Isaia 40:31 - ÎVUKU RÎA ÛVORO MWARO

³¹ Nwatî arîa metagîrîra Ngai-Mûnene nîmakoongererwa vinya wao, makaagûrûkaga îgûrû na mathagu ta nderi, makaavinyûra na matikaanoga, makaathiîcaga na magûrû na matikaathira vinya.

Isaia 40:31 ပူးပေါင်းရင်းမြစ်များ

Ayubu 17:9

Nwatî mûndû ûrîa wîtîkîtie Ngai ndavîngagwa, na mûndû ûrîa wîkaga maûndû maro, ongagîrîrwa wa mûthenya.

Thaburi 103:5

Nîke ûmvecaga indo mbaro ûtûûrorî wakwa, nîguo mbîkarage nîrî mwîthî na nîrî na vinya ta nderi.

Thaburi 123:2

Taroria, wata ûrîa ndungata ciîvokete mwathi wacio, wata ûrîa ndungata ya mûndûmûka îîvokaga mwathi wayo wa mûndûmûka, nwaguo wanatue twîvokaga Ngai-Mûnene, Ngai wetû, nginya rîrîa agaatwîguîra ntha.

Thaburi 138:3

Rîrîa nagwîtire, we nîwambîtîkire, nîwanyongerere vinya.

Thaburi 20:9

We Ngai-Mûnene, votithia mûthamaki kûvootana, na ûtûthikagîrîrie rîrîa tûgûkûvoya.

Thaburi 25:21

Ngitîra nîûndû wa wega na wîvokeku wakwa, nîûndû we nîwe nîîvokete.

Thaburi 25:3

Ndûkareke andû arîa magwîtîkîtie maconorithue, nwatî ûconorithie arîa mareganaga nawe.

Thaburi 25:5

Nthomithia gûtûûra nûmîrîrîte ûma waku, nîûndû we wî Ngai wakwa, mûvonokia wakwa, ngwîvokaga vîndî cionthe.

Thaburi 37:34

Îîvokeni Ngai-Mûnene na mûrûmagîrîre maathani make; nîakaamûtûgîria na mwîgwatîre vûrûri, na nîmûkoona andû arîa aganu magîcûkangua.

Thaburi 40:1

Nîneterere Ngai-Mûnene andethie ngirîrîrîtie; nîwanthikîrîrie na akîgua kîrîro gîakwa.

Thaburi 84:7

Nîmathiîcaga na mbere kûgîa vinya, nîmakoona Ngai ûrîa mûnene gûkîra ngai irîa kûu Zayuni.

Thaburi 84:8

Ngai-Mûnene, Ngai mwene vinya wonthe îgua îvoya rîakwa. We Ngai wa Jakovu nthikîrîria!

Thaburi 92:1

Nî waro gûgûcokeria ngatho we Ngai-Mûnene, na kwina nyîmbo cia gûkumia Ngai ûrîa ûrî Îgûrû Mûno.

Thaburi 92:13

Mekariî ta mîtî îvandîtwe nyombarî ya Ngai-Mûnene, îrîa îkûragîra hekarûrî ya Ngai wetû.

Ntha 19:4

“Mue nîmwonire ûrîa nie Ngai-Mûnene nekire andû a Misiri na ngîmûkuua ta ûrîa nderi îkuuaga tûcui twayo na mathagu na ngîmûrete varî nie.

Nthi 30:19

ûrîa nderi îthiîcagîrîra rîerarî, ûrîa njoka îthiîcagîrîra rûciararî rwa mathiga, ûrîa meri îthiîcagîrîra îriarî, na ûrîa mwanake mendanaga na mwîrîtu.

Rwîmbo rwa Nyîmbo 8:5

Nû ûrîa ûkîte aumîte werûrî, manyitanîte njara na mwendwa wake? Naakûramûkirie rungu rwa mûtî wa matunda, varîa nyûkwe eguîrîre ûrûrû agîgûciara.

Isaia 25:9

Mûthenya ûcio, andû onthe nîmakaauga atîrî, “Taroriani, ûyû nîke Ngai wetû! Nîke twetererete, nîguo atûvonokie. Ûyû nîke Ngai-Mûnene; nîke twetererete; tigani tûkene na tûcanjamûke nîûndû wa gûtûvonokia.”

Isaia 30:15

Nîûndû Ngai-Mûnene, Ngai Ûrîa Mûtheru wa Isiraeli arauga atîrî, “Mûngînjokerera na mûkirîrîrie, nîmûkaavonoka; mwakirîrîria na mwanîîvoka mûkaagîcaga na vinya.” Nwatî mue nîmwaregire gwîtîkîra.

Isaia 30:18

Kûnarî ûguo, Ngai-Mûnene nwa wetererete kûmwîguîra ntha, kwoguo nîevarîrîtie kûmûtuga. Nîûndû Ngai-Mûnene nî Ngai wîkaga maûndû ma kîvooto, kûrathimwa nî arîa onthe mamwetagîrîra.

