Isaia 50:7 - ÎVUKU RÎA ÛVORO MWARO

⁷ Nîûndû Mwathani Ngai-Mûnene nîke ûndethagia; kwoguo ndirî mûmaku. Ndûmîte ûthiû wakwa ûme ta îthiga, na nîmbîcî atî ndigaaconorithua;

Isaia 50:7 ပူးပေါင်းရင်းမြစ်များ

Thaburi 110:1

Ngai-Mûnene nîwerire Mwathani wakwa atîrî, “Îkara nthî mwena wakwa wa ûrîo nginya rîrîa ngaatûma ûkinyangîre nthû ciaku na magûrû maku.”

Thaburi 54:6

Nîngaakûrutîra îgongoona na ngoro yakwa yonthe, nîngaagûcokeria ngatho nîûndû nîguo kwagîrîrîte.

Isaia 29:22

Kwoguo Ngai-Mûnene ûrîa wakûûrire Iburahimu arauga ûvoro wîgiî nyomba ya Jakovu atîrî, “Jakovu ndagaaconorithua rîngî, na ûthiû wake ndûgaatuka rîngî.

Isaia 42:1

Ngai-Mûnene arauga atîrî, “Îno nîyo ndungata yakwa, îrîa mbîkagîra vinya, nîyo nîîthuurîrîte, na nîyo îngenagia, nînîmwîkîrîte Roho wakwa, nîyo îkaarete kîvooto mavûrûrirî.

Isaia 45:17

Nwatî vûrûri wa Isiraeli nîûkaavonokua nî Ngai-Mûnene, na ûvonokio wao ûgaatûûra tene na tene. Andû a kuo matigaaconorithua tene na tene.

Isaia 49:23

Athamaki magaatuîka amenyereri aku, nao aka ao matuîke akûreri. Nîmagaaturumithia mothiû mao nthî mbere yaku na magûtîîe; na nîmagaakwonia gîtîîo menyivîtie. Nawe nîûgaacoka ûmenye atî Nie, nînie Ngai-Mûnene; na atî arîa mambetagîrîra matigaaconorithua.”

Isaia 49:8

Ngai-Mûnene arauga atîrî, “Vîndî îrîa mbagîrîru, nînagûcokerie îvoya rîaku, mûthenya wa kûvonokania nînagûtethirie; nîngwigîte na ngarûtha kîrîkanîro na andû a mavûrûri monthe na njîra yaku. Nîngaatûma ûtûûre rîngî vûrûrirî ûrîa watiganîrue ûtarî kîndû, ûtuîke îgai rîenyu.

Isaia 50:9

Taroria Mwathani Ngai-Mûnene nîke ûndethagia. Nû ûngîvota kûnduîra atî nîrî na mavîtia ciirarî? Onthe makaathira ta nguo; nîmakaarîwa nî igunyû.

Isaia 54:4

Ndûgetigîre nîûndû ndûgaaconoka; ndûkegue nthoni nîûndû ndûgaaconorithua. Nîûkaariganîrwa nî gîconoko Kîam wîthî waku, na ndûkaaririkana rûmena rûrîa warî naruo rîrîa warî mwîthî, vîndî îrîa watûûraga wî wa ndigwa.

Jeremia 1:18

Taroria, ûmûnthî nîngûgûtua îtûûra ririgîre, gîtugî gîa cuuma na rûthingo rwa gîcango, nîguo wîtîkîre atongoria onthe a vûrûri, athamaki a Juda, anene onthe, athînjîri-Ngai onthe, na andû onthe a vûrûri ûcio matigakûvoota.

Mika 1:2

Mue andû onthe thikîrîriani; we nthî na indo irîa irî kuo ta thikîrîria. Ngai-Mûnene nîararia maûndû macûku mamwîgiî, araria arî hekarûrî yake ntheru.

Luka 9:51

Rîrîa kavinda gaakuvîvîrie ka Jesû ambatue îgûrû, Jesû nîweciririe athiî Jerusalemu.

Johana 16:33

Namwîra maûndû mama nîguo mûgîe na thayû mûrî na ngwatanîro nanie. Nîmûkûthînîka mûrî gûkû nthî, nwatî ûmîrîriani! Nie nîrîmûvootu nthî!”

Aroma 1:16

Nie ndiconokaga nî Ûvoro Mwaro nîûndû nîguo vinya wa Ngai wa kûvonokia arîa onthe metîkîtie mbere Ayahudi na vuva andû a Ndûrîrî.

Ahib 13:6

Kwoguo tûrî na ûmîrîru nwa tuge atîrî, “Mwathani nîke ûndethagia, nie ndigeetigîra. Nî atîa mûndû wana ûrîkû angîmbîka?”

1Pet 4:1

Nîûndû Kristû nîwathînîkire kîîmwîrî, wa namue nwanginya mûgîcage na meciria ta marîa Kristû aarî namo, nîûndû mûndû ûrîa ûthînîkîte kîîmwîrî nîatiganîte na mevia.

1Pet 4:16

Nwatî ethîrwa mûrathînua nîûndû nîmûrûmagîrîra Kristû, mûtikegucage mûgîconoka nîûndû wa ûguo. Cokagiani ngatho kûrî Ngai nîûndû mûrî akristiano.