Isaia 42:5 - ÎVUKU RÎA ÛVORO MWARO

⁵ Ûguo nîguo Ngai-Mûnene arauga, ûrîa waûmbire îgûrû na akîrîtambûrûkia, nîke waûmbire nthî na indo cionthe irîa irî kuo, nîke ûvecaga andû arîa matûûraga kuo mîvevû, na akava mwoyo arîa matûûraga kuo.

Isaia 42:5 ပူးပေါင်းရင်းမြစ်များ

Kîam 1:1

Kîambîrîriarî Ngai nîwaûmbire îgûrû na nthî.

Kîam 2:7

Nake Ngai-Mûnene, Ngai nîwocire mûthetu na akîûmba mûndû naguo. Nîwacokire akîmûveverera mîruke ya mwoyo maniûrûrî, na mûndû ûcio agîtuîka kîûmbe kîrî mwoyo.

Ayubu 12:10

Ûtûûro wa kîndû wa kîonthe kîrî mwoyo, na mwoyo wa mûndû wa wonthe ûrî njararî cia Ngai.

Ayubu 27:3

Rîrîa rîonthe ngwîthîrwa nîrî mwoyo, na roho wa Ngai arî ndaarî yakwa;

Ayubu 33:4

Roho wa Ngai nîguo wanyûmbire, mîruke ya Mwene Vinya wonthe nîyo îndûragia mwoyo.

Ayubu 34:14

Ethîrwa Ngai nwa ecirie ke mwene; athengutia mîvevû yake gûkû nthî,

Thaburi 136:6

Nîke waûmbire nthî îrî îgûrû rîa manjî; nîûndû wendo wake ûtathiraga ûtûûraga tene na tene.

Thaburi 33:6

Ngai-Mûnene aaûmbire îgûrû na njîra ya kiugo, aaûmbire indo cionthe cia îgûrû na njîra ya mûgambo wake.

Thaburi 96:5

Nîûndû ngai cionthe cia mavûrûri marîa mengî nî mîvuanano tu, nwatî Ngai-Mûnene nîke waûmbire îgûrû na indo irîa irî kuo.

Isaia 37:16

“We Ngai-Mûnene mwene vinya wonthe, Ngai wa Isiraeli, ûrîa wîkarîrîte gîtî Kîam ûthamaki îgûrû rîa akerubi, we wenga nîwe Ngai wa mothamaki monthe ma nthî; we nîwe waûmbire îgûrû na nthî.

Isaia 40:12

Nû wanathima manjî ma îria na rûvî rwake kana akathima matu na njara ciake? Nû ûngîvota gwîkîra mûthetu wa nthî gîkomberî, kana athime irîma na tûrîma na kîthimi?

Isaia 40:22

Nthî yaûmbirwe nî ûcio wîkaragîra gîtî gîake Kîam ûnene îgûrû maturî, na kûrî ke andû arîa matûûraga nthî nîta mvandi. Ke atambûrûkîtie matu ta gîtambaa, na agakûnjûra gîtambaa kîu ta îgema rîa gûtûûrwa.

Isaia 40:26

Taroriani îgûrû mwone! Nû waûmbire indo icio cionthe? Nî ûrîa ûitongoragia ta athigari ake a mbaara, nîaicî cionthe ûrîa ciîgana, aciîtaga cionthe na marîîtwa ma cio. Gûtirî wanarî kîndû kîmwe kîthagîrwa gîtarî vo, nîûndû Ngai-Mûnene arî vinya nyîngî.

Isaia 40:28

Anga mue mûtiîcî? Anga mûtirî egu? Ngai-Mûnene nîke Ngai ûrîa ûtûûraga tene na tene, nîke mûmbi wa indo cionthe cia nthî. Ke ndathiraga vinya kana anoga, ûmenyo wake ndûngîmenyeka nî mûndû.

Isaia 44:24

“Nînie Ngai-Mûnene ûrîa wagûkûûrire; nînie nakûmbire ûrî nda ya nyûkwe. Nînie Ngai-Mûnene mûmbi wa indo cionthe. Nînie natambûrûkirie îgûrû na ngîûmba nthî na vinya wakwa, gûtirî mûndû wandethirie.

