Isaia 48:16 - ÎVUKU RÎA ÛVORO MWARO

¹⁶ “Nguvîvîriani mwîgue ûrîa nguga, kuuma tene ndianarîria nthithorî, kuuma rîrîa maûndû mau maambîrîîrie gwîkîka Nie naarî wa kuo.” Na rîu Ngai-Mûnene mwene vinya wonthe, nîandûmîte na akamva vinya wa Roho wake.

Isaia 48:16 ပူးပေါင်းရင်းမြစ်များ

Isaia 34:1

Mue andû a mavûrûri monthe ma nthî ûkani vakuvî mwîgue, mue andû a ndûrîrî cionthe ta thikîrîriani! Nthî ta nîîthikîrîrie, wana indo cionthe irîa ciîcûrîte kuo; nthî, wana indo cionthe irîa ciumaga kuo ta nîithikîrîrie.

Isaia 41:1

Ngai arauga atîrî, “Takirani mûnthikîrîrie mue mûtûûraga rûtere rwa îria! Mue andû a ndûrîrî gîani na vinya mûcerû; îyumîrieni na mwarie maûndû menyu, tigani tûgomane nîguo tûtue ciira tûrî vamwe.

Isaia 43:13

Nie nînie Ngai na nîndûûra nîrî Ngai. Gûtirî mûndû wanarî ûmwe ûngîîvonokia kuuma njararî ciakwa; gûtirî mûndû ûngîndigîrîria ngîruta wîra wakwa.”

Isaia 45:19

Nie ndiaragia nîîthithîte kana nîrî vûrûrirî wa nduma. Nie ndiera njiarwa cia Jakovu inîîvoke mana. Nie nînie Ngai-Mûnene na mbaragia ûma; Nyumbûraga maûndû ma ma.”

Isaia 57:3

Nwatî mue ciana cia ago, na njiarwa cia mûndûmûka mûtharia na mûmaraa ûkani ava vakuvî.

Luka 4:18

“Roho wa Ngai ûrî vamwe nanie, nîûndû nîamvakîte maguta, nîguo ngavunjîrie andû arîa athîni Ûvoro Mwaro. Nîandûmîte nthiî nganîrîre atî andû arîa moveetwe nî makûrekererua, atumumu nîmagûcoka kwona, na njoke manîrîre atî andû arîa mavinyîrîrîtue nîmagûtethûrwa,

Johana 18:20

Nake Jesû nîwamûcokerie atîrî, “Nie ndûûraga mbaragîria andû onthe cararûkû nîguo megue. Ndûûraga nthomithanagîria mavoerorî na hekarûrî kûrîa andû onthe macemanagia. Nie ndianaria ûndû wana ûmwe nthithorî.

Johana 3:34

Ûrîa ûtûmîtwe nî Ngai aragia ciugo cia Ngai nîûndû Ngai nîavecaga mûndû Roho atakûthimîrîra.