Isaia 48:1 - ÎVUKU RÎA ÛVORO MWARO

¹ Tathikîrîriani ûndû ûyû, mue nyomba ya Jakovu, mue mwîtanîtue na rîîtwa rîa Isiraeli, mue mûrî a mûvîrîga wa Juda, arîa mwîvîtaga mûkîgwetaga rîîtwa rîa Ngai-Mûnene, na mugaga atî mûgoocaga Ngai wa Isiraeli, nwatî tîna njîra ya ma kana wagîrîru.

Isaia 48:1 ပူးပေါင်းရင်းမြစ်များ

Kîam 32:28

Nake mûndû ûcio nîwerire Jakovu atîrî, “We ndûgeetwa Jakovu rîngî nîûndû nîwagiana na Ngai na andû na wavootana, we ûgeetagwa Isiraeli.”

Kîam 35:10

Ngai nîwamwîrire atîrî, “We wîtagwa Jakovu, nwatî kuuma rîu ûgetagwa Isiraeli.” Kuuma vîndî îo Jakovu nîwambîrîrie gwîtagwa Isiraeli.

2Atha 17:34

Andû acio matwîre mekaga wa ûrîa meekaga tene nginya ûmûnthî. Matigoocaga Ngai-Mûnene kana mavingia mawatho, irîra kana watho na maathani marîa aaveere njiarwa cia Jakovu, ûrîa eetire Isiraeli.

2Atha 5:20

Gehazi, ndungata ya Elisha nîwaugire atîrî, “Taroria, mwathi wakwa nîwarega kwamûkîra kîrîa Naamani aramûreterete na nîwamûrekereria athiî. Nevîta na Ngai-Mûnene ûrîa ûtûûraga mwoyo, atî nînîmûrûmîrîria na îvenya na mboce kîndû kuuma kûrî ke.”

Thaburi 63:11

Mûthamaki nîagaakena, nîûndû Ngai nîamûvecaga ûvootani. Arîa marûthaga ciîranîro rîîtwa rîa Ngai, nîmakaamûkumia, nwatî andû arîa maveenanagia nîmagaakirua.

Thaburi 66:3

Îrani Ngai atîrî, “Kaî maûndû marîa wîkaga nî ma magegania-î! Nthû ciaku nîikwînamagîrîra nî gûgwîtigîra irî mbere yaku.

Thaburi 68:26

“Kumiani Ngai mûrî kîûnganorî Kîam andû eengî, kumiani Ngai-Mûnene, mue njiarwa cia Isiraeli!”

Thaburi 68:27

Andû a mbere nî Benjamini, mûvîrîga ûrîa mûnini viû, marûmîrîrîtwe nî atongoria a Juda na andû ao, marûmîrîrwe nî atongoria a Zebuluni na a Nafutali.

Ntha 23:13

“Rûmagîrîra maûndû marîa monthe nie Ngai-Mûnene nakwîra. Ndûkavoe ngai ciîngî kana ûgwete marîîtwa ma cio na kanyua gaku.

Nthi 5:16

Kûrî na vata ûrîkû kûnyagia mbeû yaku kûndû kuonthe, na kûthiragîria vinya waku na kûu njîrarî?

Isaia 26:13

Ûûi Ngai-Mûnene, Ngai wetû, nîtwathagwa nî athani engî, nwatî we wenga tu nwawe twicî.

Isaia 44:5

“Mûndû ûmwe nîakaauga atîrî, ‘Nie nîrî wa Ngai-Mûnene,’ na wîngî nîageîtania na rîîtwa rîa Jakovu, nake wîngî nîakaandîka njararî yake, ‘Wa Ngai-Mûnene,’ na eîtanagie na rîîtwa rîa Isiraeli.”

Isaia 45:23

Nie nînîvîtîte ngîgwetaga rîîtwa rîakwa, maûndû marîa nîraria nî ma ma, na ndingîgarûrûkwa. Andû onthe nîmagaaturia maru mbere yakwa, na onthe mevîte atî makaanîvokaga.

