Isaia 51:7 - ÎVUKU RÎA ÛVORO MWARO

⁷ “Nthikîrîriani mue mwîcî maûndû ma ûthingu, mue andû arîa mûnyitîte watho wakwa na ngoro cienyu. Mûtigetigîre rîrîa mûgûcambua nî andû, kana mûmaka rîrîa makûmûruma.

Isaia 51:7 ပူးပေါင်းရင်းမြစ်များ

Thaburi 37:31

Nîmaigaga mawatho ma Ngai ngororî ciao; na matiîkaga maûndû mataringanîte na mawatho mau.

Thaburi 40:8

Nîngenaga ngîka wendi waku, we Ngai wakwa, watho waku ûrî ngororî yakwa.”

Isaia 25:8

Ngai-Mûnene nîakaathiria gîkuû tene na tene, nîakaagiria methori mothiûrî monthe na kûthirîria andû ake gîconoko nthî yonthe. Ngai-Mûnene nîke ugîte ûguo.

Isaia 33:22

Nîûndû Ngai-Mûnene nîke mûtucanîri ciira wetû, Ngai-Mûnene nîke ûtwathaga, Ngai-Mûnene nîke mûthamaki wetû, na nîke ûgaatûvonokia.

Isaia 37:6

Isaia nîwamerire atîrî, “Îrani mwathi wenyu Ngai-Mûnene arauga atî, ‘Ndûgetigîre nîûndû wa ûrîa wegua ndungata cia mûthamaki wa Asîria cianuma.

Isaia 51:1

Ngai-Mûnene arauga atîrî, “Tanthikîrîriani mue mwendaga gûkûûrwa, mue mûnjaragia nie Ngai-Mûnene. Îcirieni ûvoro wa îthiga varîa mwaumire, na ûvoro wa kware varîa mwenjirwe.

Isaia 54:4

Ndûgetigîre nîûndû ndûgaaconoka; ndûkegue nthoni nîûndû ndûgaaconorithua. Nîûkaariganîrwa nî gîconoko Kîam wîthî waku, na ndûkaaririkana rûmena rûrîa warî naruo rîrîa warî mwîthî, vîndî îrîa watûûraga wî wa ndigwa.

Jeremia 1:17

Nwatî we Jeremia, îîvarîrie na ûthiî ûkamere maûndû monthe marîa ngûkwatha. Ndûkamakue nî o nîguo ndigatûme ûmake ûrî mbere yao.

Ezek 2:6

“Nwatî we mûndû ndûkametigîre kana wîtigîre mîario yao. Wana wathiûrûrûkîrua cong'e na mîgua, kana wîkarîre tûng'aurû, ndûkamakue nî mîario yao kana wîtigîre irethiû ciao, nîûndû o aremi.

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Mathaayo 5:11

“Kûrathimwa nî mue vîndî îrîa andû mamûruma, mamûnyarira, na mamwigîrîra ing'enyo cia mîthemba na mîthemba nîûndû mûrî arûmîrîri akwa.

Luka 6:22

Kûrathimwa nîmue vîndî îrîa andû mamûmena, mamûrega, mamûruma, na mamûcambia nîûndû wa Mûrû wa Mûndû.

Ciîko 5:41

Atûmwa nîmaaumire kûu Kîammarî macanjamûkîte nîûndû Ngai nîwonete marî agîrîru a kûverithua na njîra îrî na nthoni nîûndû wa Jesû.

2Akor 3:3

Nîkûronekana waro atî Kristû ke mwene nîke wandîkire maarûa îno na akîmîtûma na njîra yetû. Maarûa îno ndîandîkîtwe na rangi, nwatî yandîkîtwe na Roho wa Ngai ûrîa ûtûûraga mwoyo, na ndîandîkîtwe ivengererî cia mathiga nwatî yandîkîtwe ngororî cia andû.

Gûco 6:6

Mûtikariganîrwe nî maathani mama ngûmûva ûmûnthî.

Afil 3:10

Ûndû ûrîa mendaga nî kûmenya Kristû wa vamwe na vinya wa kûriûka gwake, ngwatanagîre nake mathînarî make na mbîkare take ûvororî wîgiî gîkuû gîake,

Afil 3:8

Nîma monaga maûndû monthe marî ma mana nîûndû wa kûgîa na ûndû ûrîa ûrî na umithio mûnene. Ûndû ûcio nî ûvoro wa kûmenya Jesû Kristû Mwathani wakwa. Nîûndû wake nîndiganîrîtie indo cionthe na ngaitua ta macaki ma gûtewa nîguo ngîe na Kristû arî umithio na

Ahib 10:16

“Gîkî nîkîo kîrîkanîro kîrîa ngaarîkanîra nao mîthenyarî îrîa îgaûka. Ûguo nîguo Mwathani akuga. Nîngekîra mawatho makwa ngororî ciao, na nîmandîke meciriarî mao.”

1Pet 4:14

Kûrathimwa nî mue ethîrwa mûrumagwa nîûndû nîmûrûmagîrîra Kristû. Ûndû ûyû wonanagia atî Roho ûrîa ûrî riiri na nîke Roho wa Ngai, ekaraga namue.

1Pet 4:4

Andû arîa matetîkîtie Ngai nîmamakîte nîûndû mûtiranyitanîra nao mûtûûrîrerî ûcio wa waganu na wa wanangi. Kwoguo nîmaramûcambia.