Isaia 48:11 - ÎVUKU RÎA ÛVORO MWARO

¹¹ Nîreka ûguo nîûndû wakwa nie mwene, rîîtwa rîakwa rîrarega gûtîîwa nîkî? Ndingîvecana riiri wakwa kûrî mûndû wîngî wanarî ûrîkû.”

Isaia 48:11 ပူးပေါင်းရင်းမြစ်များ

Thaburi 106:8

Kûnarî ûguo nîwamavonokirie wata ûrîa eeranîrîte, nîguo onanie vinya wake mûnene.

Thaburi 115:1

Tî tue, we Ngai-Mûnene, tî tue, we wenga nîwe wagîrîrwe nî gûkumua; nîûndû wa wendo waku ûtathiraga na wîvokeku waku.

Thaburi 25:11

We Ngai-Mûnene, nîûndû wa rîîtwa rîaku, njovera mevia makwa nîûndû nî meengî mûno.

Thaburi 25:7

Ndûkaririkane mevia na mavîtia marîa nekire nîrî mûnini, ndirikana nîûndû wa wendo waku ûtathiraga, we Ngai-Mûnene ûndirikane nîûndû wa ntha ciaku.

Isaia 37:35

Nîngaagitîra îtûûra rîîrî nîguo nîrîvonokie nîûndû wa gîtîîo gîakwa nie mwene na nîûndû wa ndungata yakwa Daudi.’ ”

Isaia 42:8

“Nie nînie Ngai-Mûnene rîu nîrîo rîîtwa rîakwa. Gûtirî wîngî ngaava riiri wakwa, kana mvecana ngumo yakwa kûrî mîvuanano ya kumua.

Isaia 43:25

Nie nînie nakwoveere mevia maku nîûndû wa kwenda gwakwa, na ndikaaririkana mevia maku.

Isaia 48:5

Kwoguo nînakumbûrîre maûndû mau kuuma tene, nînakwîrire ûvoro wa mo mbere ya mekîke, nîguo ndûkauge atî: ‘Mûvuanano wakwa nîguo wîkîte maûndû mau, mûvuanano wakwa wa kumua na wa gûtwekua nîyo yatûmire maûndû mau mekîke.’

Isaia 48:9

“Nîûndû wa rîîtwa rîakwa nîngûthiria marakara makwa, nîûndû wa ûkumio wa rîîtwa rîakwa nîngwîrigîrîria marakara makwa, nîmarigîrîria nîguo ndikamûthirie.

Isaia 52:5

Kwoguo rîu nie nîratetheka na ndûî, rîrîa ngwona andû akwa matavîtwe mana? Arîa mamathaga nîkwa maretîîa, narîo rîîtwa rîakwa rîcambagua vîndî cionthe. Ûguo nîguo Ngai-Mûnene arauga.

Jeremia 14:7

Nao andû akwa marauga atî: “Wana ethîrwa mevia metû nîmaratûcuka, we Ngai-Mûnene tûtethie nîûndû wa kwenda gwaku, twanagûtiganîria mavinda meengî, nîtûkûvîtîrîtie.

Ezek 20:14

Nwatî nînekire ûndû wîngî nîguo rîîtwa rîakwa rîtikanyararwe nî ndûrîrî irîa cionire ngîmaruta Misiri.

Ezek 20:22

Nwatî nînathunithirie njara yakwa ndigeke guo nîguo rîîtwa rîakwa rîtikanyararwe nî ndûrîrî irîa cionire ngîmaruta Misiri.

Ezek 20:39

“Rîu mue andû a Isiraeli, Ngai-Mûnene augîte atî: Wa mûndû nîathiî na mbere gûtungatîra mûvuanano wake ethîrwa tîmûnthikîrîria. Nwatî mûtigûcoka gûturithia rîîtwa rîakwa rîtheru gîtîîo na iveo icio cienyu na mîvuanano yenyu ya kûgoocwa.

Ezek 20:44

Mue andû a Isiraeli nîmûkaamenya atî nie Ngai-Mûnene nînie mbîkîte maûndû mau monthe nîûndû wa rîîtwa rîakwa nie mwene. Ndikethîrwa nîmwîkîte kûringana na ûrîa mwagîrîrwe nîgwîkwa nîûndû wa wîvia wenyu, wana kana kûringana na maûndû menyu marîa macûku.” Ûguo nîguo Ngai-Mûnene augîte.

Ezek 20:9

Nwatî ndieka guo nîguo rîîtwa rîakwa rîtikanyararwe nî ndûrîrî irîa maatûûraga gatagatîrî ga cio. Ndûrîrî icio nîcionire ngîîmenyithania kûrî andû a Isiraeli na njîra ya kûmaruta vûrûri wa Misiri.

Ezek 36:22

“Kwoguo îra nyomba ya Isiraeli Mwathani Ngai-Mûnene augîte atî, ûndû ûrîa nduîte gwîka tînîwîka nîguo mûgunîke nwatî nîwîka nîûndû wa kûva rîîtwa rîakwa rîtheru gîtîîo. Rîîtwa rîu nîmwatûmire rîcambue nî andû a ndûrîrî kûrîa kuonthe mwathiîcaga.

Danieli 9:17

Kwoguo we Ngai wetû, thikîrîria mavoya na mathaithana ma ndungata yaku. Na kwenda gwaku we Mwathani, cokanîrîria hekarû yaku îrîa yacûkangirue.

Johana 5:23

nîguo andû onthe matîîage Mûriû wata ûrîa matîîaga Îthe. Mûndû wa wonthe ûtatîîaga Mûriû, ndatîîaga Îthe ûrîa wamûtûmire.

Aroma 2:24

Mandîko matheru maugîte atîrî: “Nîûndû wenyu mue Ayahudi, rîîtwa rîa Ngai nîrîcambîtue nî andû a Ndûrîrî.”

1Sam 12:22

Ngai-Mûnene nîamûthuurîte mûgatuîka andû ake na nîamwîrîrîte atî ke ndakaamûtiganîria.