Isaia 51:13 - ÎVUKU RÎA ÛVORO MWARO

¹³ Nîkwa wî mûriganîre nî Ngai-Mûnene ûrîa wakûmbire, ûrîa watambûrûkirie îgûrû, na agîkîra mûcingi wa nthî? Ûtindaga vingo cionthe wîtigîrîte marakara ma arîa mavinyanagîrîria, vîndî îrîa makwîvarîria gûgûcûkangia nîkî? Marakara mao matingîkûvutia.

Isaia 51:13 ပူးပေါင်းရင်းမြစ်များ

Esita 5:14

Kwoguo, mûka Zereshi vamwe na arata ake onthe nîmaamwîrire atîrî, “Rûthithia mûtî wa gûcuria Moridekai wa mita mîrongo îîrî na ithano (25) ûraca na îgûrû. Kîraûko gwakîa, îra mûthamaki athane atî Moridekai acurue mûtîrî ûcio. Mwarîkia gwîka ûguo, we na mûthamaki mûthiî kîrugorî na mûkenerere.” Hamani nîwonire rîu rîrî rîciria rîaro, na kwoguo nîwarûthithirie mûtî ûcio.

Esita 7:10

Andû acio nîmaacuririe Hamani mûtîrî ûrîa aarûthithîtie ûrî wa gûcuria Moridekai. Namo marakara ma mûthamaki nîmaathirire.

Ayubu 37:18

Nwa ûvote gûtambarûkia matu ta ûrîa Ngai ekaga, na ûtûme maûme ta gîcicio?

Ayubu 9:8

Nîke wenga watambarûkirie matu, na agîkinyanga makûmbî ma manjî îriarî.

Thaburi 104:2

wîkunîkîrîte na ûtheri ta nguo, ûtambûrûkîtie îgûrû ta îgema,

Thaburi 106:13

Nwatî nîmaariganîrwe nî ciîko cia Ngai wa rîo, na makîrega gweterera ûtaari wake.

Thaburi 76:10

Andû arîa arakaru nîmagûkumagia makîria; arîa mataakuîra mbaararî nîmagaakûngûîra irugo ciaku.

Isaia 10:24

Kwoguo Mwathani, Ngai-Mûnene mwene vinya wonthe arauga atîrî, “Mue andû akwa arîa mûtûûraga Zayuni, mûtigetigîre andû a Asîria wana mamûriva na njokoma kana mûragi ta ûrîa mwekagwa nî andû a Misiri.

Isaia 14:4

nîmakaaina rwîmbo rwa kûnyûrûria mûthamaki wa Babuloni makiugaga atîrî, “Kaî mûthamaki ûrîa ûratûvinyagîrîria nî mûcûkangie-î! Ûng'endu wake rîu nî mûthiru!

Isaia 16:4

Tigani andû a Moabu arîa maûrîte matûûre vûrûrirî wenyu, magitîreni kuuma kûrî arîa marenda kûmacûkangia. Rîrîa ûrîa ûvinyanagîrîria akethîrwa atarî vo, na kûûragana kûthire na arîa matharîkagîra maume vûrûrirî,

Isaia 17:10

We Isiraeli, nîûriganîrîtwe nî Ngai ûrîa wakûvonokirie, ndûririkanaga Îthiga rîrîa rîkûgitagîra. Kwoguo, mûvandîte mîmera mîgûnda mwamûrîrîte Ngai, nîguo mûgoocagîre ngai ng'eni kuo.

Isaia 40:21

Anga mue mûtiîcî? Anga mûtirî mwegua? Anga mûtierwa kuuma Kîammbîrîria? Anga mûtianataûkîrwa kuuma rîrîa nthî yaûmbirwe?

Isaia 40:22

Nthî yaûmbirwe nî ûcio wîkaragîra gîtî gîake Kîam ûnene îgûrû maturî, na kûrî ke andû arîa matûûraga nthî nîta mvandi. Ke atambûrûkîtie matu ta gîtambaa, na agakûnjûra gîtambaa kîu ta îgema rîa gûtûûrwa.

