Isaia 51:18 - ÎVUKU RÎA ÛVORO MWARO

¹⁸ Gatagatîrî ga ciana cionthe irîa aciarîte, gûtirî wanarî ûmwe wa kûmûtongoria, gatagatîrî ga ciana cionthe irîa arerete, gûtirî wanarî ûmwe wa kûmûnyita njara.

Isaia 51:18 ပူးပေါင်းရင်းမြစ်များ

Ayubu 8:20

Taroria, Ngai ndakaarega mûndû ûtarî na ûcuke, na ndagaatethia arîa mekaga naaî.

Thaburi 142:4

Ndoragia mwena wakwa wa ûrîo mone, nwatî gûtirî mûndû ûtindanagîra nanie, ndirî na vandû va kûûrîra. Gûtirî mûndû ûrûmbûyanagia nanie.

Thaburi 88:18

Nîûtûmîte andû etû na arata akwa onthe mandiganîria, kûrîa kuonthe nthiîcaga kwîthagîrwa nduma ntheri.

Isaia 41:13

Nîûndû nie Ngai-Mûnene Ngai waku, nîngûnyitaga njara yaku ya ûrîo, na ngakwîra atî: ‘Tiga gwîtigîra, nîngûgûtethia.’ ”

Isaia 45:1

Ngai-Mûnene arera Cairasi atîrî, “We wî mûthamaki ûrîa nthuurîte! Nîngwîkîrîte vinya nîguo ûvoote mavûrûri marîa marî mbere yaku; na kûvûrûra athamaki mavinya mao; nie nîngûkûvingûrîra ivingo cia îtûûra, na gûtirî kîvingo gîkaavingwa.

Isaia 49:21

Nîûgacoka wîyûrie na ngoro atîrî, ‘Nû wanjiarîre ciana ino cionthe? Nakuîrîrwe nî ciana ciakwa ngîtigwa takwa nîrî nthaata, navirirwe îthamîriorî na ngîtewa kûndû kûraca. Nwatî nû warerire ciana ino? Natigirwe kûu nîrî nienga, ciana ino nacio ciaumire kû?’ ”

Isaia 54:11

Ngai-Mûnene arauga atîrî, “We Jerusalemu îtûûra rîîrî rînyarirîtwe, we winainîtue nî rûkûngi rûnene, na ndûrî na wa gûkûvooreria, nîngaagûtuma rîngî na mathiga marî na marangi maro, na ndume mûcingi waku na mathiga ma goro.

Jeremia 10:20

Îgema rîakwa nîrîomomore, mîkanda yarîo yonthe nîmîtuîkangu, ciana ciakwa nîindiganîrîtie, na gûtirî wanarî ûmwe mûtigaru wa kûnyambîra îgema rîngî, kana wa kûnjurîria itambaa.

Jeremia 31:32

Kîrîkanîro kîu gîtikethîrwa gîkariî ta kîrîa narûthire na methe mao vîndî îrîa naamarutire Misiri na njara yakwa nie mwene. Nîmaaregire kwathîkîra kîrîkanîro kîu, wana ethîrwa nie narî ta mûthuuri kûrî o.

Ezek 34:6

Ng'ondu ciakwa nîcianyaganirie, ciaûrûraga kûndû kuonthe irîmarî na tûrîmarî. Cianyaganîrie nthî yonthe na gûtirî mûndû werûmbûyanirie na ûvoro wacio kana aicarie.

Amosi 5:2

We nthingi Isiraeli nîûgwîte na ndûngîûkîra rîngî, ûtigîtwe ûrî wenga vûrûrirî waku, gûtirî wanarî mûndû wa gûkûrûngamia.

Mathaayo 15:14

Tigani gûtangîka nîûndû wao! O nî atongoria atumumu. Mûtumumu agatongoria mûtumumu ûrîa wîngî, wa oîrî nîmagûcaga îrimarî.”

Mathaayo 9:36

Na rîrîa Jesû oonire kîrîndî nîwakîguîrîre ntha, nîûndû kîonekaga gîtangîkîte na kîthînîkîte ta ng'ondu itarî na mûrîthi.

Maariko 8:23

Nake Jesû nîwanyitire mûndû ûcio njara na akîmûruta gîcagirî kîu. Na aarîkia kûmûtuîra mata metho, nîwamwigîrîre njara na akîmûria atîrî, “Kûrî na kîndû ûrona?”

Ciîko 13:11

Rîu Mwathani nîagûkûverithia. We nîûgûtuîka mûtumumu na gwa kavinda we ndûkaavotaga kwona ûtheri wa riûa.” Na vîndî wa îo Elimasi nîwatigire kwona na akîambîrîria kûrûra, akîgeragia gûcaria mûndû wa kûthiî amûtongoreretie amûnyitîte njara.

Ciîko 9:8

Nake Saûlo nîwarûngamire na akîvingûra metho, nwatî ndangîavotire kwona kîndû. Kwoguo andû arîa maarî nake nîmaathiîre mamûnyitîte njara nginya magîkinya Damesiki.

Ahib 8:9

Gîtikeethîrwa gîkariî ta kîrîkanîro kîrîa nathondekire na methe mao ma tene, mûthenya ûrîa namocire na njara, ngîmaruta vûrûri wa Misiri. Nîmaaregire gûtuîka evokeku kûrî kîrîkanîro kîrîa nathondekire nao, kwoguo nînamatiganîrie.”