Isaia 51:4 - ÎVUKU RÎA ÛVORO MWARO

⁴ “Andû akwa, tanthikîrîriani, ta ndegerani matû mue rûrîrî rwakwa; nîûndû nie nînie ngaamûretere watho na kîvooto, nacio nîigaatuîka ûtheri kûrî andû.

Isaia 51:4 ပူးပေါင်းရင်းမြစ်များ

Thaburi 106:5

nîguo monage andû aku makîgîa na ûtûûro mwaro, nîguo ngenanagîre na vûrûri waku, na ngaakenanîra na andû aku.

Thaburi 147:20

Ndaaneka ûndû ta ûcio vûrûrirî wîngî; na matiîcî mawatho make. Kumiani Ngai-Mûnene!

Thaburi 33:12

Kûrathimwa nî vûrûri ûrîa Ngai wa guo arî Ngai-Mûnene wao, kûrathimwa nî andû arîa athuurîte nîguo matuîke ake kîûmbe!

Thaburi 50:7

“Tathikîrîriani mue andû akwa, ûrîa nîrauga! Nîngûruta ûira îgûrû rîaku, we Isiraeli. Nie nînie Ngai, Ngai waku.

Thaburi 78:1

Andû akwa thikîrîriani ûrîa nîramûthomithia, na mûtege matû mwîgue ûrîa nîramwîra.

Ntha 19:6

andû nyamûrîrîtwe na mûndungatagîre mûrî athînjîri-Ngai.”

Ntha 33:13

Rîu, ethîrwa ûrî mûkenie nînie, nakûthaitha ûmenyethie ûrîa mîvango yaku îkariî nîguo ngûmenye na ngûkenie makîria. Ririkana atî ûthuurîte rûrîrî rûrû rûtuîke andû aku.”

Nthi 6:23

Nîûndû maathani mekariî ta taa, na kîrîra gîkariî ta ûtheri, gûkaanua na mîtugo mîaro nîcio itûmaga mûndû agîe na ûtûûro mwaro.

Isaia 1:27

Îtûûra rîa Zayuni rîgakûûrûa na kîvooto, na arîa marî kuo mavera makûûrwe na ûthingu.

Isaia 2:3

Andû eengî nîmakaathiî kuo na mauge atîrî, “Ûkani, tunûkie kîrîmarî Kîam Ngai-Mûnene, tûthiîni nyombarî ya Ngai wa Jakovu, nîguo atûthomithie mîthiîre yake, natue tûrûmagîrîre njîra ciake. Nîûndû watho ûkaauma Zayuni, na ndûmîrîri ya Ngai-Mûnene îkaauma Jerusalemu.”

Isaia 26:2

Vingûrani ivingo cia îtûûra, nîguo vûrûri ûrîa mûthingu, na ûrîa mwîvokeku ûtonye ndaarî.

Isaia 26:8

We Ngai-Mûnene nîtûgwetagîrîra, tûrûmîrîrîte matuîro maku ma ciira; na ngoro cietû nwawe ciîriragîria.

Isaia 33:22

Nîûndû Ngai-Mûnene nîke mûtucanîri ciira wetû, Ngai-Mûnene nîke ûtwathaga, Ngai-Mûnene nîke mûthamaki wetû, na nîke ûgaatûvonokia.

Isaia 42:21

Nîûndû wa wîvokeku wa Ngai-Mûnene, nîwendire gûtûgîria watho wake na kûûva riiri.

Isaia 42:6

Nînie Ngai-Mûnene ngwîtîte wîke maûndû na kîvooto, nîngûnyitîte njara na ngakûgitîra. Na njîra yaku nîndûthîte kîrîkanîro na andû onthe, we ûgaatuîka ûtheri wa mavûrûri.

Isaia 49:6

Ke augîte atîrî, “Tî ûndû mûvûthû gûtuîka ndungata yakwa, ûrûngamie rîngî mîvîrîga ya Jakovu, na kûrûnga andû a Isiraeli arîa maatigarire. Nwatî nîngûgûtua ûtheri kûrî andû a Ndûrîrî, nîguo andû onthe a gûkû nthî mavonoke.”

Isaia 55:3

“Tegani matû menyu, na mûke kûrî nie; nthikîrîriani na nî mûgûtûûra mwoyo! Nîngûrûtha namue kîrîkanîro gîa gûtûûra tene na tene, na nîngaamûva wendo wakwa ûtathiraga ûrîa nerîîre Daudi.

Isaia 63:8

Ngai-Mûnene arauga atîrî, “Nama aya nî andû akwa; matikaamveenia.” Kwoguo nîwamavonokirie

Mika 4:2

Na andû a mavûrûri mengî nîmakaauga atîrî, “Ûkani tunûkie kîrîmarî Kîam Ngai-Mûnene, tûthiî hekarûrî ya Ngai wa Isiraeli, nîguo agatûthomithie mîthiîre yake, natue tûrûmagîrîre njîra ciake. Nîûndû watho ûkauma Zayuni, na kiugo Kîam Ngai-Mûnene gîkauma Jerusalemu.”

Luka 2:32

Nî ûtheri wa kûguûrîria andû a ndûrîrî wendi waku, na riiri kûrî andû aku a Isiraeli.”

1Akor 9:21

Na njîra wata îo vîndî îrîa nîrarutithania wîra na andû a Ndûrîrî, ndûûraga ta mûndû wa Ndûrîrî ûrîa ûrî nja ya Watho wa Ayahudi. Mbîkaga ûguo nîguo ngucîrîrie andû a Ndûrîrî. Nwatî ûguo tî kuga atî ndiathîkagîra Watho wa Ngai; vandû va ûguo na ma nîrî rungu rwa watho wa Kristû.

Gûco 18:18

Nîngaamathuurîra mûrathi tawe kuuma gatagatîrî ka andû ao. Nîngekîra ciugo ciakwa kanyuarî gake, na ameerage maûndû monthe marîa ngaamwatha.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.