Isaia 41:10 - ÎVUKU RÎA ÛVORO MWARO

¹⁰ Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 41:10 ပူးပေါင်းရင်းမြစ်များ

Kîam 15:1

Vuva wa maûndû mau, Ngai-Mûnene nîwaumîrîre Aburamu na njîra ya kîoneki na akîmwîra atîrî, “Aburamu, tiga kwîgua guoya. Nie nîngaakûgitîra kuuma kûrî mogwati na nîngaakûva kîveo kînene.”

Kîam 26:24

Ûtukû ûcio Ngai-Mûnene nîwaumîrîre Isaka akîmwîra atîrî, “Nînie Ngai wa aguo Iburahimu. Ndûgetigîre nîûndû nîrî vamwe nawe. Nîngaakûrathima na ndûme njiarwa ciaku ithegee nîûndû nînarîkanîre na ndungata yakwa Iburahimu.”

Kîam 31:5

Nîwamerire atîrî, “Nînîrona atî aguo ndamendete ta ûrîa aamendete mbere. Nwatî Ngai wa vava ethîrîtwe arî vamwe na nie.

Kîam 49:24

Nwatî ûta wake ndwainainaga, njara ciake nîciîkagîrwa vinya, nî Ngai mwene vinya wonthe Ngai wa Jakovu, rîîtwarî rîa Mûrîthi Mûgitîri wa Isiraeli.

2Sam 22:19

Nîmaantharîkîre rîrîa naarî mathînarî, nwatî Ngai-Mûnene nîwangitîre.

1Maû 12:18

Roho wa Ngai nîwacokire ûgîtonya kûrî Amasai mûnene wa athigari arîa njamba mîrongo îthatû na akiuga atîrî, “Daudi tue tûrî aku, tûrî nawe mûvîcî wa Jesse! Thayû ûrogîa kûrî we, thayû ûrogîa kûrî arîa magûtethagia! Nîûndû Ngai waku nîagûtethagia.” Daudi nîwacokire akîmagwata ûgeni na akîmatua anene a athigari ake a mbaara.

2Maû 20:17

Mûtikaavatara kûrûa mbaararî îno. Thiîni mûkeevarîria na mwetere na nîmûkoona Ngai-Mûnene akîmûvootanîra. Mue andû a Juda na a Jerusalemu mûtigetigîre na mûtikegue guoya. Mûkaathiî mûkatharîkîre andû acio na Ngai-Mûnene nîakethîrwa arî vamwe namue!”

2Maû 32:8

Ke arî na vinya wa ûûmûndû tu, nwatî tue tûrî na Ngai-Mûnene, Ngai wetû wa gûtûtethia na gûtûrûîrîra.” Nao andû nîmaaûmîrîrue nî ciugo icio cia Hezekia, mûthamaki wa Juda.

Thaburi 144:11

Mvonokia kuuma kûrî nthû mbaganu, na ûmvonokie kuuma kûrî ageni, arîa maragia maveeni, na mevîtaga wana rîrîa makûthaana.

Thaburi 144:8

arîa maragia maveeni, na mevîtaga wana rîrîa makûthaana.

Thaburi 145:14

Ngai-Mûnene nîatiragîrîra arîa onthe maragwa, na nîaûkagîrîria arîa avinyîrîrie.

Thaburi 147:12

Kumia Ngai-Mûnene, we Jerusalemu! Kumia Ngai waku, we Zayuni!

Thaburi 18:36

Nîwangitîre ndikanyitwe nî nthû ciakwa, na ndianagwa.

Thaburi 27:1

Ngai-Mûnene nîke ûtheri wakwa na ûvonokio wakwa, gûtirî mûndû nîngîtigîra. Ngai-Mûnene nîke ûngitagîra kuuma kûrî mogwati monthe, gûtirî mûndû ngeetigîra.

Thaburi 29:11

Ngai-Mûnene arovecaga andû ake vinya! na arorathima andû ake na amave thayû.

Thaburi 33:12

Kûrathimwa nî vûrûri ûrîa Ngai wa guo arî Ngai-Mûnene wao, kûrathimwa nî andû arîa athuurîte nîguo matuîke ake kîûmbe!

Thaburi 37:17

Nîûndû Ngai-Mûnene nîakaathiria vinya wa andû arîa aganu, nwatî nîakaagitîra arîa athingu.

Thaburi 37:24

Wana mangîgwa, nîmaûkagîra, nîûndû Ngai-Mûnene nîamanyitagîrîra.

