Isaia 41:27 - ÎVUKU RÎA ÛVORO MWARO

²⁷ Nie Ngai-Mûnene nînie naarî wa mbere kwîra Zayuni ûvoro, nînatûmire mûnjaama kûu Jerusalemu akavire ndûmîrîri ya ûvoro mwaro.

Isaia 41:27 ပူးပေါင်းရင်းမြစ်များ

Isaia 40:9

Unûkia îgûrû rîa kîrîma kîraca na îgûrû we Zayuni, anîrîra ûvoro ûrîa mwaro! Ugîrîria na vinya we Jerusalemu, anîrîra ûvoro mwaro. Ugîrîria na ndûgetigîre na wîre matûûra ma Juda atî: “Ûyû nîke Ngai wenyu!”

Isaia 41:4

Nû watûmire maûndû mau monthe mekîke? Nû wavangire ûrîa maûndû marûmanagîrîra kuuma Kîammbîrîria? Nie Ngai-Mûnene, naarî kuo kuuma Kîammbîrîria, na nînie ngethîrwa kuo nginya kîrîkîro.

Isaia 43:10

Ngai-Mûnene arauga atîrî, “Mue Aisiraeli mûrî aira akwa; namûthuurire mûtuîke ndungata ciakwa, nîguo mûûmenye na mûmbîtîkie, gûtirî ngai îngî tiga Nie. Na mûmenye atî nie nînie Ngai, gûtirî ngai îngî yarî kuo mbere yakwa na gûtikaagîa.

Isaia 44:28

Nînie mbîraga mûthamaki Cairasi atî: ‘We nîwe ûgaatuîka mûthamaki vandûrî vakwa, we nîûkaavingia mîvango yakwa yonthe: nîûkaathana Jerusalemu îtumwe rîngî, na mûcingi wa hekarû ûtumwe rîngî.’ ”

Isaia 44:6

Ngai-Mûnene mwene vinya wonthe Mûthamaki na Mûkûri wa Isiraeli arauga atîrî, “Nie nînie wa mbere na nînie wa mûthiia; gûtirî ngai îngî tiga nie.

Isaia 46:9

Ririkanani maûndû marîa meekirwe tene; nîûndû Nie nînie Ngai na gûtirî wîngî, nie nînie Ngai na gûtirî wîngî tanie.

Isaia 48:12

Ngai-Mûnene arauga atîrî, “Tanthikîrîria we Jakovu, tanthikîrîria we Isiraeli ngîgwîta! Nie nînie Ngai-Mûnene, nînie wa mbere na nînie wa mûthiia!

Isaia 48:3

Ngai-Mûnene arera andû a Isiraeli atîrî, “Nînarathire wa tene maûndû marîa mageekîka na ngîtûma mamenyekane; nînacokire ngîtûma mekîke wa rîmwe.

Isaia 52:7

Kaî nî ûndû mwaro-î kwona mûndû arî irîmarî aretete ûvoro mwaro, akîanîrîra ûvoro wa thayû, na akîanagîrîra ûvonokio! Arera andû a Zayuni atîrî, “Ngai wenyu nîke ûrathana!”

Nahumu 1:15

Taroria, mûnjaama nîaûkîrîr îte irîmarî arî na ûvoro mwaro. Aûkîte kwanîrîra ûvoro mwaro kûrî andû a Juda. Kûngûagîrani irugo cienyu mue andû a Juda, na mûvecage Ngai kîrîa mwamwîrîre. Nîûndû andû arîa aganu matikamûtharîkîra rîngî, nîûndû nîacûkangie viû.

Aroma 10:15

Nao andû mangîvunjia atîa matarî atûme. Mandîko Matheru maugîte atîrî, “Na kaî andû arîa mathiîcaga kûvunjia ûvoro Mwaro nî aro-î!”

Kûguû 2:8

“Andîka kûrî mûraika wa kanitha ûrîa ûrî Simurina atîrî: “Îno nîyo ndûmîrîri kuuma kûrî ûrîa arî ke wa mbere na wa mûthiia, Ûrîa wakwire na akîriûka.