Isaia 41:14 - ÎVUKU RÎA ÛVORO MWARO

¹⁴ Ngai-Mûnene arauga atîrî, “We Jakovu, kagunyû gaka, tiga gwîtigîra, mue andû a Isiraeli, nîngaamûtethia, nie nînie mûvonokia wenyu Ûrîa Mûtheru wa Isiraeli.

Isaia 41:14 ပူးပေါင်းရင်းမြစ်များ

Ayubu 19:25

Nie nîmbîcî mûngûûri arî mwoyo, na mûthiiarî nîakaanjirîrîra na kîvooto.

Ayubu 25:6

mûndû nake nîndûî ûrîa wîgana kamumui, mûndû nîta kagunyû methorî ma Ngai!”

Thaburi 19:14

Ciugo ciakwa na meciria makwa maroîtîkîrîka nîwe, we Ngai-Mûnene, mûgitîri wakwa na mûvonokia wakwa!

Thaburi 22:6

Nwatî andû monaga mbîkariî ta kîgunyû na tî ta mûndû, nthekagîrîrwa na nganyararwa nî andû onthe!

Thaburi 46:5

Ngai arî îtûûrarî rîu, na rîtigaacûkangua; Ngai nîagaaûka macangîa kûrîva ûtethio.

Thaburi 78:35

Nîmaririkanaga atî Ngai nîke ûmagitagîra, Ngai ûrîa ûrî Îgûrû Mûno nîke ûmavonokagia.

Isaia 35:10

Arîa maakûûrirwe nî Ngai-Mûnene nîmagaacoka, magaaûka Zayuni magîkûngûagîra, makethîrwa marî na gîkeno gîa tene na tene. Nîmakethîrwa marî na gîkeno na marî acanjamûku, kîeva na kîrîro nîikaathira viû.

Isaia 37:4

Nwa kwîthîrwa Ngai-Mûnene Ngai waku, nîeguîte ûrîa Rabushake augîte, ûrîa watûmîtwe nî mwathi wake, mûthamaki wa Asîria, nîguo athekerere Ngai ûrîa ûtûûraga mwoyo, nake Ngai-Mûnene, Ngai waku nîakaaregana na maûndû mau eeguire. Kwoguo voera andû arîa matigarîte.’ ”

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 43:14

Ngai-Mûnene Mûkûri wenyu Ûrîa Mûtheru wa Isiraeli arauga atîrî, “Nîngûtûma athigari a mbaara kûu Babuloni nîûndû wenyu, na nîngaaunanga ivingo cionthe cia îtûûra rîu, na gîkeno Kîam Akalidei nîgîgaatuîka macakaya.

Isaia 43:3

Nîûndû nie nînie Ngai-Mûnene Ngai wenyu, Ûrîa Mûtheru wa Isiraeli, mûvonokia wenyu. Nîngûvecana îrîvi Misiri nîguo ngûkûûre, nîngûvecana Ethiopia na Seba nîguo mûrekererue.

Isaia 44:22

Nîmvatîte mavîtia maku ta îtu, na mevia maku ta nundu; njokererani nîûndû nîmûkûûrîte.”

Isaia 44:24

“Nînie Ngai-Mûnene ûrîa wagûkûûrire; nînie nakûmbire ûrî nda ya nyûkwe. Nînie Ngai-Mûnene mûmbi wa indo cionthe. Nînie natambûrûkirie îgûrû na ngîûmba nthî na vinya wakwa, gûtirî mûndû wandethirie.

Isaia 44:6

Ngai-Mûnene mwene vinya wonthe Mûthamaki na Mûkûri wa Isiraeli arauga atîrî, “Nie nînie wa mbere na nînie wa mûthiia; gûtirî ngai îngî tiga nie.

Isaia 47:4

Rîîtwa rîa mûkûri wetû nî Ngai-Mûnene mwene vinya wonthe, Ûrîa Mûtheru wa Isiraeli.

Isaia 48:17

Ngai-Mûnene Ûrîa Mûtheru wa Isiraeli mûvonokia waku, arauga atîrî, “Nie nînie Ngai-Mûnene, Ngai waku, nînie ngûrutaga maûndû ma gûkûguna, nînie ngûtongoragia njîra îrîa wagîrîrwe nî kûthiîrîra.

Isaia 49:26

Nîngaatûma arîa mamûvinyagîrîria marîe nyama ciao o ene, na marîwe nî nthakame yao o ene ta ndivei. Andû onthe nîmakaamenya atî Nie Ngai-Mûnene, nînie Mûvonokia waku, nînie Mûkûri waku, Ûrîa ûrî Vinya wa Jakovu.”