Thaburi 41:12

We nîûndethagia nîûndû mbîkaga maûndû maro, na nîûmbigaga vakuvî nawe tene na tene.

Thaburi 46:11

Ngai-Mûnene mwene vinya wonthe arî vamwe natue, Ngai wa Jakovu nîke mûgitîri wetû.

Thaburi 46:7

Ngai-Mûnene mwene vinya wonthe arî vamwe natue; Ngai wa Jakovu nîke mûgitîri wetû.

Thaburi 63:8

Nîîgwatithanîtie nawe, naguo vinya waku nî ûngitîrîte.

Thaburi 65:5

We nîûcokagia mavoya metû na njîra ya gûtûva ûvootani, na nîwîkaga maûndû ma magegania nîguo ûtûvonokie, we nîwe kîîrîgîrîro Kîam andû onthe a nthî, na Kîam arîa marî mariarî marîa marî kûraca.

Thaburi 99:4

We mûthamaki mwene Vinya Wonthe, mwendi ûthingu; Nîwonanîtie kîvooto Isiraeli; nîwonanîtie ûthingu na waragania.

Ntha 14:13

Nake Musa nîwamacokerie atîrî, “Mûtigetigîre, mwîyûmîrîrie na nîmûkwona ûrîa Ngai-Mûnene agwîka nîguo amûvonokie ûmûnthî. Mue mûtigaacoka kwona andû aya a Misiri rîngî.

Ntha 20:20

Nake Musa nîwerire andû a Isiraeli atîrî, “Tigani kwîgua guoya, nîûndû Ngai aûkîte kûmûgeria na atûme mûmwathîkagîre nîguo mûtikevie.”

Isaia 12:2

Ngai nîke mûvonokia wakwa; nîke ngwîvoka na ndigeetigîra; nîûndû Ngai-Mûnene, Ngai nîamvecaga vinya; na ke mwene nîke ûmvonokagia.

Isaia 35:4

Îrani arîa marî na guoya ngoro atîrî, “Îyûmîrîrieni, tigani gwîtigîra! Taroriani Ngai wenyu nîagaaûka kûmûrîvîrîria, nîagaaûka kûverithia nthû cienyu, ke mwene nîagaaûka kûmûvonokia.”

Isaia 37:6

Isaia nîwamerire atîrî, “Îrani mwathi wenyu Ngai-Mûnene arauga atî, ‘Ndûgetigîre nîûndû wa ûrîa wegua ndungata cia mûthamaki wa Asîria cianuma.

Isaia 43:5

Mûtigetigîre nîûndû nîrî vamwe namue! Nîngaamûretere njiarwa cienyu kuuma mwena wa îrathîro, na nîmacokanîrîrie kuuma mwena wa îthûîro.

Isaia 44:2

Ngai-Mûnene ûrîa wakûmbire arauga atîrî, “Nakûmbire îvurî rîa nyûkwe na nînie ngûtethagia. Tiga gwîtigîra we Jakovu ndungata yakwa, Jeshuruni ûrîa nthurîte ndûgetigîre.

Isaia 49:8

Ngai-Mûnene arauga atîrî, “Vîndî îrîa mbagîrîru, nînagûcokerie îvoya rîaku, mûthenya wa kûvonokania nînagûtethirie; nîngwigîte na ngarûtha kîrîkanîro na andû a mavûrûri monthe na njîra yaku. Nîngaatûma ûtûûre rîngî vûrûrirî ûrîa watiganîrue ûtarî kîndû, ûtuîke îgai rîenyu.

Isaia 50:9

Taroria Mwathani Ngai-Mûnene nîke ûndethagia. Nû ûngîvota kûnduîra atî nîrî na mavîtia ciirarî? Onthe makaathira ta nguo; nîmakaarîwa nî igunyû.

Isaia 52:7

Kaî nî ûndû mwaro-î kwona mûndû arî irîmarî aretete ûvoro mwaro, akîanîrîra ûvoro wa thayû, na akîanagîrîra ûvonokio! Arera andû a Zayuni atîrî, “Ngai wenyu nîke ûrathana!”

Isaia 60:19

“Riûa rîtigacoka rîngî gûkûmûrîkîra mûthenya, wana kana mweri ûcoka gûkûmûrîkîra mathaa ma ûtukû, nwatî nie Ngai-Mûnene nînie ngaatuîka ûtheri waku wa tene na tene, naguo riiri wakwa ûkûmûrîkagîre.

