Isaia 41:29 - ÎVUKU RÎA ÛVORO MWARO

²⁹ Taroria, ngai icio ciao cionthe nî cia maveeni, mawîra mao monthe nîma mana, mîvuanano yao ya kûrarûrwa ndîrî vinya na nî ya mana.”

Isaia 41:29 ပူးပေါင်းရင်းမြစ်များ

Thaburi 96:5

Nîûndû ngai cionthe cia mavûrûri marîa mengî nî mîvuanano tu, nwatî Ngai-Mûnene nîke waûmbire îgûrû na indo irîa irî kuo.

Isaia 17:8

Matikaaroria rîngî metha cia magongoona irîa matumîte na njara ciao, kana marorie irîa maturîte o ene îrî mûvuanano wa ngai ya mûndûmûka ya Ashera kana metha cia magongoona cia kûvîvîria ûbani.

Isaia 2:8

Vûrûri wao wîcûrîte mîvuanano, na magoocaga indo irîa marûthîte na njara ciao.

Isaia 37:19

na magaikia ngai ciao mwakirî nîûndû itiarî ngai cia ma, nwatî ciarî mîvuanano yaumîtue nî andû ya mîtî na ya mathiga; kwoguo nîciacûkangirue.

Isaia 41:24

Mue mûtirî kîene, na wîra wenyu nîwa mana, mûndû ûrîa ûmûgoocaga arî na mûgiro.

Isaia 46:7

Maûkagîrîria mûvuanano ûcio makawigîrîra iturorî ciao, magaûkuua; mawigagîrîra vandû va guo, naguo ûkarûngama vo, mûvuanano ûcio ndûngîvota kuuma vandû vau va guo. Mûndû angîûkaîra ndûngîvota gûcokia ûndû, kana ûmûvonokia kuuma mathînarî marîa arî namo.

Jeremia 14:22

Kûrî ngai cia mîvuanano mavûrûri ingiurithia mbura? Kana îgûrû rîo rîene riurithie mbura, kinthî tîwe Ngai-Mûnene Ngai wetû? Twigîte mwîvoko wetû kûrî we, nîûndû nîwe wîkaga maûndû mama monthe.

Jeremia 5:13

Arathi matirî na ûûma mekariî ta rûkûngi, matirî na ndûmîrîri kuuma kûrî Ngai-Mûnene, Ûguo makuga nîguo mageekwa!”

Habakuku 2:18

Mûvuanano ûrî umithio ûrîkû? Kinthî kîu tî kîndû mûndû arûthîte, nî kîndû gîa gûtambia maveeni tu. Mûturi etîkîtie kîndû kîu erûthîrîte ke mwene, mûvuanano ûtangîvota kwaria.

Zakaria 10:2

Andû matuîragia maûndû kûrî ngai cia mana, na aragûri makoona cioneki cia maveeni; iroto ciao ciîthagîrwa irî cia maveeni, na kûmanîrîria kwao nîkwa mana. Kwoguo andû maûrûraga ta ng'ondu; mavinyagîrîrua nîûndû matirî na mûrîthi.

Atir 18:17

Athigani acio atano nîmaathiîre magîtonya nyomba na magîoca mûvuanano ûrîa wavakîtwe sîlûva, mîvuanano îo îngî vamwe na efodi. Nake mûthînjîri-Ngai na athigari arîa magana matandatû (600) marî na indo cia mbaara maarî kîvingorî.

1Sam 12:21

Tigani gûtungatîra Ngai cia maveeni. Ngai icio itîngîmûguna kana imûvonokie, nîûndû tî cia ma.