Isaia 48:4 - ÎVUKU RÎA ÛVORO MWARO

⁴ Nîûndû nînamenyaga atî we wî mûremi mûno, na kîongo gîaku kîûmîte ta cuuma, naguo ûthiû waku ûgekara ta gîcango.

Isaia 48:4 ပူးပေါင်းရင်းမြစ်များ

2Atha 17:14

Nwatî nîmaaregire kwathîka; nîmaaûmirie ngoro ciao wata methe mao arîa maaregire gwîtîkia Ngai-Mûnene Ngai wao.

2Maû 30:8

Mûtigatuîke aremi ta ûrîa methe menyu mekariî. Nwatî athîkîrani Ngai-Mûnene na mûke hekarûrî vandû varîa amûrîte vatûûre varî vatheru tene na tene. Tungatagîrani Ngai-Mûnene, Ngai wenyu nîguo ndakarakare nîmue rîngî.

2Maû 36:13

Zedekia nîwareganire na mûthamaki Nebukadinezarû ûrîa watûmîte evîte na rîîtwa rîa Ngai atî ndakaaregana nake. Nîwaûmirie kîongo na akîrega gûcokerera Ngai-Mûnene, Ngai wa Isiraeli.

Nehemia 9:28

Rîrîa maagîre na thayû nîmeevirie rîngî, nawe nîwamatiganîrie nîguo maathwe nî nthû ciao. Nwatî rîrîa maaverire na magîkûrîrîra nîwamegwire ûrî îgûrû. Na mavinda meengî nîwamavonokirie nîûndû wa ûrîa ntha ciaku ciîngîvîte.

Thaburi 75:5

Mûtikeyone takwa mûrî andû a vata mûno, kana mwaragie na mwîtîîo.”

Thaburi 78:8

Matigekara ûrîa methe mao meekariî; andû aûmû ngoro na mataarî athîki, rûciaro rûtaarî na wîtîkio mûkinyanîru, na rûtaarî rwîvokeku mbere ya Ngai.

Ntha 32:9

Nîmbîcî ûrîa andû aya maûmîtie ciongo.

Ntha 33:3

Nîmûthiî vûrûri ûrî na îriia na ûkî. Nwatî nie tîtûthiîcania namue, nîûndû mûrî andû aremi na navota kûmûthiria mûrî njîrarî.”

Ntha 33:5

nîûndû Ngai-Mûnene nîwathîte Musa ameere atîrî, “Mue mûrî andû aremi. Nîngîthiîcania namue wanarî vanini nîngîmûthiria viû. Kwoguo rutani mathaga menyu, nîguo menye ûrîa ngwîka namue.”

Ntha 9:7

Nake mûthamaki wa Misiri nîwatûmire andû magatuîrie. Nao matuîria nîmaamenyire atî gûtirî nyamû wana îmwe ya andû a Isiraeli yakuîte. Mûthamaki wa Misiri nîwaûmirie ngoro na akîrega gwîtîkîria andû a Isiraeli mathiî.

Nthi 29:1

Mûndû ûrîa ûkaanagua ûndû maita meengî akîûmagia kîongo, agaacûkangua wa rîmwe ûndû atangîvona.

Isaia 30:9

Nîûndû andû aya nîaremi, ciana itaragia ûma, na itegucaga mataaro ma Ngai-Mûnene.

Isaia 46:12

“Tathikîrîriani mue andû aya aûmû ngoro, mue mûrî kûraca na ûvonokio.

Jeremia 19:15

“Ngai-Mûnene mwene vinya wonthe, Ngai wa Isiraeli arauga atî, ‘Nîngûretera îtûûrarî rîîrî, na matûûrarî monthe maûndû monthe macûku marîa naugire nîngeka kuo, nîûndû nîmaûmîtie ciongo na makarega kwîgua ciugo ciakwa.’ ”

Jeremia 3:3

Kwoguo mbura nene nîmvingîrîrie, wana îrîa nini nîndigu kuura; kûnarî ûguo we wîigaga ta îraa; na ndwîgucaga nthoni.

Jeremia 5:3

We Ngai-Mûnene na kinthî we ndûcaragia kîvooto? We nîûmarivîte nwatî matiîgucaga ûrûrû, we nîûmavîvîtie na mwaki makathira, nwatî nîaregu kûrûngwa. Maûmîtie ngoro gûkîra îthiga; nîmaregete kûvera mevia mao.

Jeremia 7:26

Nwatî mûtianthikîrîria kana mûmbîgua, nwatî nîmwaûmirie ciongo, na mûgîtuîka aregi gûkîra methe menyu.

Ezek 2:4

Andû acio nî aremi na nî aûmû ngoro. Kwoguo nîngûgûtûma ûthiî ûkamere ûrîa nie Ngai-Mûnene ngûmera.

Danieli 5:20

Nwatî rîrîa aambîrîrie kûgîa na rwetho, na akîûmia ngoro akîgia na mwîtîîo mwîngî, nîwacunirwe ûthamaki, na riiri wake ûkîthira.

Ciîko 7:51

Nake Stefano nîwathiîre na mbere na kwaria akiuga atîrî: “Na kaî mue andû aya mûrî aûmû ngoro-î! Atî mue mûtirenda gwîtîkia Ngai wana kana kûthikîrîria ndûmîrîri yake! Atî vîndî cionthe mue nîkwa mûregaga kûthikîrîria Roho Mûtheru. Mue mûreka wata ûrîa methe menyu ma tene meekire.

Aroma 2:5

Nwatî we ûrî na ngoro nyûmû na nîûregete kwîrira. Kwoguo nîûreîngîvîria îvera rîaku rîrîa rîgaakinya mûthenya ûrîa marakara ma Ngai na îtua rîake rîa ma rîkaguûranîrua.

Gûco 10:16

Kwoguo kuuma rîu theriani ngoro cienyu mwîyamûrîre Ngai-Mûnene na mûtigatuîke aremi rîngî.

Gûco 31:27

Nîmbicî ûrîa mûmîtie ciongo na mûrî aremi. Ûtûrorî wakwa wonthe namue, mwîthîrîtwe mûkîregana na Ngai-Mûnene na nîmbicî wana nakua, nwa mûkûthiî na mbere na kûmia ciongo makîria.

Ahib 3:13

Vandû va ûguo, ûmanagîrîriani mûndû na ûrîa wîngî mûthenya wa mûthenya rîrîa rîonthe kiugo “Ûmûnthî” gîkaagwetagwa gîkîaria ûvoro ûmwîgiî nîguo gûtikagîe mûndû wana ûmwe gatagatîrî kenyu ûkaaûmia ngoro nîûndû wa mevia.