Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaia 51:11 - ÎVUKU RÎA ÛVORO MWARO

11 Andû arîa aku wakûûrire we Ngai-Mûnene nîmagaacoka, magaakinya Zayuni makinaga, magecûrwa nî gîkeno gîa tene na tene. Nîmakaagîa na gîkeno na macanjamûke, kîeva na kîmako nîikaathira viû.

အခန်းကိုကြည့်ပါ။ ကော်ပီ




Isaia 51:11
29 ပူးပေါင်းရင်းမြစ်များ  

Tûnyua twetû nîtwecûrirwe nî matheka, na tûrîmî twetû tûgîcûrwa nî gîkeno. Nao andû a mavûrûri marîa mengî nîmaaugire atîrî, “Ngai-Mûnene nîekîrîte andû acio maûndû manene.”


Arîa mavandaga na methori, magaaketha makenete!


Ngai-Mûnene nîaakanyarithia Îria Îtune, na arete rûkûngi rûviû nîguo rûnyarithie rûnjî rwa Farati, na arûgaanie rûtuîke tûrûnjî mûgwanja, nîguo andû maringage na magûrû.


Ngai-Mûnene nîakaathiria gîkuû tene na tene, nîakaagiria methori mothiûrî monthe na kûthirîria andû ake gîconoko nthî yonthe. Ngai-Mûnene nîke ugîte ûguo.


Arîa maakûûrirwe nî Ngai-Mûnene nîmagaacoka, magaaûka Zayuni magîkûngûagîra, makethîrwa marî na gîkeno gîa tene na tene. Nîmakethîrwa marî na gîkeno na marî acanjamûku, kîeva na kîrîro nîikaathira viû.


Kenani mue arîa onthe mûtûûraga îgûrû, nîûndû Ngai-Mûnene nîekîte ûguo! Anîrîrani mue nthî kûrîa kûriku! Inani mûkenete mue irîma, mîtitû na mîtî yonthe îrîa îrî kuo! Nîûndû Ngai-Mûnene nîakûûrîte Jakovu, na nîatûûra akumagua vûrûrirî wa Isiraeli.


Umani Babuloni, ûrani mume kûrî Akalidei! Anîrîrani ûndû ûyû mûkenete, ûmenyithanieni mîthiiarî yonthe ya nthî: ugani atîrî, “Ngai-Mûnene nîavonoketie ndungata yake Jakovu!”


Mue îgûrû inani mûkenete! Wanamue nthî kenani! Mue irîma ambîrîriani kwina! Nîûndû Ngai-Mûnene nîaûmîrîrîtie andû ake, na nîakeguîra ntha andû ake arîa marathînîka.


“Mûkaauma Babuloni mûkenete; na mûthiîcage mûtongoretue nî thayû. Irîma na tûrîma nîikaaina irî mbere yenyu, nayo mîtî yonthe ya kîthaka nîkaamûvûrîra mvî.


Nîûndû wa ûrîa mwaconorithirue mûkaarîvwa maita maîrî, nîûndû wa kûrega gûtîîwa nîmûgaakenera îgai rîenyu, kwoguo nîmûgaatûûra vûrûrirî wenyu, na ûtonga wenyu wongerereke maita maîrî, na mûtûûre mûkenete tene na tene.


Ndungata ciakwa ikaainaga irî na gîkeno ngororî, nwatî mue mûkaarîraga mûrî na ruuo ngororî, mûkiugagîrîria nîûndû wa ruuo rwa ngoro.


“Nanie nîngaakenaga nîûndû wa Jerusalemu, na ngenagîre andû akwa. Kûu Jerusalemu gûtigaacoka kwîguwa mûgambo wa kîrîro wana kana wa kîeva.


Erîtu nîmakeinia makenete, na anake na athuuri nîmagaakena. Nîngaagarûra macakaya mao matuîke gîkeno, nîngamaûmîrîria na ndûme magîe na gîkeno îthenya rîa kîeva.


andû makiugîrîria macanjamûkîte nî gûkena, andû makiugîrîria marî kîrugorî Kîam ûviki. Nîmûkegua andû makina makenete makîrete maketha ma gûcokia ngatho hekarûrî ya Ngai-Mûnene makiugaga, ‘Kumiani Ngai-Mûnene mwene vinya wonthe, nîûndû nî mwaro, nîûndû wendo wake ûtathiraga nîwa tene na tene.’ Nîngatûma vûrûri ûyû ûgîe na maûndû maro wata ûrîa wekariî mbere. Ûguo nîguo nie Ngai-Mûnene nîrauga.”


Mwathani wetû Jesû Kristû ke mwene, na Ngai Vava ûrîa watwendire na njîra ya wega wake, nîwatûvere ûmîrîru wa tene na tene na kîîrîgîrîro Kîamro.


Na rîu, kûrî na ûrîa ûrî na ûvoti wa kûmûmenyerera mûtikagwe na kûmûrete mbere ya riiri wake mûtarî na ûcuke na mûrî na gîkeno,


Nînacokire ngîona îgûrû rîcerû na nthî njerû. Îgûrû rîa mbere na nthî ya mbere nîciathengutire na îria rîkîthira.


Ke nîakaamagiria methori monthe kuuma methorî mao. Gûtikethîrwa gîkuû, kîeva, kîrîro, kana ûrûrû rîngî. Maûndû marîa ma tene makethîrwa marî mathiru.”


Kîndû kîonthe kîrume nî Ngai gîtikeethîrwa îtûûrarî rîu. Gîtî Kîam Ngai Kîam ûthamaki na Kîam Gatûrûme nîgîkethîrwa îtûûrarî rîu, na ndungata ciake nîikaamûgooca.


nîûndû Gatûrûme, karîa karî vau gatagatî ka gîtî Kîam ûthamaki nîgagaatuîka mûrîthi wao. Nake nîakaamatongoria amavire ithimarî cia manjî marîa mavecanaga mwoyo. Nake Ngai nîakagiria methori monthe kuuma methorî mao.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