Isaia 42:5

Ûguo nîguo Ngai-Mûnene arauga, ûrîa waûmbire îgûrû na akîrîtambûrûkia, nîke waûmbire nthî na indo cionthe irîa irî kuo, nîke ûvecaga andû arîa matûûraga kuo mîvevû, na akava mwoyo arîa matûûraga kuo.

Isaia 43:1

Ngai-Mûnene ûrîa wamûmbire mue andû a Jakovu, ûrîa watûmire mûgîe kuo mue andû a Isiraeli arauga atîrî, “Mûtigetigîre nîûndû nie nînie nîmûkûûrîte; nîmwîtîte na ngamûva rîîtwa, mue mûrî akwa.

Isaia 44:24

“Nînie Ngai-Mûnene ûrîa wagûkûûrire; nînie nakûmbire ûrî nda ya nyûkwe. Nînie Ngai-Mûnene mûmbi wa indo cionthe. Nînie natambûrûkirie îgûrû na ngîûmba nthî na vinya wakwa, gûtirî mûndû wandethirie.

Isaia 45:12

Nînie natûmire nthî îgîe kuo na ngîûmba andû nîguo matûûrage kuo. Nînie natambûrûkirie îgûrû, na ngîatha ciûmbe cionthe ciakuo igîe kuo.

Isaia 45:18

Ngai-Mûnene ûrîa waûmbire îgûrû nîke Ngai! Ûrîa waûmbire nthî na agîtûma îgîe nîke wamîvandire; ndaamîûmbire îthîrwe îtarî na thayû na îtarî kîndû, aamîûmbire nîguo îtûûragwe. Nîke ûrauga atîrî, “Nie nînie Ngai-Mûnene, na gûtirî ngai îngî.

Isaia 48:13

Nînie navandire mûcingi wa nthî na njara ciakwa, na ngîtambûrûkia îgûrû. Rîrîa neta îgûrû na nthî, nîimbîtîkaga irî vamwe.

Isaia 49:26

Nîngaatûma arîa mamûvinyagîrîria marîe nyama ciao o ene, na marîwe nî nthakame yao o ene ta ndivei. Andû onthe nîmakaamenya atî Nie Ngai-Mûnene, nînie Mûvonokia waku, nînie Mûkûri waku, Ûrîa ûrî Vinya wa Jakovu.”

Isaia 54:14

Nîûkeevanda ûvororî wa ûthingu. Ndûkaavinyîrîrua rîngî na ndûkegua guoya; na ndûkaamaka nîûndû kîmako gîtikaagûkuvîvîria.

Isaia 57:11

Ngai-Mûnene araûria atîrî, “Mwegucaga guoya na mûgetigîra ûrîkû, atî nîguo mûveenanie, na mûtiandirikana, wana kana mwîciria ûvoro wakwa wanarî vanini? Mwatigire kûnîîtigîra nîûndû nîngirîte kavinda karaca?

Isaia 7:4

Mwîre amenyerere, akirîrîrie, ndagetigîre na ndagakue ngoro nîûndû wa marakara meengî ma Rezini, mûthamaki wa Sîria na ma Peka, mûvîcî wa Remalia. Andû acio aîrî mekariî ta ndogo ya ngû ikîvora mwaki.

Isaia 9:4

Nîûndû nîunangîte îcoki rîrîa rîamaritûvîrîte, na ûkaunanga mûtî wa kwigîrîra ciande ciao. Nîunangîte rûthanju rûrîa rwavinyagîrîria andû aku, wata ûrîa wavootire athigari a mbaara a Midiani.

Jeremia 2:32

Mwîrîtu nwa ariganîrwe nî mathaga make, kana mûviki ariganîrwe nî nguo yake ya ûviki? Nwatî andû akwa nîmariganîrîtwe nînie, îvinda rîa mîthenya îtangîtarîka.

