Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaia 5:29 - ÎVUKU RÎA ÛVORO MWARO

29 Athigari ao mararamaga ta mînyambû, mararamaga ta mînyambû mîthî, înyitîte kîndû na îgakîvira kûndû kûraca, na gûtirî mûndû ûngîmîcuna.

အခန်းကိုကြည့်ပါ။ ကော်ပီ




Isaia 5:29
20 ပူးပေါင်းရင်းမြစ်များ  

Juda nî ta mûnyambû mwîthî, ûûragaga gîa kûrîa na ûgacoka kîmamorî Kîamguo, wîtambûrûkagia na ûkamama, gûtirî mûndû ûgeragia gûûkîria.


“Îcirieni ûvoro ûyû, mue mûtatindanagîra nanie, mwarega nîmûcûkangie, na gûtirî mûndû ûkaamûvonokia.


Natûmire Asîria akaverithie vûrûri ûtaicî Ngai, namwathire akaverithie andû arîa mandakarîtie; akamacune indo na amatave, na amakinyange ta ndaka njîrarî.


Ngai-Mûnene aambîrire atîrî, “Wata ûrîa mûnyambû kana kaana ka mûnyambû ûraramaga ûnyitîte nyamû, wana gîkundi Kîam arîthi kîngîtwa kîthiî gîkaûtharîkîre, ndûngîmakua nî înegene rîao, kana wîgua guoya nî mîgambo yao.” Ûguo nîguo Ngai-Mûnene mwene vinya wonthe akaanyûrûrûka kûrûa arî kîrîmarî gîa Zayuni na nîrî karîmarî ga kîo.


Gûtirî mînyambû îkethîrwa njîrarî îo, kana nyamû wa yonthe mbaganu îvîtûkîrîra varavararî îo. Nyamû icio itikooneka varavararî îo, nwatî andû arîa akûre nîo makaavîtûkîrîra kuo.


Nwatî aya nî andû aîe indo na magatavwa, onthe nîanyitîre marimarî nî mûtego na makathithwa njeera. Mekariî ta nyamû iguîmîtwe matarî na mûndû wa kûmavonokia, Nî atave na gûtirî wa kuga atî: “Nîmacokue kwao!”


Ûguo nîguo andû arîa mûrutithanagia wîra nao magaatuîka kûrî we, andû acio mûtwîre mûceraga nao kuuma rîrîa warî mûnini. Nîmakaathiî wa mûndû njîra yake, na vatigaatigwa mûndû wanarî ûmwe wa gûkûvonokia.”


Nthû ciake ciîthîrîtwe ikîmûraramîra ta mûnyambû, matuîte vûrûri wake werû, matûûra nî maganjo matitûragwa.


Ta ûrîa mûnyambû umagîra kîthakarî, mûcûkangia wa vûrûri nîweyumîria; nîwauma kûrîa ekaraga, athiî gûcûkangia vûrûri wenyu, matûûra menyu nîmomorwa viû, matigwe marî maganjo.


Taroria, wata ûrîa mûnyambû umagîra mûtitûrî wa rûnjî rwa Njorodani, na ûgatonya ndîthiarî mbaro ya ng'ondu, nwataguo ngengata andû a Edomu wa rîmwe kuuma vûrûrirî wao. Nîngaiga mûtongoria wa ûrîa ngathuura kuo. Nîûndû, nû ûngîringithanua nanie? Nû ûngînjirithia? Nî mûrîthi ûrîkû ûngîregana nanie?


Ngai-Mûnene arauga atîrî, “Andû a Isiraeli mekariî ta ng'ondu ivinyûrîtue na ikanyaganua nî mûnyambû. Maambire kûtharîkîrwa nî mûthamaki wa Asîria, magîcoka makîtharîkîrwa nî Nebukadinezarû mûthamaki wa Babuloni.


Andû a Babuloni makararamaga ta mînyambû; makagambaga ta twana twa mûnyambû.


Nîmakaanjaria nie Ngai-Mûnene, ûrîa ûrurumaga ta mûnyambû, rîrîa ngaruruma ciana ciakwa ikauma îthûîro igîtetemaga.


Rîrîa mûnyambû wararama, nî ûrîkû ûtangîtigîra? Rîrîa Ngai-Mûnene aaria, nû ûngîrega kwanîrîra ndûmîrîri yake?


“Andû a Isiraeli arîa magatigara marî mwoyo, marî mavûrûrirî marîa mengî, makeethagîrwa mekariî ta mûnyambû ûrî gatagatî ka nyamû cia kîthaka, kana ta kaana ka mûnyambû karî ndîthiîra ya ng'ondu. Kathiîcaga na gakaûraga na gûtamburûranga kîrîa kaûragîte, na gûtirî mûndû wa kûivonokia.


Rîrî kû îtûûra rîrîa rîkariî ta mûciî wa mînyambû, ngurunga ya twana twa mînyambû? Kûrîa mûnyambû waigaga kîrîa ûgwatîtie, kûrîa twana twaguo twaigagwa vandû varî ûgitîri.


Anene akuo mekariî ta mînyambû îkîrarama; atucanîri ciira a kuo mekariî ta ciathi mvûtu, irîa itangîtiga kûthûa îvîndî nginya kîraûko.


Tathikîrîriani kîrîro Kîam arîthi, nîûndû riiri wao nîmûthiru! Tathikîrîriani mûraramo wa mînyambû, nîûndû mîtitû îrîa îrî rûtere rwa rûnjî rwa Jorodani nîmîanangîku!


Vûrûri ûcio ûmamîrîrîte ta mûnyambû, rîrîa ûmamiî gûtirî mûndû ûngîûramûkia. Mûndû wa wonthe ûrathimaga Isiraeli akaarathimagwa, mûndû wa wonthe ûrumaga Isiraeli akaarumagwa.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