Isaia 5:10 - ÎVUKU RÎA ÛVORO MWARO

¹⁰ Mûgûnda wa mîthavibu wa eka îkûmi ûkaaumaga lita inyanya cia ndivei. Mûndû ûrîa ûkaavanda kilo îgana rîmwe cia mbegû agaaketha kilo îkûmi tu cia ngano.”

Isaia 5:10 ပူးပေါင်းရင်းမြစ်များ

Ntha 37:22

Tûmîrûri, mvûa, na vandû va kwigîrîrwa taa cianyitanîte vamwe irûthîtwe na thaavu ntheri ya gûturwa.

Isaia 32:13

nîûndû wa vûrûri wa andû akwa nîûramera mîgua na nthaugû, mûrîrîre nyomba cionthe irîa ciecûrîtwe nî gîkeno, na ciarî îtûûrarî rîrî na gîkeno.

Isaia 7:23

“Vîndî îo, mîgûnda yonthe ya mîthavibu, îrîa wa mûgûnda warî na mîthavibu ngiri îmwe ya mwîgana wa sîlûva ngiri îmwe (1,000) kûringana na kîthimi Kîam hekarû, gûgaakûra nthaugû na mîgua.

Jeremia 48:33

Vûrûri mûnoru wa Moabu nîmûcune gîkeno na ûcanjamûku, nîndûmîte ndivei ndîkaume ivivîrorî cia thavibu, gûtirî mûndû ûvivaga ndivei arî na gîkeno, înegene rîu mûregua tî rîa gîkeno.

Joeli 1:17

Mbeû nîiracûkîra mûtheturî, kûrîa kwigagwa indo gûtirî kîndû, makûmbî rîu nî macûkangie, nîûndû gûtirî na irio cia kwiga kuo.

Alawi 26:26

Nîngaatûma mûgîe na yûra rînene, na aka îkûmi makaarugagîra rikorî rîmwe. Nîmakagaanaga wa mûndû kîthimo gîake, na wana maarîa matikavaa.

Alawi 27:16

“Mûndû angîamûrîra Ngai-Mûnene gacunjî ka mûgûnda wake, îrîvi rîa gacunjî kau ka mûgûnda rîgaatuwa kûringana na maketha marîa maumaga kuo. Wa kilo mîrongo îîrî cia cairi ikaarîvagwa tûcunjî îkûmi twa sîlûva.

Hagai 1:6

Mue mûvandîte mbeû nyîngî, nwatî mûkethete tûnini; mûrîcaga, nwatî mûtivaaga; mûnyunyaga ndivei, nwatî mûtiîganagia; nîmwîkagîra nguo, nwatî nwa mûregua mvevo; mûrutaga wîra nwatî mûcara nîtakwa wîkîrîtwe mûvukorî mûtûrîku.”

Hagai 2:16

maûndû menyu mekariî atîa? Mwathiîre gwoca kîrûndo Kîam ngano mwîrîgîrîrîte kwona ithimo mîrongo îîrî, nwatî mwonire ithimo îkûmi tu. Mwathiîre îtangirî rîa ndivei mwîvokete gwîcûria mîtûngi mîrongo îtano, nwatî mwecûririe mîtûngi mîrongo îîrî tu.

Gûco 28:38

“Nîmûkaavanda mbeû nyîngî, nwatî mûgaaketha maketha manini, nîûndû maketha menyu nîmakaarîwa nî ngige.

Gûco 28:39

Nîmûkaavanda mîthavibu mîgûndarî yenyu na mûmîmenyerere, nwatî mûtikaanyua ndivei kana mûkethe thavibu icio, nîûndû thavibu nîikaarîwa nî igunyû.