Isaia 5:19 - ÎVUKU RÎA ÛVORO MWARO

¹⁹ Maugaga atîrî, “Tiga Ngai-Mûnene eke maûndû na îvenya, nîameke narua, nîguo tûmone. Tiga mîvango ya Ûrîa Mûtheru wa Isiraeli îvinge, nîguo tûmîmenye.”

Isaia 5:19 ပူးပေါင်းရင်းမြစ်များ

Isaia 30:11

Umani njîrarî na mûtige gûtûvîngîca, tûtikwenda kwîgua rîngî Ûrîa Mûtheru wa Isiraeli akîgwetwa.’ ”

Isaia 66:5

Tathikîrîriani ûrîa Ngai-Mûnene akuuga, mue arîa mwîgucaga mûgambo wake mûkainaina: “Andû enyu arîa mamûthûrîte na mamûnyararîte marauga atîrî nîûndû wakwa, ‘Ngai-Mûnene nîonanie ûnene wake, nîguo tûone mûgîkena.’ Nwatî o ene nîo magaaconoka!

Jeremia 17:15

Taroria, andû marambîra atîrî, “Mûgambo wa Ngai-Mûnene ûrî va? Tiga ûûke rîu!”

Jeremia 23:18

“Nîûndû, nî ûrîkû gatagatîrî kao wanarûngama mbere ya Ngai-Mûnene, nîguo amenye na ataûkîrwe nî maûndû marîa augîte. Na nî ûrîkû wanarûmbûyania na kiugo gîake na agîkîanîrîra?

Jeremia 23:36

Nwatî, ‘Ndûmîrîri ndito ya Ngai-Mûnene mûtikamîgwete rîngî,’ ciugo irîa mûndû aragia nîcio mûrigo wake ke mwene. Nîûndû andû nîmagarûranagia ciugo cia Ngai ûrîa ûtûûraga mwoyo, Ngai-Mûnene mwene vinya wonthe, Ngai wao.

Jeremia 36:23

Jehudi athoma icunjî ithatû kana inya, mûthamaki nîwatembûrangaga icunjî icio na kaviû, na agîcikia mwakirî. Nîwatembûrangire îvuku rîonthe rîa gîkûnjo na akîrîvîvia rîkîthira.

Ezek 12:22

“Mûndû, nî nthimo îrîkû îo andû a Isiraeli maragia ûvoro wayo atî, ‘Mîthenya yûkaga na îkavîtûka nwatî cioneki itivingaga?’

Ezek 12:27

“Mûndû, taroria andû a Isiraeli maugaga atî cioneki ciaku ciîgiî îvinda rîa tene, na ûrathaga maûndû marî kûraca mûno!

Hosea 10:3

Vîndî îo andû acio nîmakaauga atîrî: “Tûtirî na mûthamaki, nîûndû tûtiîtigagîra Ngai-Mûnene; nake mûthamaki agatwîkîra atîa?”

Malaki 2:17

Nîmûnogetie Ngai-Mûnene na ndeto itarî na mûkinyo. Nwatî mûragia atîrî, “Tûmûnogetie atîa?” Mûmûnogetie na njîra ya kuga atî, “Ngai-Mûnene nîakenagua nî arîa mekaga maûndû macûku, na nîamendete.” Kana mûkaûria atîrî, “Ngai ûrîa wîkaga maûndû na njîra ya kîvooto arî kû?”