Isaia 41:12 - ÎVUKU RÎA ÛVORO MWARO

¹² Ûgaacaria acio magianaga nawe, nwatî ndûkamoona, arîa marûaga nawe magaatuîka kîndû vatarî.

Isaia 41:12 ပူးပေါင်းရင်းမြစ်များ

Isaia 17:14

Nîmatûmaga kûgîe na kîmako kîvwaî, nwatî mbere ya gûkîe kîmako gîkathira. Rîu nîrîo îgai rîa arîa matûtavaga indo cietû, na îrîvi rîa arîa matûcunaga indo cietû.

Isaia 29:8

Mavûrûri monthe marîa matharîkagîra Kîrîma gîa Zayuni magekara ta mûndû arî mûvûtu akîrota akîrîa irio, kana ta mûndû mûnyondu akîrota akînyua manjî, nwatî akîramûka akethîra arî mûnogu na arî mûnyondu.

Isaia 34:12

Gûtikaagîa na mûthamaki wa kwatha vûrûri ûcio, na gûtikethîrwa kûrî na anene vûrûrirî ûcio.

Isaia 49:25

Nwatî Ngai-Mûnene arauga atîrî, “Wana indo irîa itavîtwe nî andû njamba nîigoocwa, na andû arîa movetwe nî njamba irîa irî vinya nîmakaavonokua, nîûndû nie nînie ngaarûa na andû arîa marûaga nawe, na nîngaavonokia ciana ciaku.

Zefania 3:19

Taroria, vîndî îo nîrîo ngaaverithia arîa onthe makûvinyagîrîria. Nîngaavonokia arîa onthe cionje na nyûnganie arîa onthe matetwe. Nîngaagarûra gîconoko Kîamo gîtuîke ûkumio wao, na ndûme mamenyeke nthî yonthe.