Isaia 5:24 - ÎVUKU RÎA ÛVORO MWARO

²⁴ Kwoguo wata ûrîa mwaki ûvîvagia rûûa na nyaki, nwaguo mîri yao îkoora na maûa mao makaaûma na magûrûkue îgûrû ta rûkûngû; nîûndû nîmaregete watho wa Ngai-Mûnene mwene vinya wonthe, nîmanyararîte maûndû marîa Ûrîa Mûtheru wa Isiraeli athomithanîtie.

Isaia 5:24 ပူးပေါင်းရင်းမြစ်များ

2Atha 19:22

Nî ûrîkû ûraruma na ûkathekerera? Nîûrîkû ûraugîrîria, ûkarega kûva gîtîîo Ûrîa Mûtheru wa Isiraeli.

Nehemia 9:26

“Kûnarî ûguo andû aku nîmaaregire kwathîka, na nîmaareganire nawe. Nîmaareganire na Watho waku na makîûraga arathi arîa maameraga makûgarûrûkîre, na mavinda meengî nîmaakûrumire.

Ayubu 18:16

Mîri yake na kûu nthî nîraûma, nakuo îgûrû mvûa ciake nîiraûma.

Ayubu 8:17

Mîri yake îîrigicanagîria mathigarî, îkenyitîrîra na vinya mathigarî.

Thaburi 50:17

Nîûregaga ngûtaare; ndwendaga kûrûmîrîra mawatho makwa.

Ntha 15:7

Nîûndû wa ûnene waku we nîûng'aûranagia nthû ciaku; marakara maku makanaga makamavîvia ta rûûa.

Ntha 5:12

Kwoguo andû a Isiraeli nîmaathiûrûrûkire Misiri kuonthe magîcaragia rûûa.

Isaia 1:31

Andû arîa marî vinya magekara ta ndagara, na wîra wake wîkare ta nthande cia mwaki, na onthe nîmakavîvua na gûtirî mûndû ûkaamavonokia.

Isaia 1:4

Mue andû a vûrûri mwîvia, kaî mûrî na thîna-î, andû mecûrîtwe nî maûndû macûku, rûciaro rwa andû mekaga maûndû macûku! Andû matûûraga maveenanagia! Mue nî mûtiganîrîtie Ngai-Mûnene, nî mûnyararîte Ûrîa Mûtheru wa Isiraeli, na mûkamûvuvatîra.

Isaia 24:6

Kwoguo nthî nîîkûthirua nî kîrumi, andû nao marathînîka nîûndû wa mavîtia mao. Andû arîa matûûraga nthî nîmarathira, na nî andû anini tu magaatigara marî mwoyo.

Isaia 26:11

Ûûi Ngai-Mûnene, nîûkîrîrîtie njara yaku ûkîenda kûverithia nthû ciaku, nwatî itirona. Cionie ûrîa wendete andû aku na nîigaaconoka; tiga mwaki wa mang'ûrîka maku ûivîvie.

Isaia 30:12

Kwoguo, Ûrîa Mûtheru wa Isiraeli arauga atîrî, “Nîûndû nîmûnyararîte ûrîa mbugîte, na mûkevoka maûndû ma kûvinyanîrîria na maveeni;

Isaia 30:9

Nîûndû andû aya nîaremi, ciana itaragia ûma, na itegucaga mataaro ma Ngai-Mûnene.

Isaia 47:14

“Taroria andû acio magekara ta rûûa, na nîmakaavîvua na mwaki! Matikaavota kwîvonokia, kuuma rûrîrîmbîrî rwa mwaki. Mwaki ûcio ndûkavaana ta makara ma gwota, wana kana mwaki wa gwotwa.

Isaia 7:9

Îtûûra rîrîa rînene rîa Isiraeli nî Samaria, na mûnene wa Samaria nî mûvîcî wa Remalia.” “Ethîrwa tî mwîtîkia, nama mûtigekindîria.”

Isaia 8:6

“Andû aya nîmarega manjî ma karûnjî ga Shiloa marîa metîkaga kavora na megua guoya nîûndû wa mûthamaki Rezini na mûthamaki Peka, mûvîcî wa Remalia.

Isaia 9:18

Waganu wa andû wakanaga ta mwaki ûvîvagia nthaugû na mîgua. Wakanaga ta mwaki ûkîvîvia mûtitû ûkîrutaga ndogo ndito îkiunûkagia na îgûrû.

Isaia 9:19

Marakara ma Ngai-Mûnene mwene vinya wonthe, nîmatûmîte vûrûri ûvîvue na mwaki, nao andû nîta ngû cia gûwakania; gûtirî mûndû ûracaîra mûndû ûrîa wîngî.

Jeremia 6:19

We nthî thikîrîria! Nîngûretera andû aya mûthiro, ûrî maciaro ma mîvango yao mîcûku. Nîûndû nîmaregete kûnthikîrîria, na makarega watho wakwa.

