Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaia 41:2 - ÎVUKU RÎA ÛVORO MWARO

2 “Nû watûmire mûndû kuuma mwena wa îrathîro, na agîtûma athiî akîvootanaga kûndû kuonthe? Nînie ndûmaga avoote mavûrûri, na ngatûma athage athamaki, ndûmaga mavaraganue na rûviû rwake takwa marî rûkûngû, nîmanyaganagia na mîguî yakwa ta ûrîa macaki manyaganagua nî rûkûngi.

အခန်းကိုကြည့်ပါ။ ကော်ပီ




Isaia 41:2
22 ပူးပေါင်းရင်းမြစ်များ  

Tera nîwocire mûvîcî Aburamu na mûcûkûrûwe Loti ûrîa warî mûvîcî wa Harani. Nîwocire Sarai mûka wa mûvîcî Aburamu, makiuma kûu Uri gwa Akalidei, nîguo mathiî vûrûrirî wa Kanaani. Nwatî rîrîa maakinyire vûrûrirî wa Harani, nîmaatûûrire kuo.


Rîrîa Aburamu aarî na ûkûrû wa mîaka mîrongo kenda na kenda (99), Ngai-Mûnene nîwamumîrîre na akîmwîra atîrî, “Nînie Ngai mwene vinya wonthe. Mbathîkagîra na wîthagîrwe ûrî mûthingu vîndî cionthe.


Naamarivire nginya magîtuîka ta rûkûngû, na ngîmakinyanga ta ndaka îrîa îthagîrwa îrî njîrarî.


Jehoahazi ndaarî na athigari a mbaara maatigarîte tiga arûme mîrongo îtano (50) arîa mathiîcaga matwîte mbarathi, ikaari îkûmi (10) cia mbaara, na arûme ngiri îkûmi (10,000) arîa maathiîcaga na magûrû, nîûndû mûthamaki wa Sîria nîwacûkangîtie acio engî na akamakinyangîra nthî ta mûthetu.


“Cairasi, mûthamaki wa Perisia augîte atî: Ngai-Mûnene, Ngai wa îgûrû nîanduîte mûthamaki wa nthî yonthe na nî anthuurîte nîmûtumîre hekarû îtûûrarî rîa Jerusalemu vûrûrirî wa Juda. Kwoguo mue muonthe arîa mûrî a Ngai-Mûnene gatagatîrî kenyu, thiîni Jerusalemu na Ngai wenyu aroîthîrwa namue.”


“Cairasi Mûthamaki wa Perisia aathanîte atî, Ngai-Mûnene Ngai wa îgûrû nîanduîte mûthamaki wa mavûrûri monthe ma nthî. Ke nîamvete wîra wa gûtuma hekarû yake Jerusalemu vûrûrirî wa Juda.


Wa rîrîa mavandwa na mambîrîria kûmera, wana matarî aumu mîri ta ûrîa mûtî ûtonyagia mîri mûtheturî, Ngai-Mûnene angîmavuva na mîvevû nîkwa mavovaga, rûkûngi rûnene rûmagûrûkagia ta macaki.


“Nîndûmîte mûndû aume mwena wa rûgûrû nake nîmûku, nîmûthuurîte kuuma mwena wa îrathîro, nake nîagaakaîra rîîtwa rîakwa. Ke nîagaakinyanga athamaki ta yûmba, ta ûrîa mûmbi wa nyûngû akinyangaga yûmba.


Ke amavinyûragia na akamavîtûka na ndone thîna, wana angîthîrwa athiîrîrîte njîrarî atanavîtûkîrîra rîngî.


Nînie Ngai-Mûnene ngwîtîte wîke maûndû na kîvooto, nîngûnyitîte njara na ngakûgitîra. Na njîra yaku nîndûthîte kîrîkanîro na andû onthe, we ûgaatuîka ûtheri wa mavûrûri.


Ngai-Mûnene arera Cairasi atîrî, “We wî mûthamaki ûrîa nthuurîte! Nîngwîkîrîte vinya nîguo ûvoote mavûrûri marîa marî mbere yaku; na kûvûrûra athamaki mavinya mao; nie nîngûkûvingûrîra ivingo cia îtûûra, na gûtirî kîvingo gîkaavingwa.


Nînie nathire Cairasi avingie ûrîa nendaga na kîvooto, na nîngaarûngaria njîra ciake cionthe. Nîagaatuma rîngî îtûûra rîakwa Jerusalemu, na arekererie andû akwa arîa marî îthamîriorî. Ageeka ûguo atakûrîvwa kana avakwa kîveo.” Ûguo nîguo Ngai-Mûnene augîte.


Nîngeta mûndû kuuma mwena wa îrathîro; mûndû kuuma vûrûri wî kûraca, nîguo eke maûndû marîa mbîrîgîrîrîte gwîka. Nînie mbugîte ûguo na nîngaavingia; nînie mvangîte ûguo na nîngeka guo.


Nie nînie naririe maûndû mau na ngîmwîta, nînie namûtongoririe na mûvango wake nîûkaavua.


“Mwathani nîaregete athigari onthe njamba arîa mangitagîra. Nîatûmîte athigari a mbaara, matharîkîre anake akwa. Mwathani aakinyangire andû a Juda, ta thavibu kîvivîrorî Kîam ndivei.


Melikizedeki aarî mûthamaki wa Salemu, na aarî mûthînjîri-Ngai wa Ngai Ûrîa ûrî îgûrû mûno. Rîrîa Iburahimu aaumaga mbaararî arîkia kûvoota athamaki arîa ana, Melikizedeki nîwamûtûngire na akîmûrathima.


Mûraika wa gatandatû nake nîwetûrûrire kîrîa Kîamrî mbakûrirî yake rûnjîrî rûrîa rûnene rwa Farati. Naruo rûnjî nîrwavwîre, nîguo rûthondeke njîra ya kûvîtûkîra athamaki a kuuma mwena wa îrathîro.


Nînaacokire ngîona mûraika wîngî akiunûkia aumîte mwena wa îrathîro na arî na rûtumo rwa Ngai mûtûûra mwoyo. Nake nîwetire araika acio ana na mûgambo mûnene. Araika acio ana nîo maavetwe nî Ngai vinya wa gûcûkangia nthî nyûmû na îria.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