Isaia 40:19 - ÎVUKU RÎA ÛVORO MWARO

¹⁹ Nwa aringithanue na mûvuanano ûrîa umîtue nî mûndû, nake mûturi wa indo cia thaavu akaûvaka thaavu, na akaûgemia na mîkathî ya sîlûva?

Isaia 40:19 ပူးပေါင်းရင်းမြစ်များ

Thaburi 135:15

Mîvuanano ya ngai cia mavûrûri irûthîtwe na sîlûva na thaavu, irûthîtwe na njara cia andû.

Thaburi 135:18

Arîa onthe mairûthaga na maciîtîkîtie, magaatuîka ta cio!

Isaia 2:20

Mûthenya ûcio, andû nîmagaaikîria mbuko na mvuvu, mîvuanano yao ya sîlûva na ya thaavu, îrîa meerûthîre nîguo mamîgoocage.

Isaia 2:8

Vûrûri wao wîcûrîte mîvuanano, na magoocaga indo irîa marûthîte na njara ciao.

Isaia 30:22

Nîmûgaacoka mûcûkangie mîvuanano yenyu ya gwacwa îrîa îvakîtwe sîlûva na mîvuanano yenyu îrîa îvakîtwe thaavu. Nîmûkaainyagia ta indo irî gîko, mûkiugaga atîrî, “Iroûra!”

Jeremia 10:9

Mîvuanano yao îgemetue na sîlûva kuuma Tarishishi, na thaavu kuuma Ofiri, îrûthîtwe nî andû marî na wara, wa kûrûtha indo na mbaû na aturi a thaavu, îcokete îgekîrwa itambaa cia rangi wa vururu na wa njambarawe, îtumîtwe nî andû marî na wara.

Danieli 5:4

Maanyuire ndivei magîkumagia ngai irîa ciarûthîtwe na thaavu, sîlûva, gîcango, cuuma, mîtî na mathiga.

Hosea 8:6

Nwa ta guo mwîkariî wanamue andû a Isiraeli! Mûvundi nîke warûthire mûvianano ûcio. Tî yo Ngai. Mûviano ûcio wa njaû wa Samaria nîûkaunangwa icunjî icunjî!

Atir 17:4

Rîrîa Mika aacokerie ng'ina sîlûva icio, ng'ina nîwocire tûcunjî magana maîrî kuuma kûrî cio na akîvirîra mûturi wa indo cia cuuma. Mûturi ûcio nîwathondekire mûvuanano na akîûvaka sîlûva kuonthe. Mûvuanano ûcio nîwacokire ûkigwa kwa Mika mûciî.