Jeremia 8:9

Andû arîa aûgî nîmagaconorithua, nîmakavîngwa na magwatwe. Nîmaregete ciugo cia Ngai-Mûnene; nî ûûgî ûrîkû marî naguo?

Ezek 15:6

Kwoguo, Ngai-Mûnene arauga atîrî, “Wata ûrîa mûtî wa mûthavibu wocagwa kîthakarî na ûgaikua riiko nîguo mwaki wakane, nwaguo ngooca andû arîa matûûraga Jerusalemu,

Hosea 11:9

Nîngwîrigîrîria ndigeke ûndû na marakara; ndigaacûkangia Efiraimu rîngî, nîûndû nî Ngai na ndiîkariî ta mûndû. Nie ûrîa mûtheru gatagatîrî kenyu, ndigaûka gûkûverithia nîrî na marakara.

Hosea 5:12

Kwoguo nie Ngai mbîkariî ta kîgunyû kûrî andû a Efiraimu, ta kîronda gîcûku kûrî andû a Juda.

Hosea 9:16

Andû a Efiraimu nî aringe, mekariî ta mîtî îrî na mîri mîûmû, o matigaciara maciaro. Wana maaciara ciana, nîngaûraga ciana ciao irîa mendete.”

Joeli 2:5

Mararûgarûga marî îgûrû rîa kîrîma, mararûgarûga ta ikaari cia mbarathi; mararuruma ta mwaki wa macaki mama maûmû rîerarî. Mevangîte ta gîkundi kînene Kîam athigari kîîvarîrîtie kûrûa.

Amosi 2:4

Ngai mûnene arauga atîrî, “Andû a Juda matûûraga mevagia, kwoguo ndigaatiga kûmaverithia. Nîmareganîte na watho wa Ngai-Mûnene, na marega kwathîkîra mawatho make. Nîmavîtithîtue nî ngai irîa methe mao maagoocaga.

Amosi 2:9

“Kûnarî ûguo, mue andû akwa, nînathiririe Aamori viû nîûndû wenyu, arîa maaracavîte ta mîtarakwe, na maarî na vinya ta mîtî ya mîvuru, na nînacûkangirie mvûa vamwe na mîri.

Nahumu 1:10

Mue mîrîu mûkaavîvua ûthire; mûkaavîvua ta kîthaka Kîam mîgua, kana ta macaki maûmû.

Malaki 4:1

Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.

Mathaayo 3:12

Ke nîmûvarîriu gîtaararû gîa kûgûrûkia ngano, nîguo aige ngano makûmbîrî, namo macaki amavîvie na mwaki ûrîa ûtavorekaga.”

Luka 10:16

Jesû nîwacokire akîîra arutwa ake atîrî, “Mûndû wa wonthe ûrîa ûmûthikagîrîria, nînie athikagîrîria; na mûndû wa wonthe ûrîa ûmûregaga, nînie aregaga, na mûndû wa wonthe ûrîa ûndegaga, aregaga ûrîa wandûmire.”

Luka 3:17

Nake rîu nîanyitîte gîtaararû nîguo agûrûkie ngano, na aithuuranîre aciige îkûmbîrî, acoke oce macaki amavîvie na mwaki ûrîa ûtavoraga.”

Luka 7:30

Nwatî Afarisai na arimû a Watho nîmaaregire gwîtîkia atî njîra cia Ngai nî nûngarû vîndî îrîa o maaregire kûvatithua nî Johana.

Johana 12:48

Mûndû wa wonthe ûndegaga na ûtetîkagîra ndûmîrîri yakwa arî na mûndû ûkaamûtuîra ciira. Ciugo irîa naria nîcio igaacirithia mûndû ûcio mûthenya wa mûthiia!

Ciîko 13:41

‘Tathikîrîriani anyûrûrania aya! Makani na Mûkue! Nîûndû ûndû ûrîa nie ngwîka ûmûnthî ûyû mue tî mwîtîkia, wana mwataarîrua guo, nî mûndû!’ ”

Gûco 28:24

Ngai-Mûnene nîagaatûma rûkûngû na mûthanga ciure ta mbura kuuma îgîrû, nginya rîrîa mûkaathira.

1Ath 4:8

Kwoguo mûndû ûrîa ûregaga kwathîkîra kîrîra gîkî tî mûndû aregaga kwathîkîra, nwatî aregaga kwathîkîra Ngai ûrîa ûmûvecaga Roho wake Mûtheru.

1Sam 15:23

Kûregana na Ngai-Mûnene kwîganene na wîvia wa ûragûri, naruo rûng'athio nî wîvia wîganene na wîvia wa kûvoya mûvuanano. Nîûndû nîwaregire gwîka ûrîa Ngai-Mûnene aakwîrire wîke, wanake nîaregete ûtuîka mûthamaki.”

1Sam 15:26

Nake Samueli nîwerire Saûlo atîrî, “Nie ndigûcokania nawe, nîûndû nîûregete ûrîa Ngai-Mûnene akwathîte, nake nîakûregete ûrî ta mûthamaki wa Isiraeli.”