Isaia 45:12

Nînie natûmire nthî îgîe kuo na ngîûmba andû nîguo matûûrage kuo. Nînie natambûrûkirie îgûrû, na ngîatha ciûmbe cionthe ciakuo igîe kuo.

Isaia 45:18

Ngai-Mûnene ûrîa waûmbire îgûrû nîke Ngai! Ûrîa waûmbire nthî na agîtûma îgîe nîke wamîvandire; ndaamîûmbire îthîrwe îtarî na thayû na îtarî kîndû, aamîûmbire nîguo îtûûragwe. Nîke ûrauga atîrî, “Nie nînie Ngai-Mûnene, na gûtirî ngai îngî.

Isaia 48:13

Nînie navandire mûcingi wa nthî na njara ciakwa, na ngîtambûrûkia îgûrû. Rîrîa neta îgûrû na nthî, nîimbîtîkaga irî vamwe.

Isaia 57:16

Nîûndû ndigûtûûra ngararanagia tene na tene, kana ndûûre ndakarîte nîo vîndî cionthe. Nîûndû nîngîka ûguo, andû onthe nwa makwire, andû arîa nie naveere mwoyo.

Jeremia 10:12

Ngai-Mûnene nîke waûmbire nthî na vinya wake, nîke wathondekire nthî na ûûgî wake, na agîtambûrûkia îgûrû na njîra ya ûmenyo wake.

Jeremia 27:5

Nînie naûmbire nthî na ngîûmba andû na nyamû cionthe irîa irî kuo na ûvoti na vinya wakwa na nîmîvecaga mûndû wa wonthe ûrîa ngwona agîrîrîte.

Jeremia 32:17

“We Ngai-Mûnene! We nîwe waûmbire îgûrû na nthî na vinya waku mûnene na ûvoti waku mûnene. Gûtirî ûndû ûngîkûrema.

Jeremia 38:16

Nake mûthamaki Zedekia nîwevîtire mbere ya Jeremia na nthitho akiugaga atîrî, “Wata ûrîa Ngai-Mûnene atûûraga mwoyo, Ngai ûrîa watûveere mwoyo, ndigaakûûraga, kana ngûrekereria kûrî andû aya marenda gûkûûraga.”

Ezek 18:4

Atîrî, mîoyo yonthe nî yakwa. Mwoyo wa îthe na wa mwana yoîrî nî yakwa. Mwoyo ûrîa ûvîtagia nîguo ûgaakua.’

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Amosi 9:6

ûrîa ûtumaga nyomba yake îgûrû matuurî, na akaiga mûtambarûko wa matu îgûrû rîa nthî. Nîke ûnganagia manjî marîa marî îriarî, akametûrûra gûkû nthî nyûmû, rîîtwa rîake nî Ngai-Mûnene.

Zakaria 12:1

Îno nî ndûmîrîri ndito îgiî Isiraeli kuuma kûrî Ngai-Mûnene ûrîa waûmbire îgûrû, na akîûmba nthî na akîva mûndû mwoyo. Ke arauga atîrî,

Ciîko 17:24

Ngai ûrîa waûmbire nthî na indo cionthe irîa irî kuo, nî Mwathani wa îgûrû na nthî, na ndatûûraga hekarûrî îrîa ithondeketwe nî andû.

Ciîko 17:25

Ke mwene nîke ûvecanaga mwoyo, mîvevû na indo cionthe irîa andû mavataraga. Ke ndethagîrwa akîvatara ûtethio wana ûrîkû kuuma kûrî o, nîûndû ethagîrwa arî na indo cionthe irîa avataraga.

Ahib 1:2

Nwatî mavinda mama ma mûthiia, Ngai nîatwarîrîtie na njîra ya Mûriû wake. Ngai aaûmbire nthî yonthe na njîra ya Mûriû wake na nîke Ngai athuurîte nîguo mûthiiarî akagaa indo cionthe.