Isaia 49:7

Ngai-Mûnene mûkûri wa Isiraeli na ûrîa Mûtheru wake, arera ûrîa ûnyararîtwe mûno, ûrîa ûmenetwe nî andû a mavûrûri na nî ndungata ya athamaki atîrî, “Athamaki nîmagaakwona na marûngame magûtîîe; anene wanao nîmakenamîrîria mothiû mao magûtîîe.” Mageeka ûguo nîûndû wa ûrîa nie Ngai-Mûnene nîrî mwîvokeku, Ûrîa Mûtheru wa Isiraeli, nîke ûkûthuurîte.

Isaia 54:5

Nîûndû ûrîa wakûmbire nîke mûthuuriguo, Ngai-Mûnene mwene vinya wonthe nîrîo rîîtwa rîake. Ûrîa Mûtheru wa Isiraeli nîke Mûkûri waku, ke etagwa Ngai wa nthî yonthe.

Isaia 54:8

Nakûthithire ûthiû wakwa gwa kavinda kanini, nîûndû wa ûrîa natûmbîtwe nî marakara, nwatî nîngaakwîguîra ntha na wendo ûtathiraga.” Ûguo nîguo Ngai-Mûnene Mûkûri waku arauga.

Isaia 59:20

Ngai-Mûnene arera andû ake atîrî, “Ngaaûka Zayuni nîrî Mûkûri wa andû a njiarwa cia Jakovu arîa magaatiganîria mevia mao.

Isaia 60:16

Nîûkaareterwe irio nî andû a ndûrîrî, athamaki magaakûvecaga irio mbaro, na nîûkaamenya atî nie Ngai-Mûnene, nînie Mûvonokia waku, nînie mwene Vinya mûkûri wa Jakovu.

Isaia 63:16

Nîûndû we nîwe Vava. Wana Iburahimu angîrega gûtûmenya, na Isiraeli auge ndatwîcî, we Ngai-Mûnene nîwe Vava, nîwe wîtagwa mûkûri wetû kuuma tene.

Jeremia 46:27

“Nwatî we Jakovu ndungata yakwa ndûgetigîre, mue andû a Isiraeli mûtikamake; nîûndû nîngakûvonokia nîrî kûraca, nîngavonokia njiarwa ciaku kuuma vûrûri ûrîa maathamîrue. Jakovu nîagaacoka mûciî avurûke na agîe na thayû, na gûtirî mûndû wanarî ûmwe ûkaamwîguithia guoya.

Jeremia 50:34

Ûrîa mûkûri wao arî vinya. Rîîtwa rîake nî Ngai-Mûnene mwene vinya wonthe. Nama nîngamacirîrîra nîguo ndûme nthî îgîe na thayû, nwatî vûrûri wa Babuloni nîmakaagîa na thîna.”

Maca 3:57

Nîwanjokerie na ûkîmbîra ndigetigîre.

Danieli 10:12

Nîwacokire akîmbîra atîrî, “Danieli, ndûgetigîre. Ngai nîeguîte mavoya maku kuuma vîndî îrîa wenyivirie mbere yake nîguo ûtaûkîrwe nî kîoneki. Nie naûka gûgûcokeria mavoya maku.

Hosea 11:9

Nîngwîrigîrîria ndigeke ûndû na marakara; ndigaacûkangia Efiraimu rîngî, nîûndû nî Ngai na ndiîkariî ta mûndû. Nie ûrîa mûtheru gatagatîrî kenyu, ndigaûka gûkûverithia nîrî na marakara.

Mathaayo 7:14

Nwatî mûromo wa gûtonya mwoyorî nî mûceke, na njîra îrîa yerekagîria andû kuo nî njeke na andû arîa mamîonaga nî anini.

Luka 12:32

“Tigani gwîtigîra mue ndîthia îno nini nîûndû Ngai îthe wenyu nîwonete kûrî kwagîrîru amûve ûthamaki.

Aroma 9:27

Nake Isaia nîwanîrîre ûvoro wîgiî Isiraeli akiuga atîrî, “Wana ethîrwa ciana cia Isiraeli nî nyîngî ta mûthanga ûrîa ûrî îriarî, nî andû anini mûno gatagatîrî kao makaavonoka,

Agal 3:13

Nwatî Kristû nîwatuîkire kîrumi nîûndû wetû nîguo atûkûûre kuuma kûrî kîrumi kîrîa kîretagwa nî watho. Nîûndû Mandîko matheru maugîte atîrî “Mûndû wa wonthe mwambe mûtharavarî nî mûrume nî Ngai.”

Gûco 7:7

“Ngai-Mûnene ndaamwendire na akîmûthuura nîûndû wa ûrîa mwarî eengî gûkîra andû a mavûrûri marîa mengî, nama mwarî anini mûno gûkîra mavûrûri marîa mengî ma nthî.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Josh 17:18

Vûrûri ûrîa ûrî irîma nîûtuîka wenyu. Wana ethîrwa nî mûtitû, mue mûkaaûtheria na ûtuîke wenyu wonthe. Naguo ûvoro wîgiî andû a Kanaani, wana ethîrwa marî na ikaari cia mbarathi cia cuuma na marî na vinya nîmûkaamengata maume kuo.”

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.