Isaia 51:19 - ÎVUKU RÎA ÛVORO MWARO

¹⁹ Nîûnyitîtwe nî maûndû maîrî; namo nî atî: vûrûri waku nîmûcûkangu na nî mwanangîku, yûra na ûragani. Nû ûgaakûvoreria?

Isaia 51:19 ပူးပေါင်းရင်းမြစ်များ

Ayubu 2:11

Na rîrîa arata athatû a Ayubu meguire ûrîa aacemanîtie na maûndû macûku, nîmaatuire mathiî makamûmîrîrie. Nao arata acio maarî: Elifazi kuuma Temana, Bilidadi kuuma Shua, na Zofari kuuma Naama.

Ayubu 42:11

Nao aa mûrwang'ina, na andû onthe arîa mbererî maarî arata ake, nîmaûkire kûmûcerera na makîrîcanîra nake gwake mûciî. Nîmaanyitanîre nake mathînarî make na makîmûmîrîria nîûndû wa mathîna monthe marîa aacemanîtie namo kuuma kûrî Ngai-Mûnene na wa mûndû akîmûva mbeca na gîcûvî Kîam thaavu.

Thaburi 69:20

Icambio nîimbûragîte ngoro, na nînthirîte vinya. Njarîtie wa kûmbîguîra ntha, nwatî nîmûturu; njarîtie mûndû ûngînyûmîrîria, nwatî ndimûmwonu.

Mûvunjia 4:1

Nînacokire ngîona maûndû monthe matarî ma kîvooto marîa mekagwa gûkû nthî. Andû arîa avinyîrîrie nwakwa maarîraga na gûtiarî mûndû wa kûmavoreria. Andû arîa maamavinyagîrîria maarî na vinya na gûtirî mûndû ûngîavorerie arîa maavinyagîrîrua.

Isaia 14:30

Marikithathi ma athîni nîmakaagîa na irio cia kûrîa, na mamamage marî na thayû. Nwatî mue Afilisiti, nîngaathiria rûciaro rwenyu na yûra, na ûrîa ûgaatigara arî mwoyo nîngaamûraga.

Isaia 22:4

Kwoguo rîu nîramwîra atîrî: Mûtigatindanîre nanie, tiganani nanie ndîre methori ma ruuo, mûtikethînie kûmvoreria nîûndû wa ûrîa andû akwa macûkangîtue.

Isaia 47:9

Maûndû mama moîrî magaaûka kûrî we wa rîmwe mûthenya ûmwe, gûkuîrwa nî ciana na gûtuîka mûndûmûka wa ndigwa, wana ethîrwa wî na ûrogi mwîngî, na wî na vinya mwîngî wa kûringa mbûgû.

Isaia 54:11

Ngai-Mûnene arauga atîrî, “We Jerusalemu îtûûra rîîrî rînyarirîtwe, we winainîtue nî rûkûngi rûnene, na ndûrî na wa gûkûvooreria, nîngaagûtuma rîngî na mathiga marî na marangi maro, na ndume mûcingi waku na mathiga ma goro.

Isaia 60:18

Gûtigaacoka kwîguîka thîna rîngî vûrûrirî waku, yûra kana kwanangîka gûtikegwîka rîngî mîvakarî yaku. Nîngaakûgitagîra na ngûmenyagîrîre ta rûthingo, nawe nîûkaangoocaga nîûndû nîngûvonoketie.

Isaia 61:2

Nîandûmîte manîrîre mwaka wa Ngai-Mûnene wa gûtugana, na mûthenya wa Ngai wetû wa kwîrîvîrîria nî mûkinyu, na nyûmîrîrie arîa onthe maracakaya.

Isaia 8:21

Andû nîmakaaûrûra vûrûrirî wao mathirîtwe nî vinya na makavûta. Nîûndû wa ûrîa makethîrwa mavûtîte, nîmakaarakara na marume mûthamaki wao na Ngai wao. Nîmakaaroria îgûrû

Isaia 9:20

Macunanaga indo nwatî matiîganagîra, marîcaga nyama cia mûndû ûrîa wîngî, wa mûndû atharîkagîra mûndû ûrîa wîngî.

Jeremia 15:5

“Nîûrîkû ûgakwîguîra ntha we Jerusalemu? Nîûrîkû ûgagûcakaîra? Nîûrîkû ûkarûngama aûrie ûvoro wa wagîrîru wenyu?

Jeremia 24:10

Nîngatûma magîe na mbaara, yûra na manyitwe nî mîrimû mîcûku nginya rîrîa magacûkangua onthe mathire viû vûrûrirî ûrîa namaveere vamwe na methe mao.”

Maca 1:12

“Taroriani mue muonthe mûravîtûka. Kûrî ûrî na kîeva ta gîakwa, kîeva kîrîa Ngai-Mûnene andeterete rîrîa aarakarîte mûno.

Maca 1:9

Gîko gîake nîkîonekaga nguorî ciake, nwatî ndaamakaga. Kwoguo kûgwa gwake kwarî kûnene, gûtirî mûndû wa kûmûmîrîria. Ûi Ngai-Mûnene taroria mathîna makwa, nîûndû nthû yakwa nîîvootanîte.

Maca 3:47

Tûnyitîtwe nî guoya na kîmako, twîthîrîrîtue nî mûthiro na gûcûkangua.

Ezek 14:15

“Nîngîtûma nyamû cia kîthaka ivîtûkîrîre vûrûri ûcio na ciûrage andû viû na ûtigwe ûtarî mûndû, na gûtuîke gûtirî mûndû ûngîvîtûkîrîra kuo nîûndû wa nyamû.

Ezek 14:21

Ngai-Mûnene arauga atîrî, “Nîngûverithia Jerusalemu na maûndû mana: Mbaara, yûra, nyamû mbaganu cia kîthakarî na mîrimû mîcûku nîguo andû mathire, na nyamû ithire.

Amosi 7:2

Rîrîa ngige ciarîîre mîmera yonthe vûrûrirî nînaugire atîrî, “Ûûi Ngai-Mûnene, Ngai nakûthaitha movere. Njiarwa cia Jakovu îgatûûra mwoyo atîa? Nî anini mûno!”

Nahumu 3:7

Andû onthe arîa magakûonaga makaûraga nîwe makiugaga atîrî, ‘Nineve nî njûkangie! Nîûrîkû ûkûmûcakaîra? Nû ûkûmwîguîra ntha?’

2Akor 7:13

Kîu nîkîo gîatûmire tûmîrîria. Wa vamwe na kûmîrîrua gwetû, nîtwakenire mûno twona ûrîa Tito aakenete nîûndû wa ûrîa muonthe mwatûmire oneke arî mwîganîru.