Jeremia 38:19

Nake mûthamaki Zedekia nîwerire Jeremia atîrî, “Nînîretigîra Ayahudi arîa maaumire gûkû makîthiî gîtûûra gwa Akalidei, nîûndû navota kûnenganîrwa kûrî o, nao mamverithie.”

Jeremia 41:18

nîûndû nîmetigagîra Akalidei kuuma vîndî îrîa Ishumaeli mûvîcî wa Nethania aaûragire Gedalia mûvîcî wa Ahikamu ûrîa wathuurîtwe atuîke mûnene wa vûrûri ûcio.

Jeremia 51:15

Ngai-Mûnene nîke watûmire nthî îgîe kuo na ûûgî wake; nîke watûmire nthî îkindîrie na vinya wake, na agîtambûrûkia matu na ûmenyo wake.

Jeremia 51:19

Ngai wa Jakovu ndavana ta cio; nîûndû nîke waûmbire indo cionthe, na akîthuura mûvîrîga wa Isiraeli ûtuîke andû ake kîûmbe. Ngai-Mûnene mwene vinya wonthe nîrîo rîîtwa rîake.

Danieli 3:15

Rîu-î, rîrîa mûkegua rîngî mîgambo ya coro, mîtûrirû, ngita, wandîndî, na inanda cia mîthemba yonthe, mûkenamîrîria mothiû menyu mûgooce mûvuanano ûcio naarûthithirie wa thaavu. Ethîrwa mûtikaaûgooca, nîmûgaaikua wa rîmwe mwakirî mûnene mûno. Nî ngai îrîkû îngîmûvonokia kuuma kûrî nie?”

Danieli 3:18

Nwatî wana arega gûtûvonokia, Mwathi wetû tue tûtikenamîrîra tûgooce ngai ciaku, kana mûvuanano ûcio wa thaavu warûthithirie.”

Danieli 3:19

Nebukadinezarû nîwatûmbirwe nî marakara na agîtunîvia metho nîûndû wa Shadiraka, Mîsheki na Abendinego. Nîwathanire mwaki wongererwe na wakane maita mûgwanja makîria ya ûrîa wakanaga.

Ciîko 12:23

Na nîûndû Herode ndaakumia Ngai, mûraika wa Mwathani nîwatûmire arware wa rîmwe. Herode nîwarîrwe nî igunyû na agîkua.

1Akor 1:20

Kwoguo tûngiuga atîa îgûrû rîgiî andû arîa aûgî? Tûngiuga atîa îgûrû rîgiî arimû a watho? Na tûngiuga atîa îgûrû rîa andû arîa marî wara mwîngî wa kwarîrîria maûndû? Ngai nîwonanîtie atî ûûgî wa gûkû nthî wîthagîrwa ûrî ûrimû.

1Akor 15:55

“We Gîkuû, ûvootani waku ûrî kû? We Gîkuû, rûvora rwaku rûrî kû?”

Gûco 32:18

Nîmaariganîrwe nî Îthiga rîrîa rîamaveere mwoyo, nîmaariganîrwe nî Ngai ûrîa wamaciarire.

Gûco 6:12

mûkeemenyerera nîguo mûtikariganîrwe nî Ngai-Mûnene, Ngai wenyu, ûrîa wamûrutire vûrûri wa Misiri kûrîa mwarî ûkomborî.

Gûco 8:11

“Îîmenyerereni mûtikariganîrwe nî Ngai-Mûnene, Ngai wenyu. Mûtikarege kwathîkîra maathani, matuîro ma ciira na mawatho make marîa ngûmûva ûmûnthî.

Ahib 11:15

Meekaraga matagwîciria ûvoro wîgiî vûrûri ûrîa maaumire. Kethîrwa nîmeekaga guo, nîmangîagîre na kamweke ga gûcoka kuo.

Kûguû 19:20

Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.

Kûguû 20:9

Nao nîmaathiîre nthî yonthe na makîrigicîria îtûûra rînene rîrîa Ngai eendeete, kûrîa andû ake matûûraga. Nwatî mwaki nîwanyûrûrûkire kuuma îgûrû ûkîmacûkangia.