Isaia 48:12 - ÎVUKU RÎA ÛVORO MWARO

¹² Ngai-Mûnene arauga atîrî, “Tanthikîrîria we Jakovu, tanthikîrîria we Isiraeli ngîgwîta! Nie nînie Ngai-Mûnene, nînie wa mbere na nînie wa mûthiia!

Isaia 48:12 ပူးပေါင်းရင်းမြစ်များ

Nthi 7:24

Rîu mue ciana ciakwa, nthikîrîriani, thikîrîriani ûrîa ngûmwîra.

Nthi 8:32

“Na rîu ciana ciakwa, nthikîrîriani, mûngîka ûrîa nîramwîra, nîmûgaakena.

Isaia 34:1

Mue andû a mavûrûri monthe ma nthî ûkani vakuvî mwîgue, mue andû a ndûrîrî cionthe ta thikîrîriani! Nthî ta nîîthikîrîrie, wana indo cionthe irîa ciîcûrîte kuo; nthî, wana indo cionthe irîa ciumaga kuo ta nîithikîrîrie.

Isaia 40:26

Taroriani îgûrû mwone! Nû waûmbire indo icio cionthe? Nî ûrîa ûitongoragia ta athigari ake a mbaara, nîaicî cionthe ûrîa ciîgana, aciîtaga cionthe na marîîtwa ma cio. Gûtirî wanarî kîndû kîmwe kîthagîrwa gîtarî vo, nîûndû Ngai-Mûnene arî vinya nyîngî.

Isaia 41:4

Nû watûmire maûndû mau monthe mekîke? Nû wavangire ûrîa maûndû marûmanagîrîra kuuma Kîammbîrîria? Nie Ngai-Mûnene, naarî kuo kuuma Kîammbîrîria, na nînie ngethîrwa kuo nginya kîrîkîro.

Isaia 43:10

Ngai-Mûnene arauga atîrî, “Mue Aisiraeli mûrî aira akwa; namûthuurire mûtuîke ndungata ciakwa, nîguo mûûmenye na mûmbîtîkie, gûtirî ngai îngî tiga Nie. Na mûmenye atî nie nînie Ngai, gûtirî ngai îngî yarî kuo mbere yakwa na gûtikaagîa.

Isaia 43:11

“Nie nienga tu, nînie Ngai-Mûnene, na gûtirî mûvonokia wîngî tiga nie.

Isaia 44:1

“Tathikîrîria rîu we Jakovu, ndungata yakwa, Isiraeli ûrîa nthurîte, tanthikîrîria.

Isaia 44:6

Ngai-Mûnene mwene vinya wonthe Mûthamaki na Mûkûri wa Isiraeli arauga atîrî, “Nie nînie wa mbere na nînie wa mûthiia; gûtirî ngai îngî tiga nie.

Isaia 46:3

“Tathikîrîriani mue nyomba ya Jakovu, mue muonthe arîa mûtigarîte a nyomba ya Isiraeli. Naamûmbire na ndwîre nîmûmenyererete kuuma rîrîa mwaciarirwe.

Isaia 46:4

Nie nînie Ngai wenyu na nîndûûra nîmûmenyagîrîra nginya ûkûrûrî wenyu wana rîrîa mûkaauma mbuî. Nie nînie namûmbire na nîndûûra nîmûmenyagîrîra; nîngaamûkuua na nîmûvonokie.

Isaia 49:1

Tanthikîrîriani mue mavûrûri ma kûraca, tegani matû mue andû arîa mûtûûraga kûndû kûraca! Ngai-Mûnene aambîtire mbere ya njiarwe, aanthuurire nduîke ndungata yake nîrî îvurî rîa nyanya.

Isaia 51:1

Ngai-Mûnene arauga atîrî, “Tanthikîrîriani mue mwendaga gûkûûrwa, mue mûnjaragia nie Ngai-Mûnene. Îcirieni ûvoro wa îthiga varîa mwaumire, na ûvoro wa kware varîa mwenjirwe.

Isaia 51:4

“Andû akwa, tanthikîrîriani, ta ndegerani matû mue rûrîrî rwakwa; nîûndû nie nînie ngaamûretere watho na kîvooto, nacio nîigaatuîka ûtheri kûrî andû.

Isaia 51:7

“Nthikîrîriani mue mwîcî maûndû ma ûthingu, mue andû arîa mûnyitîte watho wakwa na ngoro cienyu. Mûtigetigîre rîrîa mûgûcambua nî andû, kana mûmaka rîrîa makûmûruma.

Isaia 55:3

“Tegani matû menyu, na mûke kûrî nie; nthikîrîriani na nî mûgûtûûra mwoyo! Nîngûrûtha namue kîrîkanîro gîa gûtûûra tene na tene, na nîngaamûva wendo wakwa ûtathiraga ûrîa nerîîre Daudi.

Mathaayo 20:16

Jesû akîrîkîrîria nîwaugire atîrî. “Andû arîa marî vuva nîmagaatuîka a mbere nao arîa marî mbere rîu, nîmagaatuîka a vuva.”

Aroma 1:6

Namue mûrî Roma, mûtaranîrîtue vamwe na andû arîa Ngai etîte mûtuîke a Jesû Kristû.

Aroma 8:28

Tue nîtwîcî atî maûndûrî monthe Ngai nî arutaga wîra nîûndû wa wagîrîru wa arîa mamwendete. Andû acio nî arîa ke etîte kûringana na wendi wake.

1Akor 1:24

Nwatî kûrî arîa Ngai etîte, Ayahudi na andû a Ndûrîrî, ndûmîrîri ya Kristû nî vinya na ûûgî wa Ngai.

Gûco 32:39

“Menyani rîu atî, Nie nînie Ngai; na gûtirî ngai îngî tiga nie. Nînie mbûragaga na ngariûkia, nînie nguraragia na ngavonia, gûtirî mûndû ûngîvota gûtethûra mûndû njararî ciakwa.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.

Kûguû 1:11

Naguo mûgambo ûcio waugire atîrî, “Andîka ûrîa ûrona na ûtûme îvuku rîu makanitharî marîa marî matûûrarî marîa mûgwanja. Namo nî: Efeso, Simurina, Perigamu, Thîatira, Saridi, Filadelifia, na Laodikia.”

Kûguû 1:8

Mwathani Ngai, Mwene vinya wonthe, ûrîa warî kuo, ûrî kuo, na ûrîa ûgaûka arauga atîrî, “Nie nînie wa mbere na wa mûthiia.”

Kûguû 17:14

Athamaki acio na nyamû nîmakaarûa na Gatûrûme. Nake Gatûrûme arî vamwe na arîa Ngai etîte, akamathuura na nî arûmîrîri evokeku, nî akaamavoota, nîûndû ke nî Mwathani wa aathani na Mûthamaki wa athamaki.”

Kûguû 2:8

“Andîka kûrî mûraika wa kanitha ûrîa ûrî Simurina atîrî: “Îno nîyo ndûmîrîri kuuma kûrî ûrîa arî ke wa mbere na wa mûthiia, Ûrîa wakwire na akîriûka.

Kûguû 22:13

Nie nînie wa mbere na wa mûthiia, Kîammbîrîria na kîrîkîro.”