Isaia 5:18 - ÎVUKU RÎA ÛVORO MWARO

¹⁸ Kaî marî na thîna-î! Arîa mekaraga makururîtie mevia, arîa maguucagia mevia na mîkanda ta mûkokoteni.

Isaia 5:18 ပူးပေါင်းရင်းမြစ်များ

Thaburi 10:11

Andû arîa aganu meîraga na ngoro atîrî, “Ngai nî mûriganîre! Nîathithîte ûthiû wake na ndonaga wanarî kîndû!”

Thaburi 14:1

Irimû ciîîraga na ngoro atîrî, “Gûtirî Ngai!” Onthe marî mîtugo mîcûku, na nîmekîte maûndû macûku mûno, gûtirî wanarî ûmwe wîkaga ûndû mwagîrîru.

Thaburi 36:2

Nîûndû nîeciragia ûvoro wa ûrîa arî mwaro mûno, Ngai ndangîmenya mevia make na amûverithie.

Nthi 4:17

Waganu nîta irio kûrî o, nayo mbaara nîta ûcûrû kûrî o.

Isaia 28:15

Nîûndû mugîte atîrî, “Tue tûrî arûthu kîrîkanîro na gîkuû, na tûrîetîkanîriu na kwa arîa akuû! Rîrîa mûthiro ûkaavîtûkîrîra gûkû ndûgaatûvutia, nîûndû tûtuîte maveeni kûndû gwa kûrîra, na tûkethitha maûndûrî ma maveeni.”

Jeremia 23:10

Nîûndû vûrûri wîcûrîtwe nî itharia nîûndû wa irumi, vûrûri nî ûracakaya, na nyaki ya kûrîthia werûrî nî nyûmû. Mîthiîre yao nî îno mîcûku, matûmagîra vinya wao na njîra îtagîrîrîte.

Jeremia 23:14

Nwatî gatagatîrî ka arathi a Jerusalemu, nîmonete magîka ûndû mûcûku mûno; mekaga ciîko cia ûtharia na makaveenania. Mekagîra andû arîa marî ciîko njûku vinya nîguo matikagarûrûke matiga waganu, onthe kûrî nie matuîkîte ta Sodomu, na atûûri a kuo matuîkîte ta Ngomora.

Jeremia 23:24

Kûrî mûndû ûngîîthitha kûndû ndangîvota kûmwona? Nîkwa mûtaicî atî nie Ngai-Mûnene ndûraga kûndû kuonthe, îgûrû wana gûkû nthî?

Jeremia 36:23

Jehudi athoma icunjî ithatû kana inya, mûthamaki nîwatembûrangaga icunjî icio na kaviû, na agîcikia mwakirî. Nîwatembûrangire îvuku rîonthe rîa gîkûnjo na akîrîvîvia rîkîthira.

Jeremia 5:31

arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Ezek 13:22

“Maveeni menyu nîmathirîtie andû arîa athingu vinya, na ndiendaga kûmathiria vinya. Nîmwîkîrîte andû arîa aganu vinya nîguo matigatige gwîka maûndû ma waganu mavonokie mîoyo yao.

Zefania 1:12

Vîndî îo nîngoca taa na nthiî Jerusalemu ngîcaragia; Nîngaverithia andû arîa meganaga na makeîraga na ngoro atî, ‘Ngai-Mûnene ndarî ûndû ekaga: mwaro kana mûcûku.’

Johana 16:2

Mue nîmûkaarutûrûrwa mavoerorî. Nako kavinda nîgagaakinya karîa mûndû wa wonthe ûrîa ûkûmûraga ageeciria atî agîka ûguo nî Ngai aratungatîra.

Ciîko 26:9

“Nie mwene nîneciragia atî nîmbagîrîrwe nî gwîka maûndû monthe marîa nîngîvota ma kûregana na ûvoro wîgiî Jesû wa Nazarethi.

Atir 17:13

Mika nîwacokire akîîra na ngoro atîrî, “Rîu nîmbicî atî Ngai-Mûnene nîakûmbîka maûndû maro, nîûndû nîrî na Mûlawi arî mûthînjîri-Ngai wakwa.”

Atir 17:5

Mika aarî na vandû vake varîa aagoocagîra. Nîwathondekire mîvuanano na efodi na akîthuura mûvîcî ûmwe agîtuîka mûthînjîri-Ngai wake.