Isaia 45:4 - ÎVUKU RÎA ÛVORO MWARO

⁴ Nîûndû wa ndungata yakwa Jakovu, na Isiraeli mûndû ûrîa nthurîte. Ngwîtîte na rîîtwa rîaku, ngûvete rîîtwa rîrî na îgweta wana ethîrwa ndûmbîcî.

Isaia 45:4 ပူးပေါင်းရင်းမြစ်များ

Thaburi 105:6

Mue njiarwa cia Iburahimu ndungata yake, mue njiarwa cia Jakovu, andû arîa athuurîte!

Thaburi 136:22

ûtuîke îgai rîa Isiraeli, ndungata ciake; nîûndû wendo wake ûtathiraga ûtûûraga tene na tene.

Isaia 43:1

Ngai-Mûnene ûrîa wamûmbire mue andû a Jakovu, ûrîa watûmire mûgîe kuo mue andû a Isiraeli arauga atîrî, “Mûtigetigîre nîûndû nie nînie nîmûkûûrîte; nîmwîtîte na ngamûva rîîtwa, mue mûrî akwa.

Isaia 43:14

Ngai-Mûnene Mûkûri wenyu Ûrîa Mûtheru wa Isiraeli arauga atîrî, “Nîngûtûma athigari a mbaara kûu Babuloni nîûndû wenyu, na nîngaaunanga ivingo cionthe cia îtûûra rîu, na gîkeno Kîam Akalidei nîgîgaatuîka macakaya.

Isaia 44:1

“Tathikîrîria rîu we Jakovu, ndungata yakwa, Isiraeli ûrîa nthurîte, tanthikîrîria.

Isaia 44:28

Nînie mbîraga mûthamaki Cairasi atî: ‘We nîwe ûgaatuîka mûthamaki vandûrî vakwa, we nîûkaavingia mîvango yakwa yonthe: nîûkaathana Jerusalemu îtumwe rîngî, na mûcingi wa hekarû ûtumwe rîngî.’ ”

Mathaayo 24:22

Nwatî Ngai nîanyivanyivîtie mîthenya îo. Tiga nî ûguo, gûtirî mûndû ûngîgaatigara. Nwatî nîûndû wa andû ake arîa ethuurîrîte, Ngai nîakaanyivanyivia mîthenya îo.

Maariko 13:20

Nwatî Mwathani nîanyivanyivîtie mîthenya ya mathîna mau, nîûndû wa andû ake arîa ethuurîrîte. Tiga nî ûguo gûtirî mûndû ûngîgaatigara.

Ciîko 17:23

Vîndî îrîa nie nîracerangaga îtûûrarî rîîrî rîenyu na ngîroria kûrîa mue mûgoocagîra, nînîrethîre metha ya kûrutîra kîgongoona yandîkîtwe atîrî, ‘Kûrî Ngai ûrîa Ûtaicîkene’. Na kwoguo, ngai ûcio mue mûgoocaga wana mûtamwicî, nîke Ngai ûrîa nie nîravunjia ûvoro wake kûrî mue.

Aroma 11:7

Ûrîa kûrî nî atî Aisiraeli matiavota kûgîa na kîrîa maatwîre macaragia. Nwatî gakundi kanini karîa Ngai aathuurire nîkaavotire kûgîa na kîrîa maacaragia. Acio engî metirwe nî Ngai makîûrîria matû kîrong'oi.

Aroma 9:6

Nie ndirauga atî Ngai nîwaregire kûvingia kîîranîro gîake. Nîûndû tî andû onthe a Isiraeli maathuurirwe nî Ngai.

Aefeso 2:12

Vîndî îo mûtiarî na Kristû. Mûtiarî a ngwatanîro ya andû arîa Ngai athuurîte na kwoguo mwarî ageni. Mûtiarî na vandû irîkanîrorî irîa ciaumanîte na ciîranîro cia Ngai kûrî andû ake. Mwatûûraga gûkû nthî îno mûtarî na mwîrîgîrîro na mûtarî na Ngai.

1Ath 4:5

na ndagîrîrwe nî kwîthîrwa na merirîria macûku ta andû arîa matecî Ngai.