Isaia 46:12

“Tathikîrîriani mue andû aya aûmû ngoro, mue mûrî kûraca na ûvonokio.

Isaia 51:1

Ngai-Mûnene arauga atîrî, “Tanthikîrîriani mue mwendaga gûkûûrwa, mue mûnjaragia nie Ngai-Mûnene. Îcirieni ûvoro wa îthiga varîa mwaumire, na ûvoro wa kware varîa mwenjirwe.

Isaia 51:2

Taîcirieni ûvoro wa Iburahimu, îthe wenyu wa tene, na ûvoro wa Sara ûrîa wamûciarire. Iburahimu aarî wenga rîrîa namwîtire, nwatî nînamûrathimire na ngîmûva ciana nyîngî.

Isaia 58:2

Mangoocaga mîthenya yonthe, na nîmendaga kûmenya njîra ciakwa, takwa marî rûrîrî rûtwîre rwîkaga maûndû ma ûthingu, na rûtarî rwatiganîria maathani ma Ngai wao. Mendaga nîmatuîre ciira na kîvooto, na makendaga gûkuvîvîria Ngai.”

Isaia 62:8

Ngai-Mûnene nîevîtîte na njara yake ya ûrîo, nîakaavingia mwîvîtwa ûcio na vinya wake akiugaga atî: “Ndikaava nthû cienyu irio cienyu rîngî, na ageni matikaanyua rîngî ndivei îrîa mûnogerete.

Isaia 64:6

Tue tuonthe tûtuîkîte ta andû marî na mûgiro; na ciîko cietû cionthe mbaro ciîkariî ta nguo îrî na gîko. Tuonthe tûûmaga ta mathangû, namo mevia metû matûgûrûkagia ta rûkûngi.

Isaia 65:16

Kwoguo, mûndû wa wonthe vûrûrirî wenyu ûrîa ûkenda kûrathimwa, akaathiîcaga kûrathimwa nî Ngai ûrîa wa ma. Nake mûndû wa wonthe ûkevîtaga, akevîtaga akîgwetaga rîîtwa rîa Ngai ûrîa wa ma; nîûndû mathîna marîa makûrû nîmakaariganîra na ndikamaririkana rîngî.”

Jeremia 4:2

na mûngîîvîta mûrî na ûûma, kîvooto na ûthingu, mûkiugaga, ‘wata ûrîa Ngai-Mûnene atûûraga mwoyo,’ vîndî îo mavûrûri nîmakaarathimwa, na magîe na riiri nîûndû wakwa.”

Jeremia 44:26

Kwoguo ta thikîrîriani kiugo Kîam Ngai-Mûnene mue andû Juda na mûtûûraga vûrûri wa Misiri: nevîta na rîîtwa rîakwa rînene atî, ndigetîkîria mûndû wana ûmwe gatagatîrî kenyu evîta na rîîtwa rîakwa akiugaga atî, ‘wata ûrîa Ngai-Mûnene atûûraga mwoyo.’

Jeremia 5:2

Wana ethîrwa nîmaugaga: “Wata ûrîa Ngai-Mûnene atûûraga mwoyo,” kwîvîta kwao nî kwa maveeni.

Alawi 19:12

Mûtikanevîte na rîîtwa rîakwa rîrîa mûkûvenania, nîûndû kûu nî kûnyararithia rîîtwa rîakwa. Nie nînie Ngai-Mûnene, Ngai wenyu.

Mika 2:7

Maûndû mau nîmagîrîrwe nî kûgwetwa kûrî andû a Isiraeli? Nîkwa Ngai-Mûnene aremetwe nî gûkirîrîria? Nwa eke maûndû ta mama? Kinthî ndaragîrîria andû arîa mekaga maûndû marîa magîrîre?

