Isaia 51:14 - ÎVUKU RÎA ÛVORO MWARO

¹⁴ Andû arîa movetwe nîmakaarekererua na îvenya; matigaakua na mathiî kwa arîa akuû, wana kana mature gîa kûrîa.

Isaia 51:14 ပူးပေါင်းရင်းမြစ်များ

Ezira 1:5

Nao atongoria a mbarî cia mîvîrîga ya Juda na Benjamini, athînjîri-Ngai na Alawi na andû onthe arîa Ngai aaveere wendi wa kûmûtumîra hekarû nîmeevarîrie kûthiî Jerusalemu kûmûtumîra hekarû rîngî.

Isaia 30:20

Wana ethîrwa Mwathani nîagaatûma mwone mathîna na mînyamaaro, ke nîke mwarimû wenyu na ndakethitha rîngî, nwatî nîmûkaamwona na metho menyu mue ene.

Isaia 33:6

Nîke ûgaatûma vûrûri wenyu wîkare wîkindîrîtie, nîagaatûma kûgîe na ûvonokania mwîngî, ûûgî na ûmenyo. Mûthithû wenyu ûrîa mûnene mûno nî gwîtigîra Ngai-Mûnene.

Isaia 48:20

Umani Babuloni, ûrani mume kûrî Akalidei! Anîrîrani ûndû ûyû mûkenete, ûmenyithanieni mîthiiarî yonthe ya nthî: ugani atîrî, “Ngai-Mûnene nîavonoketie ndungata yake Jakovu!”

Isaia 49:10

Matikavûûta kana manyonda. Riûa kana ûrugarî wa werûrî itikaamavîvia, nîûndû nîmagaatongorerua nî ûrîa ûmendete, na nîakaamavira kûrîa manjî matherûkaga.

Isaia 49:25

Nwatî Ngai-Mûnene arauga atîrî, “Wana indo irîa itavîtwe nî andû njamba nîigoocwa, na andû arîa movetwe nî njamba irîa irî vinya nîmakaavonokua, nîûndû nie nînie ngaarûa na andû arîa marûaga nawe, na nîngaavonokia ciana ciaku.

Isaia 52:2

Wîrivarive ume rûkûngûrî ûrûgame, îyovore mînyororo yume ngingorî yaku, we mwarî wa Zayuni, we ûtwîre wî mwove.

Jeremia 37:16

Rîrîa Jeremia athiririe mîthenya mîîngî kûu njeera,

Zakaria 9:11

Ngai-Mûnene augîte atîrî, “Nîûndû wa kîrîkanîro gîakwa namue, kîrîa gîakindîrue na nthakame ya magongoona, nîngaarekereria andû enyu arîa ove, nîmarute kûu marî îrimarî rîtarî manjî.