Isaia 41:1

Ngai arauga atîrî, “Takirani mûnthikîrîrie mue mûtûûraga rûtere rwa îria! Mue andû a ndûrîrî gîani na vinya mûcerû; îyumîrieni na mwarie maûndû menyu, tigani tûgomane nîguo tûtue ciira tûrî vamwe.

Isaia 64:4

Kuuma tene gûtirî mûndû wanegua kana akona Ngai îngî tiga we, ûrîa wîkaga andû arîa mamwîvokete maûndû ta mau.

Isaia 8:17

Nîmbeterera Ngai-Mûnene, ûrîa wîthithîrîte andû a Jakovu, nîke ngwîvoka.

Jeremia 48:15

Mûcûkangia wa Moabu na matûûra make nîwakinya, anake ake arîa aro nîmaûragwa. Nîguo nauga nie mûthamaki ûrîa wîtagwa Ngai-Mûnene mwene vinya wonthe.

Zakaria 10:12

Nîngaatûma andû akwa magîe na vinya, na nîmakaambathîkagîra na mangoocage.” Nînie Ngai-Mûnene nauga ûguo.

Luka 18:1

Jesû nîwacokire akîva arutwa ake ngerekano ya kûmonia atî nîmagîrîrwe nî kûvoya vingo cionthe matagûkua ngoro.

Aroma 8:25

Nwatî ethîrwa nîtwîrîgagîrîra kîrîa tûtakwona, nîtûgîetagîrîra tûkirîrîrîtie.

2Akor 4:1

Tûrî na ûtungata ûyû tûvetwe nî Ngai nîûndû wa ntha ciake, kwoguo tûtingîûrwa nî thayû.

2Akor 4:16

Nîûndû wa gîtûmi gîkî tûtikucaga ngoro. Wana ethîrwa mwîrî ûyû wonekaga nî ûthiîcaga wa ûkîoraga, ûtûûro wetû wa kîîroho nî ûcerûvagua wa mûthenya wa mûthenya.

Agal 6:9

Kwoguo tûtikanoge nî gwîka waro, nîûndû îvinda rîrîa rîagîrîru rîakinya nîtûgaaketha twarega kûrwa nî vinya.

Gûco 32:11

Ta ûrîa nderi îtharagia kîomba Kîamyo; na îkagûrûka îgûrû rîa twana twayo, yambararagia mathagu mayo nîguo îtûnyitîrîre, na îgatûkuua tûrî mathagurî ma yo.

Gûco 33:25

Ivingo cia matûûra maku ikethagîrwa irî cia cuuma na gîcango, ûkethagîrwa wî mûgitîre ûtûûrorî waku wonthe.”

1Ath 1:10

Namue nîmwetererete Mûriû wake Jesû ûrîa ûgaaûka aumîte îgûrû na nîke wariûkirue. Ke nîke ûtûvonokagia kuuma kûrî marakara ma Ngai marîa magûka.

Ahib 12:1

Tûrî na gîkundi kînene Kîam aira gîtûthiûrûrûkîrîtie. Kwoguo nîtwîyaûreni kîrîa kîonthe kîngîtûvînga na mevia marîa matûrigicaga. Tigani tûvinyûre tûrî na ûmîrîru îvenya rîrîa rîrî mbere yetû.

Ahib 12:3

Ta îcirieni ûvoro wake ûcio waûmîrîrie rûmena rûnene kuuma kûrî andû evia. Kwoguo mûtikaûrwe nî vinya kana mûkua ngoro.

Josh 14:11

Nîrî na vinya ûmûnthî wata ûrîa naarî na vinya mûthenya ûrîa Musa aandûmire. Nîrî na vinya wa kûrûa wana wa ûndû wîngî.

Kûguû 12:14

Nwatî mûndûmûka ûcio nîwaverwe mathagu maîrî ma nderi nene, nîguo avote kûgûrûka athiî vandû varîa aathondekeretwe werûrî. Kûu nîkuo akaamenyererwa kwa îvinda rîa mîaka îthatû na nuthu, na agitîrwe kuumana na njûnamatu.

Kûguû 2:3

Mue nîmûmîrîrîtie mûkirîrîrîtie, na mûkanyamarua nîûndû wakwa, na mûtirî mwandiganîria.

Kûguû 4:7

Kîûmbe Kîam mbere kîonekaga gîkariî ta mûnyambû; na gîa kaîrî kîonekaga gîkariî ta karegwa; na gîa kathatû Kîamrî na ûthiû ta wa mûndû. Nakîo kîûmbe gîa kana kîonekanaga gîkariî ta nderi îgûrûkîte.

Atir 16:28

Samusoni nîwacokire akîvoya kûrî Ngai-Mûnene akiuga atîrî, “Ûûi, Mwathani Ngai-Mûnene, nakûthaitha ûndirikane. Nakûthaitha we Ngai, ûnjokerie vinya wakwa rîngî nîguo na njîra ya îringa rîîrî rîmwe mvote kwîrîvîrîria kûrî Afilisiti nîûndû wa kûngûûra metho moîrî.”