Isaia 50:4 - ÎVUKU RÎA ÛVORO MWARO

⁴ Mwathani Ngai-Mûnene nîanthomithîtie ûrîa nguga, nîguo mvote kûmîrîria arîa mathirîte vinya. Wa kîraûko nîamvecaga wendi wa kûthikîrîria ûrîa arenda kûnthomithia.

Isaia 50:4 ပူးပေါင်းရင်းမြစ်များ

Ayubu 4:4

Ciugo ciaku nîitirîrîte arîa magagîte, ûgatûma arîa matarî na vinya marûngame.

Thaburi 119:147

Mbûkagîra kîraûko tene mbere ya kûthamburûkana ngagûkaîra ûndethie; mbigîte kîîrîgîrîro gîakwa kûrî ciugo ciaku.

Thaburi 143:8

Ndirikanagia ûvoro wa wendo waku ûtathiraga wa kîraûko, nîûndû we nîwe nîîvokete. Monia njîra îrîa mbagîrîrwe nî kûthiîra, nîûndû we nîwe mvoyaga.

Thaburi 40:7

kwoguo nînaugire atîrî, “Nie nîrî ava; maûndû marîa mbagîrîrwe nî gwîka marî îvukuurî rîa Watho.

Thaburi 45:2

We wî mûthaka gûkîra arûme onthe, ciugo ciaku ciîcûrîte wega wa Ngai. Kwoguo Ngai nîakûrathimîte tene na tene.

Thaburi 5:3

We Ngai-Mûnene, kîraûko nîwîgucaga mûgambo wakwa, ngûvoyaga kîraûko tene riûa rîkîratha, na ngeterera wendi waku.

Thaburi 88:13

Nwatî we Ngai-Mûnene, nîwe ngaagîra; nîngûvoyaga wa kîraûko.

Nthi 12:25

Gûtangîka ngororî nîgûtûmaga mûndû athirwe nî gîkeno, nwatî kiugo Kîamro nîgîtûmaga mûndû akene.

Nthi 15:23

Kuga ûndû ûrîa mwagîrîru nî gûtûmaga mûndû agîe na gîkeno, na kuga ûndû vîndî îrîa mbagîrîru nî ûndû mwaro.

Nthi 25:11

Ûndû warîtue vîndî îrîa mbagîrîru, wîkariî ta îtunda rîa thaavu rîrî mbakûrirî ya sîlûva.

Isaia 28:19

Rîrîa rîonthe mûthiro ûcio ûkûvîtûka nîûkaamûcûkangia; nîûndû ûkaavîtûkaga iraûko cionthe, mûthenya na ûtukû; nî gûkaagîa na guoya mûnene rîrîa ndûmîrîri îno îkeguîka.

Isaia 28:9

Manthekagîrîra makîûragia atîrî, “Mûrathi ûcio arenda kûthomithia û? Areciria nîagûtûtarîria ndûmîrîri yake? Tue tûrî ciana cia ngenge irîa iratigithirue kwonga?

Isaia 35:5

Itumumu nîikaavota kwona, na itaigua nîikaavota kwîgua.

Isaia 40:29

Nîavecanaga vinya kûrî arîa athiru vinya, nake ûrîa ûtarî na ûvoti nîamwongagîrîra vinya.

Isaia 50:10

Nû gatagatîrî kenyu wîtigîrîte Ngai-Mûnene na wathîkagîra mûgambo wa ndungata yake, wana ethîrwa athiîcagîrîra ndumarî atarî na ûtheri, nîevokete Ngai-Mûnene na nîevokaga Ngai wake.

Isaia 54:13

“Nie Ngai-Mûnene nînie ngathomithia ciana ciaku, na nîikaagîa na thayû mwîngî.

Isaia 8:16

Nîngûmenyerera maathani mama na nîmathomithie kûrî arutwa akwa.

Jeremia 1:9

Ngai-Mûnene nîwacokire agîtambûrûkia njara na akîvutia mîromo yakwa na akîmbîra atîrî, “Taroria, nînekîra ciugo ciakwa kanyuarî gaku.

Jeremia 31:25

Nîngaacanjamûra arîa anogu, na nyûmîrîrie arîa matarî na vinya.

Ezek 46:13

Ngai-Mûnene augîte atîrî, “Wa mûthenya wa mûthenya kîraûko mûkaamûrutagîra îtega rîa kûvîvua rîa gatûrûme ga ûkûrû wa mwaka ûmwe gatarî na wonje.

Mathaayo 11:28

“Ûkani kûrî nie, mue muonthe anogu na mûtitikîte mîrigo mîrito, na nîngûmûvurûkia.

Mathaayo 13:54

na agîcoka îtûûrarî rîa kwao. Nake nîwathomithanirie arî îvoerorî. Nao andû arîa maamwîgwire nîmaamakire mûno na makîûria atîrî, “Mûndû ûyû arutîte ûûgî ta ûyû kû, wana vinya wa kûringa ciama?

Mathaayo 22:46

Gûtirî mûndû wavotire gûcokeria Jesû wa naarî ûndû. Na Kuuma vîndî îo gûtirî mûndû wavotire kûmûria ciûria ciîngî.

Luka 21:15

Nîûndû nie nîngaamûva mîario na ûûgî ûrîa gûtarî nthû yenyu wana îmwe îngîvota kûregana naguo kana gûûkararia.

Luka 4:22

Andû onthe nîmaakenirue mûno nîke na makîmaka, nîûndû wa mîario mîaro îrîa aaragia. Nao nîmaambîrîrie kûrania atîrî, “Na kinthî ûyû tî mûvîcî wa Josefu?”

Johana 7:46

Nao arangîri nîmaamacokirie atîrî, “Gûtirî mûndû wanaaria maûndû marîa mûndû ûyû araria!”

Gûco 18:17

Nake Ngai-Mûnene Ngai wenyu nîwambîrire atî, ‘Ûguo wonthe mauga nî ûvoro wa ma.

Gûco 18:18

Nîngaamathuurîra mûrathi tawe kuuma gatagatîrî ka andû ao. Nîngekîra ciugo ciakwa kanyuarî gake, na ameerage maûndû monthe marîa ngaamwatha.