Isaia 43:2 - ÎVUKU RÎA ÛVORO MWARO

² Rîrîa mûkûvîtûkîrîra manjîrî ngethagîrwa nîrî vamwe namue; na mûkîvîtûkîrîra nyûnjîrî itikaamûkîria vinya. Rîrîa mûkavîtûkîrîra mwakirî mûtikaavîa, na rûrîrîmbî rûtikaamûvîvia.

Isaia 43:2 ပူးပေါင်းရင်းမြစ်များ

Ayubu 5:19

Ke nîagaagûkûûra mathînarî matandatû, na ndûgaacûkangua nî thîna wa mûgwanja.

Thaburi 23:4

Wana nîngîvîtûkîrîra mûkururî ûrî nduma nene ta ya gîkuû, gûtirî ûgwati nîngîtigîra, nîûndû we Ngai-Mûnene ûrî vamwe nanie. Rûthanju rwaku rwa ûrîthi na mûragi waku nîcio ingitagîra.

Thaburi 32:6

Kwoguo andû onthe arîa makûrûmagîrîra nîmakûvoyage vîndî cionthe, vîndî îrîa mathîna maûka ta mwîcûro wa manjî, matigaakinyagîrîrwa nî mo.

Thaburi 66:10

We Ngai, nîûtûthimîte; nîûtûgeretie ta ûrîa sîlûva îtheragua na mwaki.

Thaburi 66:12

Nîwatûmire nthû cietû itûkinyange; tûnyamarîte ta andû mavîtûkîrîrîte mwaki na mwîcûrorî wa manjî; nwatî nîûtûretete kûndû kûrî na ûgitîri.

Thaburi 91:15

Rîrîa akaambîta nîngaamwîtîka; nîngethîrwa nake arî thînarî; nîngaamûvonokia na ndûme atîîke.

Ntha 14:29

Nwatî andû a Isiraeli maavîtûkîrîre îriarî kûrî nthî nyûmû, na nthingo cia manjî irî mîena yoîrî.

Ntha 3:12

Ngai nîwacokerie Musa atîrî; “Ngethagîrwa nîrî nawe, na waruta andû a Isiraeli kuuma Misiri nîmûkaangooca mûrî kîrîmarî gîkî. Kîu nîkîo gîgaatuîka kîmenyithia atî nie nîngûtûmîte.”

Isaia 29:6

Ngai-Mûnene mwene vinya wonthe nîagaaûka kûrî mue, na njîra ya ngwa, kîthingithia na mûgambo mûnene, rûkûngi rwa ngoma cia aka, rûkûngi rûnene na mwaki wa kûthiria.

Isaia 30:27

Taroriani, Ngai-Mûnene nîaûkîte aumîte kûndû kûraca, atûmbîtwe nî marakara na arî ndogorî ndumanu îkiunûkagia; mîromo yake îcûrîtwe nî mang'ûrîka, naruo rûrîmî rwake rwîkariî ta mwaki ûrîa ûvîvagia viû.

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 41:14

Ngai-Mûnene arauga atîrî, “We Jakovu, kagunyû gaka, tiga gwîtigîra, mue andû a Isiraeli, nîngaamûtethia, nie nînie mûvonokia wenyu Ûrîa Mûtheru wa Isiraeli.

Isaia 43:5

Mûtigetigîre nîûndû nîrî vamwe namue! Nîngaamûretere njiarwa cienyu kuuma mwena wa îrathîro, na nîmacokanîrîrie kuuma mwena wa îthûîro.

Jeremia 42:11

Mûtigetigîre mûthamaki wa Babuloni ûrîa mwîtigagîra; mûtikamwîtigîre wana vanini; ûguo nîguo Ngai-Mûnene arauga. Nie nîrî vamwe namue nîguo nîmûvonokie na nîmûtethûre kuuma kûrî ke.

Jeremia 46:28

Ngai-Mûnene arauga atî: ndûgetigîre we Jakovu ndungata yakwa, nîûndû nîrî vamwe nawe. Nîngacûkangia mavûrûri monthe mathire, kûrîa kuonthe nakûnyaganîrie, nwatî we ndigaagûcûkangia ûthira. Nîngakûverithia ûrîa kwagîrîrîte, ndigaagûtiga ndakûverithîtie.”

Danieli 3:23

Nwatî Shadiraka, Mîsheki na Abedinego, nîmaaikirue wa marî ove kûu mwakirî. Nao Shadiraka Mîsheki na Abendinego, nîmaagwîre kûu mwakirî ûcio mûnene marî ove na mîkanda.

Hagai 1:13

Nake Hagai, mûnjaama wa Ngai-Mûnene, nîwavere andû ndûmîrîri kuuma kûrî Ngai-Mûnene yaugaga atîrî, “Nie nîrî vamwe namue.”

Zakaria 13:9

Gîcunjî kîu kîmwe Kîam ithatû nîngaagikia mwakirî, na nîmatherie ta ûrîa mûndû atheragia sîlûva na mwaki, na nîmagerie ta ûrîa thaavu îgeragua na mwaki. Nîmakaamvoya, nanie nîngaacokia mavoya mao; Nie nîngaauga atî o nî andû akwa, nao nîmakaauga atî, nî nie Ngai-Mûnene Ngai wao.”

Malaki 4:1

Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.

Mathaayo 1:23

“Taroriani mwîrîtu nthingi nîakaagîa îvu, na aciare mwana wa kavîcî, ûrîa ûgeetwa Imanueli” (narîo rîîtwa rîîrî rîgîtaûrwa nî kuga “Ngai arî vamwe na tue”).

2Tim 4:17

Nwatî Mwathani aarî vamwe nanie na nîwamûvere vinya wa kûvecana ûvoro mwaro kûrî andû onthe a ndûrîrî, kwoguo nînarutirwe magegorî ma simba.

2Tim 4:22

Nî mwakethua nî Eubulu, Pundeni, Linaisi Kilaudia na ariû na aarî a îthe wetû. Mwathani nîekare nawe. Wega wa Ngai ûrekara namue.

Ahib 11:29

Wîtîkio nîguo watûmire andû a Isiraeli maringa îria îtune takwa maathiîrîrîte nthî nyûmû. Rîrîa andû a Misiri maageririe kûringa, onthe nîmaaûrîre manjîrî.

Josh 1:5

Gûtirî mûndû ûgaakûvoota vîndî îrîa yonthe ûgûtûûra mwoyo. Ngethagîrwa nîrî nawe ta ûrîa nethagîrwa nîrî na Musa. Ndigaagûtiganîria.

Josh 1:9

Ririkana atî nakwatha ûgîe na vinya na ûmîrîrie! Ndûgetigîre kana ûgîe guoya, nîûndû nie Ngai-Mûnene, Ngai waku, ngethagîrwa nîrî nawe kûrîa kuonthe ûkathiîcaga.”