîamonetie atî nie ndiagîrîrwe nî kuga mûndû wana ûrîkû atî arî na mûgiro kana atî tî mûtheru.

Aroma 14:14

Na nîûndû wa kwîthîrwa tûrî kîndû kîmwe na Mwathani Jesû, nîmenyete waro atî gûtirî irio ciîthagîrwa irî njûku cio mene. Nwatî mûndû ethîrwa nwa ecirie atî kûrî irio njûku, irio icio nî njûku tu kûrî mûndû ûcio.

2Akor 6:17

Kwoguo Mwathani augîte atîrî, “Umani kûrî o na mûtigane nao, mûtikanyite kîndû gîtarî kîtheru, na nie nîngaamwîtîkîra.

Aefeso 5:11

Tigagani kûgwatanîra na andû arîa mekaga maûndû marîa matarî vata na mekagîrwa ndumarî. Vandû va ûguo, tigagani maûndû mau mamenyekanage nî andû.

1Pet 2:11

Arata akwa ende, mûtûûraga gûkû nthî ta ageni na athiîi! Nîramûthaitha mûtigane na merirîria marîa macûku ma mwîrî, nîûndû vîndî cionthe methagîrwa makîrûa na roho.

1Pet 2:5

Ûkani kûrî Kristû ta mathiga marî mwoyo mûtûmîrwe gûtuma hekarû ya kîîroho na matuîke ta athînjîri-Ngai atheru a kûrutaga magongoona ma kîîroho kûrî Ngai. Nake agetîkagîra magongoona mau na njîra ya Jesû Kristû.

Kûguû 18:4

Ngîcoka ngîgua mûgambo wîngî kuuma îgûrû ûkiuga atîrî: “Umani kûrî ke, andû akwa! Nîguo mûtikevie take, na mûtikaaverithue take.