Isaia 40:26 - ÎVUKU RÎA ÛVORO MWARO

²⁶ Taroriani îgûrû mwone! Nû waûmbire indo icio cionthe? Nî ûrîa ûitongoragia ta athigari ake a mbaara, nîaicî cionthe ûrîa ciîgana, aciîtaga cionthe na marîîtwa ma cio. Gûtirî wanarî kîndû kîmwe kîthagîrwa gîtarî vo, nîûndû Ngai-Mûnene arî vinya nyîngî.

Isaia 40:26 ပူးပေါင်းရင်းမြစ်များ

Kîam 1:14

Ngai nîwacokire akiuga atîrî, “Nîkûgîe motheri matuurî îgûrû ma kwamûranagia mûthenya na ûtukû na monanagie mavinda, mîthenya, na mîaka.

Kîam 1:16

Kwoguo Ngai nîwathondekire motheri maîrî manene. Riûa rîathage mûthenya na mweri wathage ûtukû. Nîwacokire akîthondeka njata.

Thaburi 102:25

Tene mûno nîwaûmbire nthî, na îgûrû nî wîra wa njara ciaku.

Thaburi 119:91

Ciûmbe cionthe itûûraga kuo nîûndû wa rîathani rîaku, nîûndû indo cionthe nî ndungata ciaku.

Thaburi 121:1

Ndoretie irîmarî; Ûtethio wakwa umaga kû?

Thaburi 19:1

Îgûrû maturî nîriumbûraga riiri wa Ngai, îgûrû rîerarî nîkwonanagia riiri wake!

Thaburi 66:3

Îrani Ngai atîrî, “Kaî maûndû marîa wîkaga nî ma magegania-î! Nthû ciaku nîikwînamagîrîra nî gûgwîtigîra irî mbere yaku.

Isaia 34:16

Cariani na mûthome kuuma îvukuurî rîa Ngai-Mûnene, gûtirî kîûmbe wanarî kîmwe gîgaatura, wa kîmwe gîkethîrwa kîrî na mûnyanya. Nîûndû Ngai-Mûnene nîke wathanîte ûguo, na Roho wake nîke ûgaciûngania cionthe.

Isaia 42:5

Ûguo nîguo Ngai-Mûnene arauga, ûrîa waûmbire îgûrû na akîrîtambûrûkia, nîke waûmbire nthî na indo cionthe irîa irî kuo, nîke ûvecaga andû arîa matûûraga kuo mîvevû, na akava mwoyo arîa matûûraga kuo.

Isaia 44:24

“Nînie Ngai-Mûnene ûrîa wagûkûûrire; nînie nakûmbire ûrî nda ya nyûkwe. Nînie Ngai-Mûnene mûmbi wa indo cionthe. Nînie natambûrûkirie îgûrû na ngîûmba nthî na vinya wakwa, gûtirî mûndû wandethirie.

Isaia 45:12

Nînie natûmire nthî îgîe kuo na ngîûmba andû nîguo matûûrage kuo. Nînie natambûrûkirie îgûrû, na ngîatha ciûmbe cionthe ciakuo igîe kuo.

Isaia 45:7

Nînie ndûmaga kûgîe ûtheri na ngatûma kûgîe nduma; nînie ndûmaga kûgîe thayû na ngatûma kûgîe thîna. Nînie Ngai-Mûnene ûrîa wîkaga maûndû mau monthe.

Isaia 48:12

Ngai-Mûnene arauga atîrî, “Tanthikîrîria we Jakovu, tanthikîrîria we Isiraeli ngîgwîta! Nie nînie Ngai-Mûnene, nînie wa mbere na nînie wa mûthiia!

Isaia 48:13

Nînie navandire mûcingi wa nthî na njara ciakwa, na ngîtambûrûkia îgûrû. Rîrîa neta îgûrû na nthî, nîimbîtîkaga irî vamwe.

Isaia 51:6

Roriani îgûrû; na mûcoke mûrorie nthî, nîûndû îgûrû rîkaathira ta ndogo; nthî îkaathira ta nguo, nao arîa matûûraga kuo magaakua ta ngi. Nwatî ûvonokio ûrîa ndetete ûgaatûûra tene na tene, naguo ûthingu wakwa ndûkaathira.

Isaia 66:2

Nie mwene nînie naûmbire indo ino cionthe, na kwoguo indo ino cionthe nî ciakwa. Nwatî mûndû ûrîa ûngenagia, nî ûrîa wînyivagia na wîrirîte, ûrîa ûndîîte na ûmbathîkagîra.

Gûco 4:19

Rîrîa mwaroria îgûrû mwona riûa, mweri, na njata, na ciûmbe cionthe cia îgîrû, îîmenyagîrîreni mûtikagwe mageriorî ma gûciînamîrîra mûigooce kana mûitungatîre. Ngai-Mûnene, Ngai wenyu avecanîte indo icio kûrî andû onthe a nthî.