Maca 3:57

Nîwanjokerie na ûkîmbîra ndigetigîre.

Danieli 10:12

Nîwacokire akîmbîra atîrî, “Danieli, ndûgetigîre. Ngai nîeguîte mavoya maku kuuma vîndî îrîa wenyivirie mbere yake nîguo ûtaûkîrwe nî kîoneki. Nie naûka gûgûcokeria mavoya maku.

Danieli 6:16

Kwoguo mûthamaki nîwathanire Danieli ocwe na aikue îrimarî rîa mînyambû. Nîwacokire akîra Danieli atîrî, “Ngai waku ûrîa ûtungatagîra wa mûthenya arokûvonokia.”

Hosea 1:9

Nake Ngai-Mûnene nîwerire Hosea atuîre mwana ûcio rîîtwa “ ‘Tî andû akwa,’ nîûndû mue mûtirî akwa, na nie ndi wenyu.”

Hagai 1:13

Nake Hagai, mûnjaama wa Ngai-Mûnene, nîwavere andû ndûmîrîri kuuma kûrî Ngai-Mûnene yaugaga atîrî, “Nie nîrî vamwe namue.”

Hagai 2:5

Rîrîa mwaumire Misiri nînamwîrîîre atî ngethagîrwa nîrî namue tene na tene. Kwoguo, nîrî vamwe namue, mûtikamake.

Zakaria 10:12

Nîngaatûma andû akwa magîe na vinya, na nîmakaambathîkagîra na mangoocage.” Nînie Ngai-Mûnene nauga ûguo.

Zakaria 10:6

Nîngaatûma nyomba ya Juda îgîe vinya, na nîngaavonokia nyomba ya Josefu. Nîngaamacokia kwao nîûndû nînîmegucagîra ntha, na nîmagekara ta andû ndanatiganîria, nîûndû nî nie Ngai-Mûnene, Ngai wao, na nîngegua mavoya mao.

Zakaria 13:9

Gîcunjî kîu kîmwe Kîam ithatû nîngaagikia mwakirî, na nîmatherie ta ûrîa mûndû atheragia sîlûva na mwaki, na nîmagerie ta ûrîa thaavu îgeragua na mwaki. Nîmakaamvoya, nanie nîngaacokia mavoya mao; Nie nîngaauga atî o nî andû akwa, nao nîmakaauga atî, nî nie Ngai-Mûnene Ngai wao.”

Luka 1:13

Nwatî mûraika ûcio nîwerire Zakaria atîrî, “Zakaria, ndûkegue guoya. Ngai nîwîguîte mavoya maku. Mûkaguo Elizabethi nîagûgûciarîra mwana wa kavîcî na ûkaagatuîra rîîtwa Johana.

Luka 1:30

Nwatî mûraika nîwamwîrire atîrî, “Mariamu, tiga kwîgua guoya; Ngai nîmûgûkinyîriu wega wake.

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

2Akor 12:9

Nwatî ke nîwanjokerie atîrî, “Wega wakwa nî ûkwîganîte. Nîûndû vinya wakwa nîwonekanaga kûrîa gûtarî vinya.” Kwoguo nîngenaga mûno ngîtîîa nîûndû wa ûvûthû wakwa, nîguo vinya wa Kristû ûvotage gûtûûra ndaarî yakwa.

Aefeso 3:16

Mvoyaga Ngai atî kuuma kûrî ûtonga wa riiri wake amûvecaga vinya nyîngî ndarî yenyu na njîra ya Roho wake.

Gûco 20:1

“Rîrîa mwathiî mbaararî kûrûa na nthû cienyu, na mwone marî na mbarathi, ikaari cia mbaara, na athigari a mbaara eengî kûmûkîra, mûtikametigîre. Ngai-Mûnene Ngai wenyu, ûrîa wamûrutire Misiri akethagîrwa arî vamwe namue.

Afil 4:13

Nwambîke maûndû monthe na njîra ya ûrîa ûmvecaga vinya.

Josh 1:9

Ririkana atî nakwatha ûgîe na vinya na ûmîrîrie! Ndûgetigîre kana ûgîe guoya, nîûndû nie Ngai-Mûnene, Ngai waku, ngethagîrwa nîrî nawe kûrîa kuonthe ûkathiîcaga.”

Atir 6:16

Nake Ngai-Mûnene nîwamûcokerie atîrî, “Nîûgwîka guo nîûndû ngethîrwa nîrî vamwe nawe. Ûgacûkangia andû a Midiani takwa marî mûndû ûmwe.”