Zefania 1:5

Nîngaacûkangia arîa onthe magoocaga marî îgûrû rîa nyomba, makîgooca ciûmbe cia îgûrû. Nîngaverithia arîa mangoocaga makîîvîtaga na rîîtwa rîakwa na makevîta na rîîtwa rîa ngai îrîa îtagwa Moleku.

Zakaria 5:3

Nîwacokire akîmbîra atîrî, “Îvukuurî rîu rîa gîkûnjo nîkwandîke kîrumi kîrîa gîkaanyita vûrûri wonthe. Îvuku rîu rîa gîkûnjo, mwena ûmwe riugîte mûndû wa wonthe ûkaîa nîakaaûragwa. Naguo mwena ûcio wîngî riugîte mûndû wonthe ûkevîta na njîra ya maveeni nîakaaûragwa.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Ndari 24:7

Ndoo ciao ikethagîrwa irî na manjî ma kwîgana, mîgûnda yao îkethagîrwa îrî na mbura ya kwîgana. Mûthamaki wao akethîrwa arî mûnene gûkîra Agagi, ûthamaki wake ûkethagîrwa ûrî mûnene na mwariî.

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Johana 1:47

Rîrîa Jesû oonire Nathanieli athiîte kûrî ke nîwaririe ûvoro ûmwîgiî na akiuga atîrî, “Taroriani mwone Mûisiraeli wa ma, na ndarî ûcuke!”

Johana 4:24

Ngai nî Roho, na arîa mamûgoocaga mamûgoocage na Roho na ûûma.”

Aroma 2:17

Ûvoro ûkwîgiî nî atîa? We wîîtaga Mûyahudi na nîwîvokete watho na nîwîtîaga nîûndû nîmûkonenie na Ngai.

Aroma 9:6

Nie ndirauga atî Ngai nîwaregire kûvingia kîîranîro gîake. Nîûndû tî andû onthe a Isiraeli maathuurirwe nî Ngai.

Aroma 9:8

Ûguo nî ta kuga atî ciana irîa iciarîtwe na njîra ya kîîmwîrî tî ciana cia Ngai, nwatî ciana irîa ciumanîte na kîîranîro Kîam Ngai, nîcio njiarwa ciake nama.

Gûco 10:20

Tîagani Ngai-Mûnene Ngai wenyu na mûmûtungatagîre wenga. Tuîkani evokeku kûrî ke na mwîvîtage mûkîgwetaga rîîtwa rîake rîonga.

Gûco 33:28

Kwoguo andû a Isiraeli matûûraga marî na thayû, njiarwa cia Jakovu itûûraga itarî na thîna, vûrûrirî wîcûrîte ngano na ndivei, kûrîa mbura yuraga kuuma îgûrû.

Gûco 5:28

“Ngai-Mûnene nîwegwire maûndû marîa mwaragia na akîmbîra atî, ‘Nînegua maûndû marîa andû aya makwîra na nî ma ma.

Gûco 6:13

Îîtigagîreni Ngai-Mûnene, Ngai wenyu na mûmûtungatagîre na mwîvîtage mûkîgwetaga rîîtwa rîake rîonga.

1Tim 4:2

Andû mvinga na arîa mathanaga mathomithanagia maûndû ta mama. Thamiri cia andû ta aya nîciakwire na ciîkaraga takwa irî mvîvie na cuuma mviû.

Kûguû 2:9

Nie nîmbîcî mathîna maku na nîmbicî maûndû macûku marîa andû amwe maragia mamwîgiî. O maugaga nî Ayahudi nwatî tî Ayahudi a ma. O nî gîkundi Kîam andû a Caitani!

Kûguû 3:9

Tathikîrîriani! Andû amwe nî a gîkundi Kîam andû a Caitani. Andû acio nî a maveeni na maugaga atî o nî Ayahudi na tî o. Acio nîngaatûma maûke na menamîrîre mbere ya magûrû maku na nîmakaamenya atî nie nîngwendete.