Isaia 42:16 - ÎVUKU RÎA ÛVORO MWARO

¹⁶ “Nîngaatongoreria itumumu njîrarî irîa mataicî. Ngaamatongoreria tûcîrarî tûrîa matamenyete. Nîngaagarûra nduma îrîa îrî mbere yao îtuîke ûtheri, na kûndû kûrîa gûtarî kwaraganu nîkwaraganie. Mama nîmo maûndû marîa ngeeka, na ndikaamatiganîria.

Isaia 42:16 ပူးပေါင်းရင်းမြစ်များ

Thaburi 94:14

Ngai-Mûnene ndagaatiganîria andû ake; ndagaatiganîria arîa athuurîte magatuîka ake.

Mûvunjia 1:15

Kîndû kîthugaru gîtingîrûngwa, na indo itarî vo itingîtarwa.

Mûvunjia 7:13

Taîcirie ûvoro wîgiî wîra ûrîa Ngai arutîte. Nî ûrîkû ûngîrûngaria kîrîa Ngai athugarîtie?

Isaia 26:7

Njîra ya andû arîa athingu nî nûngarû; we Ngai-Mûnene nîûrûngaragia njîra cia andû arîa athingu.

Isaia 29:18

Mûthenya ûcio itegua nîikegua îvuku rîkîthomwa, nao arîa matûûraga ndumarî marî atumumu nîmakoona.

Isaia 29:24

Andû arîa ariitu nîmakaagîa na ûmenyo, nao arîa manugunaga nîmagetîkîra kûthomithua.”

Isaia 30:18

Kûnarî ûguo, Ngai-Mûnene nwa wetererete kûmwîguîra ntha, kwoguo nîevarîrîtie kûmûtuga. Nîûndû Ngai-Mûnene nî Ngai wîkaga maûndû ma kîvooto, kûrathimwa nî arîa onthe mamwetagîrîra.

Isaia 30:21

Mûngîvîtia njîra mûthiî na mwena wa ûrîo kana wa ûmotho, nîmûkegucaga mûgambo vuva wenyu ûkîmwîra atîrî, “Îno nîyo njîra; mîrûmîrîreni.”

Isaia 32:3

Metho ma arîa monaga matikaavingwa, namo matû ma arîa megucaga nîmakaathikîrîria.

Isaia 35:5

Itumumu nîikaavota kwona, na itaigua nîikaavota kwîgua.

Isaia 35:8

Kûu werûrî nîgûkaagîa varavara nene, nayo nîgetwa, “Njîra Ntheru.” Gûtirî mûndû mwîvia ûkaavîtûkîrîra varavararî îo, na irimû itikaavîtia njîra îo.

Isaia 40:4

Cianda cionthe nîigeecûrua, na irîma cionthe na tûrîma tûvaraganue. Nakuo kûrîa gûtarî kûrûngarû kûrûngarue, na kûrîa gûtarî kwaraganu kwaraganue.

Isaia 41:17

“Rîrîa athîni na avatari maracaria manjî matakûmona, na rîrîa mîmero yao îrî mîng'arûku nî kûnyonda, nînie Ngai-Mûnene ngaamacokeria, nie Ngai wa Isiraeli ndikaamatiganîria.

Isaia 41:3

Ke amavinyûragia na akamavîtûka na ndone thîna, wana angîthîrwa athiîrîrîte njîrarî atanavîtûkîrîra rîngî.

Isaia 45:2

Nie mwene nîngaagûtongoreria, ngîaraganagia irîma mbere yaku. Nîngaaunanga mîrango ya gîcango tûcunjî, na munange mîkîgo ya kuo ya cuuma.

Isaia 45:7

Nînie ndûmaga kûgîe ûtheri na ngatûma kûgîe nduma; nînie ndûmaga kûgîe thayû na ngatûma kûgîe thîna. Nînie Ngai-Mûnene ûrîa wîkaga maûndû mau monthe.

Isaia 48:17

Ngai-Mûnene Ûrîa Mûtheru wa Isiraeli mûvonokia waku, arauga atîrî, “Nie nînie Ngai-Mûnene, Ngai waku, nînie ngûrutaga maûndû ma gûkûguna, nînie ngûtongoragia njîra îrîa wagîrîrwe nî kûthiîrîra.

Isaia 52:12

Vîndî îno mûtikaauma kuo na îvenya, na mûtikaathiî mûvinyûrîte. Nîûndû Ngai-Mûnene nîke ûkaamûtongoreria, nake Ngai wa Isiraeli nîke ûkaamuma vuva amûgitîrîte.

Isaia 54:13

“Nie Ngai-Mûnene nînie ngathomithia ciana ciaku, na nîikaagîa na thayû mwîngî.

Isaia 58:10

mûvecage arîa avûtu irio, na mûvingagîrie arîa marî na mathîna mavata mao, ûtheri wenyu ûkaaraga kûrîa kûrî nduma, nakîo kîeva kîenyu kîgarûrwe gîtuîke gîkeno.

Isaia 62:12

Andû acio nîo mageetagwa, “Andû arîa atheru, arîa mavonoketue nî Ngai-Mûnene.” Nawe Jerusalemu ûgeetagwa, “Îtûûra rîrîa Ngai endete,” nwatî tî “Îtûûra rîrîa rîtiganîrie.”

Ezek 14:23

Mîtugo yao na mîthiîre yao nîîkamûmenyithia atî mûthiro ûrîa naretithîrie îtûûra rîu warî na gîtûmi.” Nînie Ngai-Mûnene nauga ûguo.

Hosea 2:14

Kwoguo ta roria, nîngûmûgucîrîria nîngûmûvira werûrî mbarie nake kavora.

Hosea 2:6

Kwoguo nîngavinga njîra yake na mîgua, na ndume rûthingo rwa kûmwirigîra, nîguo ndakone gwa kuumîrîra.

Amosi 5:8

Ngai-Mûnene nîke waûmbire njata, nîke waûmbire Kîrîmîra na Orioni. Nîke wagarûrire nduma nene îgîtuîka ûtheri, na mûthenya ûgîtuîka ûtukû. Acokanagîrîria manjî ma îria vamwe na akametûrûra nthî. Etagwa Ngai-Mûnene.

Luka 3:5

Cianda cionthe nîigeecûrua, na irîma cionthe na tûrîma tûvaraganue. Nakuo kûrîa gûtarî kûrûngarû kûrûngarue, na kûrîa gûtarî kwaraganu kwaraganue.

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

Aefeso 5:8

Vîndî îmwe mwatûûraga ndumarî, nwatî rîu mûtûûraga ûtherirî nîûndû nîmûtuîkîte andû a Mwathani. Kwoguo tûûragani ta andû marî ûtherirî,

Ahib 13:5

Mûtikende mbeca makîria, nwatî mûndû nîeganagwe nî kîrîa arî nakîo. Nîûndû Ngai augîte atîrî, “Nie ndigaagûtiganîria kana ndiganîrwe nîwe.”

Josh 3:4

Nao nîmakaamwonia kûrîa mûkaathiî, nîûndû mue mûtianakinya gûkû rîngî. Nwatî mûtikathiî vakuvî na îthandûkû rîa Kîrîkanîro. Gatagatî kenyu na îthandûkû rîu vethîrwe na ûtiganu ta wa kilomita îmwe.”

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.